Danĩelĩ 11:27 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁷ Neryo abami bosĩ babiri, emitima yabo yasyasondya ebibi, kandi ababiri bosĩ basyĩkala oko mesa ibanemubihirana. Nĩkwa sibendisyatoka mwatsi, kusangwa endũlĩ yʼomwatsi yasyahĩka oko ndambĩ eyahulawa.

Danĩelĩ 11:27 Iomraidhean Croise

2 Samwelĩ 13:26

Neryo Abũsaloma mwabũga ati, bite bitya, ngakusaba, ũlĩgĩre mugala wetu Amnonĩ agende haguma netu. Neryo omwami mwamubwira ati, Akagenda nawe busana nakĩ kwehĩ?

Esyonyimbo 12:2

Obuli mundu akabũga amabehĩ na mũlĩkyabo; Bakabũga ekĩsehya nʼomo bũgobya.

Esyonyimbo 52:1

Uwe mbangĩ, busana nakĩ ukayihalamba omo bibi kwehĩ? Olwanzo lwa Nyamuhanga olutyusa ni lwʼomugulu gosĩ.

Esyonyimbo 58:2

Iyihi, mũkaganĩraya ebibi bisa ebyo mwasyakola, Kandi mukakola ebitsibu byʼomwaga omo kihugo.

Esyonyimbo 62:9

Abandu bagunda bali ngʼomuka buyira, Kandi abandu bakulu sibegasakĩ; Ũhĩrebo oko kĩlo neryo sibawite ekĩlo. Bangũhĩrĩre ngʼomuka buyira.

Esyonyimbo 64:6

Bakayira oluhota lubi, bati, Twabiriyira oluhota lũkalĩre. Omutima nʼobũlengekanĩa bwʼabandu nĩʼkũmbo!

Emĩsyo 12:20

Eriteba liri omo mutima wʼabakahimbika ebibi; Nĩkwa abahanĩ bʼobuholo kubo ni butseme.

Emĩsyo 19:21

Hali erihimbika lingi omo mutima wʼomundu; Nĩkwa erihana lyʼOmwami Mukulu lyasyahangana.

Emĩsyo 26:23

Emĩnywa yʼomũhwa nʼomutima mubi, Yĩsosĩre ngʼenyungu yʼeribumba eyĩbombĩre omwʼĩhũlo lyʼebĩtsĩpa.

Ezekĩelĩ 17:9

Ũbũge uti, Omukama Iye Omwami Mukulu ati, Asyalasa kwehĩ? Siendisyakula emĩrĩhĩ yago nʼerĩtwa ebĩgũma byago, iniuma, nʼebikoma byosĩ byago ebikalasa ibyuma kwehĩ? Kandi si busana nʼamaka manene kutse abandu bangi bangatoka erĩhanganĩago kandi.

Danĩelĩ 10:1

Oko mwaka wʼakasatu wa Kĩro omwami wʼePersĩa, omwatsi mwabĩsũlĩrwa uku Danĩelĩ, oyo wahulawa mo Beltesaza; nʼomwatsi oyo abya kwenene, go wʼamalwa manene; naye mwaminya omwatsi oyo, kandi mwaminya erilota eryo.

Danĩelĩ 11:28

Neryo omwami wʼelutambi lwʼeNdata asyasuba omo kihugo kiwe nʼobũsokĩ bunene; nĩkwa omutima wuwe asyabya nʼobũyĩgũ busana nʼendagano ĩbũyĩrĩre. Neryo asyakola nʼerisuba omo kihugo kiwe.

Danĩelĩ 11:29

Oko mugulu ahulawa asyaswasa nʼeriya elutambi lwʼeYĩkwa, nĩkwa oko mugulu oyũ siendisyatoka ngoko atoka erĩmbere.

Danĩelĩ 11:35

Kandi abandi abawite amenge basyawa erĩtũkũryabo, nʼerĩeryabo, nʼeriyirabo mo babuya, erĩhĩka oko mugulu wʼendũlĩ owakandĩsyahĩka oko ndambĩ eyahulawa.

Danĩelĩ 11:40

Neryo oko mugulu wʼendũlĩ omwami wʼelutambi lwʼeYĩkwa asyabandana naye, nʼomwami wʼelutambi lwʼeNdata asyamubambira ngʼakanyabungu omo syogalĩ, ba bandu abali oko syosabayĩrĩ, haguma nʼamato mangi; kandi asyingira omo bihugo bingi, nʼerilaba kubyo, nʼeritwangana mubyo.

Danĩelĩ 8:17

Neryo Gabrĩelĩ mwasa hakũhĩ nʼaho nabya nyimene; nʼomugulu ahĩka monubaha, monatũlama oko bũsũ bwage, nĩkwa mwambwira ati, Uwe mugala wʼomundu, Uminye ngoko erilota eryo ni ryʼoko mugulu wʼendũlĩ.

Danĩelĩ 8:19

Neryo mwabũga ati, Lebaya, ngandĩkũmĩnyĩsya ebikandisyabya oko mugulu wʼendũlĩ yʼerihitana; kusangwa ni ryʼomugulu owahamulawa wʼendũlĩ.

Habakũkĩ 2:3

Kusangwa esyonzolĩ sikine busana nʼomugulu ategekawa, nasyo sikanguha erĩhĩka oko ndũlĩ yasyo, nasyo sisyendisyabiha; nomo syangalinda, ulindesyo; kusangwa sĩkandĩsyahĩka kwenene, sisyendisyamala.

Emibiri 1:7

Yesu mwabwirabo ati, Tata abiritegeka emigulu nʼebirimo omo hamũlĩ yiwe ĩyowene. Kandi si mwatsi wenyũ eriminyabyo.

Emibiri 17:31

Kusangwa Nyamuhanga abĩrĩhĩra ekiro ekyo asyatswera ekihugo omo litunganene omo Mundu oyo abiriyisoga, ĩnĩakamĩnyĩsayakyo oko bandu bosĩ ĩnĩakalũbũkaya Omundu oyo yʼoko baholĩ!

1 AbanyaTesalonika 5:1

Balĩkyetu, sihali bwaga bwʼeribasakira ebarua erĩbowĩsya omwatsi wʼemigulu kutse esyondambĩ syʼemyatsi eyĩ.