Danĩelĩ 11:22 - AMASAKO ABOYTRTRE WA NYAMUHANGA AWAKAHULAWA MO BIBLIA

²² Nʼemilondo yʼamalwa yasyalũsĩbwa embere siwe nʼerĩkĩndwa, nʼomunyamwami wʼendagano nibya.

Danĩelĩ 11:22 Iomraidhean Croise

Ĩsaya 28:15

Kusangwa mwabĩrĩbũga muti, Twabiriyira endagano nʼoluholo, twabirisakana nʼeKũlĩmũ. Omugulu ekĩhũnzo kyʼeribwaga kyasyalaba, sikyendĩsyatũhĩkako; kusangwa twabiriyira amabehĩ eribya busayiro bwetu, kandi twabĩrĩyĩbĩsa omwʼĩtebya.

Danĩelĩ 11:10

Neryo abagala buwe basyalwa nʼerĩhĩndanĩa haguma endeko nene yʼemilondo mingi; neryo omuguma wabo asyalaba nʼeritwangana atoke erilwa nʼerĩhĩka ahakongotere hʼOmwami wʼelutambi lwʼeYĩkwa.

Danĩelĩ 11:23

Neryo basyabya babilagana naye asyateba, neryo asyahetuka, nʼeribana Obũtokĩ haguma nʼabandu bake.

Danĩelĩ 8:25

Na busana nʼemibere yiwe asyatokesya amatebo omo byala biwe; kandi asyayĩhamya omo mutima wuwe; kandi asyaherya bangi omwʼiyiketera lyabo; kandi asyahangana nʼerilwa nʼOmunya-mwami wʼabanya-mwami; nĩkwa asyatĩndwa butsira omo byala byʼabandu.

Danĩelĩ 9:26

Neryo enyũma wʼamayenga makũmĩ ndatu nʼawabiri, Mesĩa asyalũsĩbwaho, isiendisyabya nʼekindu; nʼabandu bʼomunya-mwami oyo wasyasa, basyaherya omũyĩ nʼahabũyĩrĩre. Nʼendũlĩ yago yasyabya erigunga lyʼamagetsi, nʼerĩhĩka oko ndũlĩ hasyabya amalwa; emilala yabiritegekwa.

Amosĩ 8:8

Ekihugo sikyendisyatitimana busana nʼekĩ, nʼobuli mundu oyo wĩkere mukyo eririra kwehĩ? Ega, kyasyahangana ekyosĩ ngʼolũsĩ lwʼeNĩlĩ, kandi kyasyagusangwa nʼerihotoka kandi, ngʼolũsĩ lwʼeNĩlĩ lwʼeMĩsĩrĩ.

Amosĩ 9:5

Neryo Omukama, Omwami Mukulu Wʼemilondo, yo yũkatũla oko kitaka ikyasendekerera, nʼabosĩ abĩkere mukyo basyalira; nakyo ekyosĩ kikayisumba ngʼolũsĩ lwʼeNĩlĩ, kandi kyasyahotoka ndeke ngʼolũsĩ lwʼeNĩlĩ lwʼeMĩsĩrĩ.

Nahũmũ 1:8

Nĩkwa omwʼigunga lyʼeribwaga asyabuga abakalwa naye, kandi asyahigira esyonzĩgũ siwe omo mwĩrĩmya.