Danĩelĩ 11:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Na lino ngandĩkũkangya ebyʼekwenene. Lebaya, hakandisyahangana abami basatu ePersĩa. Nʼowʼakani asyabya mũsokĩ kwilaba abandi bosĩ. Neryo omugulu amabibana amaka busana nʼobũsokĩ buwe, asyakola-kolya obwami bosĩ erilwa nʼobwami bwʼAbagrĩkĩ.

Danĩelĩ 11:2 Iomraidhean Croise

Ezera 4:24

Neryo omũbĩrĩ wʼenyũmba ya Nyamuhanga eyiri eYerũsalema mũmbya; kandi mũmbya erĩhĩka oko mwaka wʼakabiri wʼeritabala lya Darĩo omwami wʼePersĩa.

Ezera 4:7

Nʼoko biro bya Artasasta, ye Bĩsĩlamũ, na Mĩtĩredatĩ, na Tabeelĩ, nʼabandi nʼabalĩkyabo, mobasakira Artasasta omwami wʼePersĩa; nʼerisaka lyʼebarua lyasakawa omo Kĩsũrĩa; moyatondekwa omo Kĩsũrĩa.

Esĩterĩ 1:1

Neryo emyatsi eyĩ moyabya oko biro bya Ahasuero, Ahasuero oyo yo watabala erĩtsũka eBũhĩndĩ erĩhĩka eEtĩopĩa, oko bihugo erĩgana nʼamakũmĩ abiri nʼebirinda (127).

Emĩsyo 22:21

Erĩkũmĩnyĩsya ekwenene yʼebĩnywa byʼekwenene Iwatoka erĩsũbũlya ebĩnywa byʼekwenene ukwʼabo bakutuma.

Danĩelĩ 10:1

Oko mwaka wʼakasatu wa Kĩro omwami wʼePersĩa, omwatsi mwabĩsũlĩrwa uku Danĩelĩ, oyo wahulawa mo Beltesaza; nʼomwatsi oyo abya kwenene, go wʼamalwa manene; naye mwaminya omwatsi oyo, kandi mwaminya erilota eryo.

Danĩelĩ 11:25

Asyayiketera amaka wuwe, nʼerihanda omutima wuwe erilwa nʼomwami wʼelutambi lwʼeYĩkwa haguma nʼomulondo munene; neryo omwami wʼelutambi lwʼeYĩkwa asyahĩndanĩa omulondo wʼamalwa omunene nʼowʼamaka. Nĩkwa Siendisyahangana, kusangwa omwami wʼelutambi lwʼeYĩkwa Siendisyahangana kusangwa basyamusohera nʼamenge.

Danĩelĩ 7:5

Neryo, lebaya, eyindi nyama eyʼakabiri, eyĩsosĩre edubu. Nayo moyasumbwa luhande luguma, nʼesyonganga ĩsatu syabya omo buno bwayo omo meno wayo; neryo mobabwirayo bati, Hangana, ulye esĩswĩ nyingi.

Danĩelĩ 8:21

Nʼembaya eyo yʼekitswiga ni mwami wʼAbagrĩkĩ; nʼerĩhembe ĩnene eryo eriri omo katĩkatĩ kʼameso wayo ni mwami wʼerĩmbere.

Danĩelĩ 8:26

Nʼerilota lyʼamagolo-golo nʼesyongyakya ebyabĩrĩbũgwa ni kwenene; nĩkwa uhundire erilota eryo; kusangwa ni ryʼebiro bingi ebikandisyasa.

Danĩelĩ 8:4

Neryo monalangira embangale eyo ĩkakũna oluhande lwʼeyĩkwa, nʼelutambi lwʼendata, nʼelutambi lwʼeyĩkwa; kandi sihali nyama eyatoka erihangana embere syayo, kutse sihali oyo wangalamya omo byala byayo; nĩkwa moyakola ngʼerisonda lyayo, nʼerĩyĩhamya.

Amosĩ 3:7

Kwenene Omukama Omwami Mukulu siendisyakola kindu, ate abĩsũlĩra abagombe buwe abamĩnyererĩ ekĩbĩsĩre kiwe.

Yoane 10:35

Tũnasĩ kwʼAmasako sialiketawa, neryo Nyamuhanga abiribirikirabo mo syonyamuhanga abo ekĩnywa kya Nyamuhanga kyahĩkako.

Eribisurirwa 21:5

Nʼoyo wĩkere oko kĩtũmbĩ kyʼobwami mwabũga ati, Lebaya! Lino ngayira emyatsi yosĩ mo mihya-mihya. Neryo mwabũga ati, Usake ebĩ kusangwa ebĩnywa ebĩ ni byʼeriyiketera nʼebyʼekwenene.