Danĩelĩ 11:18 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁸ Neryo omwami oyo wʼelutambi lwʼeNdata asyayĩlolya ebwanga bwʼengetsi nʼerĩhũnga abangi. Nĩkwa ogundi mũsondolĩ asyamũhanganĩa nʼerĩmũsĩnga omo bĩtsũmĩ biwe.

Danĩelĩ 11:18 Iomraidhean Croise

Esĩterĩ 10:1

Neryo omwami Ahasuero mwahĩra omusolo omo kihugo, nʼomo bitsira byʼengetsi.

Ĩsaya 66:19

Nage nasyahĩra ekiminyikalo omo katĩkatĩ kabo, kandi nasyatuma abakabala ba kubo oko bihanda: eTarsisi, ePũlĩ, nʼeLũdĩ, nʼabakakanda obuta, eTũbalĩ, nʼeYawanĩ, oko mĩsĩke yʼengetsi eyiri hali, abatetowa engulu yage kutse erilangira olukengerwa lwage. Nabo basyatũla omwatsi wʼolukengerwa lwage omo katĩkatĩ kʼebihanda.

Yeremĩa 2:10

Ego musokere oko bitsira byʼeKĩtĩmũ, mulangire. Mutume eKedarĩ, mũlengekanaye kutsibu, nʼerilangira nga hane omwatsi alingene nʼoyũ!

Yeremĩa 31:10

Ĩnywe bihanda, muhulikirire ekĩnywa kyʼOmwami Mukulu, kandi mũtũlego omo bitsira byʼehali, mũbũge muti, Oyo wapanza-panza Ĩsraelĩ, asyamukuma-kuma nʼerĩmũteya, ngoko mũlĩsya akategaya ekihangulo kiwe.

Ezekĩelĩ 27:6

Omo mĩelo yʼeBasanĩ babiribatsa esyongahya syawe. Babiriyira ebĩtũmbĩ byawe omo meno wʼenzogũ, atũlũngene omo bisayi byʼemihugu ĩkalũa omo bihugo hakũhĩ nʼengetsi yʼeKĩtĩmũ.

Hosea 12:14

Efũraĩmũ mwamũhĩtanĩa kutsibu omwʼikaliha; busana nʼekyo, Omukama wuwe asyamũsĩgĩra omusango wʼomusasi wuwe, nʼomukama wuwe asyamũsũbũlĩrya ebĩtsũmĩ biwe.

Zefania 2:11

Omwami Mukulu asyabya wʼerĩũbahya kubo, kusangwa asyabondya esyonyamuhanga syosĩ syʼekihugo omo nzala; nʼabandu bosĩ bʼebihanda ebiri oko mũsĩke wʼengetsi basyamũramya, obuli mundu aho ali.

Matayo 7:2

Kusangwa omũsĩndo mukatswera, gona Nyamuhanga asyabatsweramo; nʼolulengo olo mukalengamo, asyabalenga mulo.

Abatswerĩ 1:7

Na Adonĩ-bezekĩ mwabũga ati, Abami makũmĩ alinda abatũbawa kwʼebikumo nʼamano wabo wʼobulume, mobasongya akalyo kabo omwisi wʼemesa yage. Ngoko nakola, Nyamuhanga abĩrĩnyĩtũhũlĩryako. Neryo mobamuleta eYerũsalema, mwaholerayo.