Danĩelĩ 11:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Kandi asyalenga erĩhĩka nʼamaka wʼobwami buwe bosĩ erĩkĩnda obwami bwʼelutambi lwʼeYĩkwa, iniakaleta omwatsi wʼeriyira Obuholo naye. Asyayira Obuholo obo; kandi omwami oyo wʼelutambi lwʼeNdata asyamuha omwana-muto erĩheryakyo. Nĩkwa omwana-muto oyo siendisyamuhanganira kutse erimwimira.

Danĩelĩ 11:17 Iomraidhean Croise

2 Abami 12:17

Neryo Hazaelĩ omwami wʼeSũrĩa mwahetuka eriyalwa nʼeGatĩ, mwanyegago; kandi Hazaelĩ mwalolya obũsũ buwe erihetukira eYerũsalema.

2 Emyatsi yʼEmigulu 20:3

Na Yosafatĩ mubaha, mwayĩhĩra okwʼisonda-sonda Omwami Mukulu; neryo mwahamula ati batsire erirya akalyo eYũda hosĩ.

Esyonyimbo 56:9

Oko kiro nasyakulakira, esyonzĩgũ syage syasyasũbĩbwa enyũma. Nyasĩ ekĩ: Nyamuhanga ali oko luhande lwage!

Emĩsyo 19:21

Hali erihimbika lingi omo mutima wʼomundu; Nĩkwa erihana lyʼOmwami Mukulu lyasyahangana.

Ezekĩelĩ 17:17

Kandi Farao nʼomulondo wuwe wʼamaka nʼendeko nene sibendisyamũwatĩkya omo malwa, omugulu bakahĩra ebilundo byʼekitaka nʼerĩhĩmba esyombĩmbo syʼeribambiraho, erĩĩta abandu bangi.

Ezekĩelĩ 25:2

Omugala wʼomundu, ũlolaye obũsũ bwawe oko bagala ba Amonĩ, uminyerere obũyĩgũ busana nabo,

Ezekĩelĩ 4:3

Neryo ũyĩmĩraye oluyo lwʼekyuma, ũhĩrelo ngʼolũhĩmbo lwʼekyuma omo katĩkatĩ kawe nʼomũyĩ, kandi ũlolaye obũsũ bwawe boko, nako ikwabambirwa, nawe wasyabambirago. Ekĩ ni kiminyikalo busana nʼekihanda kya Ĩsraelĩ.

Ezekĩelĩ 4:7

Nawe wasyalolya obũsũ bwawe ebwanga bwʼeribambira lyʼeYerũsalema, nʼokuboko kwawe ĩkũnasũkwĩre, neryo wasyaminyerera busana nako.

Danĩelĩ 11:19

Neryo owʼelutambi lwʼeNdata asyayĩlolya ahakongotere hʼekihugo kiwe, nĩkwa eyo asyatwĩkala nʼeriwa isiendisyaswabanika kandi.

Danĩelĩ 9:26

Neryo enyũma wʼamayenga makũmĩ ndatu nʼawabiri, Mesĩa asyalũsĩbwaho, isiendisyabya nʼekindu; nʼabandu bʼomunya-mwami oyo wasyasa, basyaherya omũyĩ nʼahabũyĩrĩre. Nʼendũlĩ yago yasyabya erigunga lyʼamagetsi, nʼerĩhĩka oko ndũlĩ hasyabya amalwa; emilala yabiritegekwa.

Habakũkĩ 1:9

Abosĩ bakasira omwaga; bakahanda amũsũ wabo mangi erĩlolyago embere; kandi bakakuma-kuma abanyegwa ngʼemisege.

Matayo 12:30

Oyute haguma nage, ĩnĩ nzĩgũ yage; nʼoyutekuma-kuma haguma nage, akapanza-panza.

Luka 11:23

Oyute haguma nage, akanyigana, nʼoyutegesa haguma nage akapanza-panza.

Luka 9:51

Neryo ebiro bya Yesu byʼeritwalwa elubula byabere byasonda erĩhĩka hakũhĩ, mwahĩra omutima wuwe oko lugendo lwʼeriya eYerũsalema.

AbanyaRoma 8:31

Neryo tũbũgekĩ busana nʼemyatsi eyĩ kwehĩ? Nyamuhanga amabya ali oko luhande lwetu, nindi yo wangaswalwa netu kwehĩ?