Danĩelĩ 11:15 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁵ Neryo omwami wʼelutambi lwʼeNdata asyasa nʼerĩhanganĩa ekilundo kinene kyʼekitaka, nʼerĩhũnga omũyĩ owakongotere ndeke, neryo emilondo yʼelutambi lwʼeYĩkwa siyendisyahangana, kutse esyombangĩ syʼabasĩrĩkanĩ babo, kusangwa sibendisyabana amaka wʼerihangana.

Danĩelĩ 11:15 Iomraidhean Croise

Yeremĩa 33:4

Kusangwa Omwami Mukulu, Nyamuhanga wʼeĨsraelĩ akabũga busana nʼamanyũmba wʼomũyĩ oyũ, na busana nʼamanyũmba wʼabami bʼeYũda, awasambulawa busana nʼerilwa nʼebĩhĩnga byʼekitaka byʼeribambira omũyĩ na busana nʼomũyalĩ.

Yeremĩa 5:10

Musambe oko mbĩmbo siwe syʼebĩnyũ, mũherayesyo, nĩkwa simubugirirebo. Mũlũsaye emitahi yiwe; kusangwa si yʼOmwami Mukulu.

Yeremĩa 52:4

Neryo oko mwaka wʼomwenda wʼeritabala liwe, oko mukera wʼerĩkũmĩ, nʼoko kiro kyʼerĩkũmĩ kyʼomukera oyo, Nebũkadeneza omwami wʼeBabelĩ mwasa, iye nʼomulondo wuwe gosĩ, erilwa nʼeYerũsalema, mwahanda endwĩro yoko; kandi mwahĩmba olũhĩmbo lwʼeribambiraho erĩtĩmbaho.

Yeremĩa 6:6

Kusangwa Omwami Mukulu wʼemilondo abĩrĩbũga ati, Mukondere emiti yʼahisi, musumbireho ekilundo kyʼekitaka oko Yerũsalema. Oyũ nĩ mũyĩ wʼerisuyirwa. Erinuba lisa liri mugo.

Ezekĩelĩ 17:17

Kandi Farao nʼomulondo wuwe wʼamaka nʼendeko nene sibendisyamũwatĩkya omo malwa, omugulu bakahĩra ebilundo byʼekitaka nʼerĩhĩmba esyombĩmbo syʼeribambiraho, erĩĩta abandu bangi.

Ezekĩelĩ 4:2

Neryo ubambirego, ũhĩmbe olũhĩmbo lwʼeribambirago, ũhĩmbeko ebilundo byʼekitaka, nʼerĩhĩra esyonganda, nʼerĩhĩra emigogo yʼerisambulaho erĩtĩmba oko mbande syosĩ.

Danĩelĩ 11:14

Neryo oko migulu eyo abandu bangi basyahangana nʼeribambira omwami wʼelutambi lwʼeYĩkwa; kandi abandu bʼomwaga omo katĩkatĩ kʼabandu bawe basyayisumba bati bakaberereraya erilota eryo, nĩkwa basyawa.

Danĩelĩ 11:6

Kandi enyũma wʼeyindi myaka basyaya embĩta, neryo mwali wʼOmwami wʼelutambi lwʼeYĩkwa asyasa oko mwami wʼelutambi lwʼeNdata eriyira endangano yʼobuholo. Nĩkwa mwali oyũ siendisyabana maka, nʼomwami wʼelutambi, lwʼeNdata sĩendĩsyasĩgala nʼamaka wuwe, nĩkwa mwali oyũ asyahigwa haguma nʼabamuleta, nʼoyo wamubuta, nʼoyo wamwimira oko migulu eyo.

Danĩelĩ 8:7

Nage monalangira ikasegera hakũhĩ nʼembangale, kandi moyahitana kuyo, moyahumira embangale, moyatũa amahembe wayo abiri; nʼembangale moyitaswabya nʼamaka eriimana embere syayo; nĩkwa embaya moyakĩndayo ahisi oko kitaka nʼeriryatangirirayo; isihali oyo wangalamya embangale omo byala byayo.

Yosũa 1:5

Sihendisyabya mundu nʼomuguma oyo wasyatoka erihangana embere syawe ebiro byosĩ byʼeribyaho lyawe; ngoko nabya na Musa, ko nasyabya haguma nawe nyitya; sindiendĩsyakũhũtatira, kutse erĩkũsĩganĩa.