Danĩelĩ 11:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Omugulu endeko eyo yasyatwalwa erĩhũngwa, omutima wʼOmwami oyo asyayĩhamya, kandi asyaleka abandu elfu makũmĩ eriwa, nĩkwa siendisyasĩngana.

Danĩelĩ 11:12 Iomraidhean Croise

2 Abami 14:10

Wabĩrĩkĩnda Edomũ kwenene, nʼomutima wawe abiriyiheka. Utsemere olukengerwa lwawe, Wĩkale eka wawe; kusangwa busana nakĩ ukayiretera obũlĩge, uti ũkwe, uwe, na Yũda haguma kwehĩ?

2 Emyatsi yʼEmigulu 25:19

Ũkabũga uti, Lebaya, wabĩrĩta Abaedomũ. Nʼomutima wawe akakũhamaya eriyipipa. Lino Wĩkale eka; busana nakĩ ukasonda omwatsi wʼobũlĩge kwehĩ? Uti ũkakwa, na Yũda haguma nawe kwehĩ?

2 Emyatsi yʼEmigulu 26:16

Nĩkwa abere abibya nʼamaka omutima wuwe mwayipipa kyaleka iniakola nabi, neryo mwahalya embere syʼOmwami Mukulu Nyamuhanga wuwe; kusangwa mwingira omo Hekalũ yʼOmwami Mukulu erĩhĩsya obukwa oko kiherero kyʼobukwa.

2 Emyatsi yʼEmigulu 32:25

Nĩkwa Hezekĩa mwatasũbũlya ndeke ngʼolulengo lʼomũyĩsa akolerawa, kusangwa omutima wuwe ayiheka; busana nʼekyo erihitana molyambyako, nʼoko Yũda nʼeYerũsalema.

Emĩsyo 16:18

Eriyanza lĩkatsũka erihera; Nʼekĩrĩmũ kyʼeriyipipa kĩkatsũka eriwa.

Ezekĩelĩ 28:17

Omutima wawe ayĩhamaya busana nʼobukange bwawe. Mowatsandya amenge wawe busana nʼerĩkangabasanĩa lyawe. Neryo monakugusa oko kitaka. Monakũhĩra embere syʼabami, bakusamalire.

Ezekĩelĩ 28:2

Mugala wʼomundu, Ubwire omũsondolĩ wʼeTĩro uti, Omukama Iye Omwami Mukulu ati, Kusangwa omutima wawe amayĩhamya, kandi wabĩrĩbũga uti, Ĩngye nyiri nyamuhanga, nyĩkere omo kĩtũmbĩ kyʼesyonyamuhanga, omo katĩkatĩ kʼesyongetsi. Nĩkwa uli mundu, suli Nyamuhanga, nomo wangahĩra omutima wawe eribya nga Nyamuhanga.

Ezekĩelĩ 28:5

Busana nʼamenge wawe manene, na busana nʼerĩtũndya lyawe wabiritomekera ebindu byawe, nʼomutima wawe amayĩhamya busana nʼebindu byawe.

Danĩelĩ 11:11

Neryo omwami wʼelutambi lwʼeYĩkwa asyahitana kutsibu nʼerihongoka eriyalwa nʼomwami wʼelutambi lwʼeNdata. Neryo omwami wʼelutambi lwʼeNdata asyahanganĩa endeko nene, nĩkwa endeko eyo yasyahabwa omo byala byʼOmwami wʼelutambi lwʼeYĩkwa busana nʼerĩhũngwa.

Danĩelĩ 11:13

Nʼomwami wʼelutambi lwʼeNdata asyaswahĩndanĩa nʼeriteka endwiro nene kwilaba eyʼerĩmbere; neryo enyũma eyindi myaka haguma nʼomulondo munene nʼendwiro nene.

Danĩelĩ 5:23

nĩkwa ukayihagata erilwa nʼomukama wʼelubula; kandi wabirireta esyondehĩ syʼenyũmba yiwe embere syawe, nawe nʼabakama bawe, nʼabakalĩ bawe, nʼabahwekĩ bawe, mwabĩrĩpũlĩrya musyo mwʼebĩnyũ kandi wabiripipa esyonyamuhanga syʼekĩtsĩpa nʼesyamagetsi, nʼesyʼomulinga, nʼesyʼekyuma, nʼesyʼemiti nʼesyʼamabwe, esitelangira, kutse erĩowa, kutse eriminya; na Nyamuhanga oyuli nʼomuka wawe wʼengebe omo byala biwe, nʼoyuli nʼesyonzira syawe syosĩ omo byala biwe, sulitamupipa.

Danĩelĩ 8:25

Na busana nʼemibere yiwe asyatokesya amatebo omo byala biwe; kandi asyayĩhamya omo mutima wuwe; kandi asyaherya bangi omwʼiyiketera lyabo; kandi asyahangana nʼerilwa nʼOmunya-mwami wʼabanya-mwami; nĩkwa asyatĩndwa butsira omo byala byʼabandu.

Eryibuka Ebihano 8:14

omutima wenyũ akasyayĩhamaya, kandi imwibirirwa Omwami Mukulu Nyamuhanga wawe, oyo wabalũsaya omo kihugo kyʼeMĩsĩrĩ, omo nyũmba yʼobukobe.

1 Timoteo 3:6

Kandi syabye Mukristo muhya-muhya, akasyayiheka nʼeritoga, nʼerĩsĩngwa ngʼeSatanĩ ko yasĩngawa.

1 Petero 5:5

Nenyũ nibya ĩnywe balwana, mukenge abakulu benyũ. Kandi ĩnywe bosĩ mũyĩkehaye embere syʼabalĩkyenyũ, kusangwa kĩsakĩre kiti, Nyamuhanga akalwa nʼabakayiheka, Nĩkwa akakanyaya olukogo oko bakayĩkehaya.