Danĩelĩ 10:6 - AMASAKO ABOYTRTRE WA NYAMUHANGA AWAKAHULAWA MO BIBLIA

⁶ Omubiri wuwe abya nga berũlĩ, nʼobũsũ buwe ngʼerisosa lyʼerĩpalya, nʼameso wuwe ngʼebisosomole byʼomuliro, nʼamaboko wuwe nʼebisando biwe ngʼomulinga owakomĩre, nʼomulenge wʼebĩnywa biwe abya ngʼomulenge wʼendeko.

Danĩelĩ 10:6 Iomraidhean Croise

Erĩlũayo 28:20

nʼomulala wʼakani ni aberũlĩ, na ũnĩkĩ, na yasĩpĩre; asyasoswa omo syamagetsi nʼerilukwa, musyo.

Olwimbo lwʼEsyonyimbo 5:14

Ebyala biwe biri ngʼomuti wʼesyamagetsi, Esĩhandĩre omo topazĩ. Enda yiwe ni mubiri wʼerĩno lyʼenzogũ Owaswĩkĩrwe omo safĩro.

Ezekĩelĩ 1:14

Nʼebihangikwa ebiriho mobyatibita eyĩ nʼeyĩ ngʼerĩpalya eryʼakarabyo.

Ezekĩelĩ 1:16

Ekĩsosekanĩo kyʼebĩrĩngo nʼemibiri yabyo byabya ngʼeberũlĩ, nʼebini byosĩ byabya nʼomubiri muguma. Nʼekĩsosekanĩo nʼemĩbĩrĩ yabyo byabya ngʼekĩrĩngo omwisi wʼekindi kĩrĩngo.

Ezekĩelĩ 1:24

Nage monowa erihuha lyʼebĩpũpa byabyo ngʼerihuha lyʼamagetsi mangi omugulu byagenda, ngʼomulenge wʼOmũtokĩ wʼEbyosĩ, omulenge wʼoluhi ngʼerihuha lyʼomulondo wʼabasĩrĩkanĩ. Omugulu byahangana, mobyakĩmya ebĩpũpa byabyo.

Ezekĩelĩ 1:7

Nʼebisando byabyo byabya bisando bitunganene. Nʼobulyatiro bwʼebisando byabyo bwabya ngʼobulyatiro bwʼekisando kyʼekyana kyʼende. Mobyakangabasanĩa ngʼomulinga owahalĩre ndeke.

Ezekĩelĩ 10:9

Nage monalangira, neryo lebaya, ebĩrĩngo bini aho mũsĩke wʼamakerũbĩ, ekĩrĩngo kiguma oko mũsĩke wʼobuli kerũbĩ kiguma. Nʼerisosa lyʼebĩrĩngo lyabya ngʼerĩbwe lya berĩlĩ.

Ezekĩelĩ 40:3

Naye mwanyireta eyo. Neryo lebaya, habya omundu erisosa liwe lyabya ngʼerisosa lyʼomulinga, iniawite engohe yʼekĩtanĩ omo byala biwe, nʼoluseke lʼolulengo omo byala biwe. Neryo mwimana omo lũkyo.

Ezekĩelĩ 8:2

Neryo monalebya, neryo lebaya, ekĩsosekanĩo ekiri ngʼomubiri wʼomundu. Erĩtsũka oko mbindi yiwe erĩlolya eyĩkwa, habya ekĩsosĩre omuliro, nʼerĩtsũka oko mbindi yiwe nʼerilola endata, habya ekĩsosĩre erĩkangabasanĩa, erĩsosĩre eriaka lyʼomulinga.

Matayo 17:2

Neryo Yesu mwahĩndũkĩbwa embere syabo, nʼobũsũ buwe mobwakangabasanĩa ngʼeryuba, nʼesyongimba siwe mosyabya nyeru-nyeru ngʼekyakakala.

Matayo 28:3

Erisosa liwe lyabya ngʼerĩpalya lyʼobũtũkũ, nʼesyongimba siwe syabya nyeru-nyeru ngʼenzururu.

Luka 9:29

Neryo abere anemusaba, erisosa lyʼobũsũ buwe molyahinduka, nʼesyongimba siwe mosyahenĩa nʼerĩkangabasanĩa.

Eribisurirwa 10:1

Neryo monalangira ogundi mũlaĩka wʼamaka manene, iniakandagala akalũa elubula. Abya ambite ekĩtũ, nʼekima kyabya oko mutwe wuwe. Obũsũ buwe bwabya ngʼeryuba, nʼebisando biwe byabya ngʼesyondũyĩ syʼomuliro.

Eribisurirwa 19:12

Ameso wuwe ni kirimi kyʼomuliro, nʼesyombĩta nyingi siri oko mutwe wuwe. Kandi awite erĩna lĩmũsakĩreko, nĩkwa sihali mundu wasĩryo, nina ye ĩyowene.

Eribisurirwa 2:18

Kandi Usake oko mũlaĩka wʼekanĩsa yʼeTũatera uti, Omugala wa Nyamuhanga, oyuwite ameso awasosĩre ebirimi byʼomuliro, nʼebisando biwe biringene nʼomulinga wʼenduku, akabũga ebĩnywa ebĩ ati,

Eribisurirwa 21:20

Eryʼakatanu lyʼeSadonĩkĩ, eryʼendatu lyʼeSardĩo, nʼeryʼakalinda lyʼeKrĩsolĩto, nʼeryʼomunani lyʼeBerĩlo, nʼeryʼomwenda lyʼeTopazĩo, nʼeryʼerĩkũmĩ kyʼeKrĩsopũraso, nʼeryʼerĩkũmĩ nʼeriguma lyʼeHaĩkĩnto, nʼeryʼerĩkũmĩ nʼawabiri lyʼeAmazĩsĩto.