Danĩelĩ 10:20 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁰ Neryo mwabũga ati, Ũnasĩ ekikaleka ĩnakũhĩkako kwehĩ? Na lino ngandisubula eriyalwa nʼomunya-mwami wʼePersĩa; nʼomugulu ngahongoka hano, lebaya, omunya-mwami wʼAbagĩrĩkĩ akandiasa.

Danĩelĩ 10:20 Iomraidhean Croise

Ezera 4:4

Neryo abandu bʼekihugo mobolobya ebyala byʼabandu ba Yũda, mobũbahyabo bakahĩmba.

Ĩsaya 37:36

Neryo omũlaĩka wʼOmwami Mukulu mwahuluka, mwĩta elfu erĩgana nʼamakũmĩ munani nʼesĩtanu (185,000) omo kilaliriro kyʼAbaasũrĩa. Omugulu abandu babuka omo ngyakya-ngyakya, lebaya abosĩ ibabiribya bĩnda.

Danĩelĩ 10:13

Nĩkwa omunya-mwami wʼobwami bwʼePersĩa mwanyĩkakĩrya ebiro makũmĩ abiri nʼekiguma; nĩkwa lebaya, Mĩkaelĩ, omuguma gʼoko banya-mwami bakulu, mwasa nʼerĩnyĩwatĩkya, nage monasĩgalayo haguma nʼabami bʼePersĩa.

Danĩelĩ 7:6

Nʼenyũma wʼaho monalangira, neryo, lebaya, eyindi nyama ngʼekisoro, nayo yabya nʼebĩpũpa bini byʼenyonyũ oko mugongo wayo; nʼenyama eyo yabya nʼemitwe ĩnĩ; nayo moyahabwa obutabale.

Danĩelĩ 8:21

Nʼembaya eyo yʼekitswiga ni mwami wʼAbagrĩkĩ; nʼerĩhembe ĩnene eryo eriri omo katĩkatĩ kʼameso wayo ni mwami wʼerĩmbere.

Emibiri 12:23

Neryo-neryo omũlaĩka wʼomukama mwaswĩrya Herode, kusangwa mwataha Nyamuhanga yʼolukengerwa. Neryo mwalibwa nʼemihuka, mwahola.