Danĩelĩ 10:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Neryo, lebaya, omuguma oyũsosĩre abagala bʼabandu mwatũla oko mĩnywa yage; neryo monatanda obuno bwage monabũga nʼeribwira oyo wahangana embere syage, nyiti, Uwe Mukama wage, busana nʼerilota erĩ amalĩge wage abirimbamba, sĩndĩtasĩgala nʼakagala omwisi syage.

Danĩelĩ 10:16 Iomraidhean Croise

Erĩlũayo 4:10

Na Musa mwabwira Omwami Mukulu ati, Uwe Mukama, erĩtsũka na kera Sĩnyasĩ erĩbũga, kutse na lino omugulu wamabĩbũga nʼomukobe wawe; Ĩsĩnyasĩ erĩbũga kusangwa sĩnyangũhĩre erĩbũga, kandi indi wʼomũtetũ.

Erĩlũayo 4:13

Nĩkwa Musa mwabũga ati, Uwe, Mukama, ngakusaba nyiti, Utume omwatsi omo byala byʼoyo wanzĩre erituma.

Omũgambũlĩ 1:18

Kusangwa omo menge manene muli obũlĩge bunene, nʼoyũkakanyaya amenge akakanyaya obwagalĩ.

Ĩsaya 6:7

Neryo mwatũlyalyo oko mĩnywa yage ati, Lebaya, erĩ ryamabĩtũla oko mĩnywa yawe; nʼamalolo wawe abĩrĩlũsĩbwaho, nʼebibi byawe byamabuyirwa.

Yeremĩa 1:9

Neryo Omwami Mu­kulu mwasumba ebyala biwe mwatũla oko buno bwage. Neryo Omwami Mukulu mwabũga nage ati, Lebaya, nabĩrĩhĩra ebĩnywa byage omo buno bwawe.

Ezekĩelĩ 1:26

Nʼendata oko kyanya ekyabya endata oko mitwe yabyo mohabya ekĩsosekanĩo kyʼekĩtũmbĩ kyʼobwami, ngʼekĩsosekanĩo kyʼerĩbwe lyʼesafiro. Nʼoko kĩsosekanĩo ekyo kyʼekĩtũmbĩ kyʼobwami endata kutsibu, mohabya ekĩsosekanĩo kĩsosĩre omundu.

Ezekĩelĩ 3:27

Nĩkwa omugulu nasyabũga nawe nasyakũmbũla obuno bwawe, nawe wasyabwirabo uti, Omukama Omwami Mukulu ati, Oyũkowa owe, nʼoyukagana erĩowa, agane, kusangwa ni kihanda kyʼerihona.

Ezekĩelĩ 33:22

Neryo ebyala byʼOmwami Mukulu ibyabiribya ũkwʼĩngye omwʼĩgolo-golo, abanyegawa bate bahĩka. Kandi mwatanda obuno bwage, oko mugulu bambĩkako omo ngyakya-ngyakya. Litya obuno bwage ĩbũnatandĩre, mondaswabya butsira erĩbũga.

Danĩelĩ 12:8

Nĩkwa ĩngye, monowa, nĩkwa monataluka eriminyabyo; kyaleka ĩnabũga nyiti, mukama wage, kwʼemyatsi eyĩ yasyabya iti kwehĩ?

Danĩelĩ 4:19

Neryo Danĩelĩ, oyukahulawa mo Beltesaza, mwabumbubana akatambĩ, nʼamalengekanĩa wuwe mwamũswekya. Nʼomwami mwasũbĩrya ati, Beltesaza, Suleke erilota erĩ nʼeribikulalyo lĩkakũswekya. Beltesaza mwamũsũbĩrya ati, Omukama wage, erilota erĩ ni ryʼabakakũkwa obusu, nʼeribikula lyalyo libye oko syonzĩgũ syawe.

Danĩelĩ 7:15

Nĩkwa ĩngye Danĩelĩ, ekĩrĩmũ kyage mokyakwa obũlĩge omwisi syʼomubiri wage, nʼerilota lyʼomutwe wage molyanyĩta obũlĩge.

Danĩelĩ 7:28

Eyĩ yo ndũlĩ yʼomwatsi. Nĩkwa ĩngye Danĩelĩ amalengekanĩa wage mwanyĩta obũlĩge bo kutsibu, nʼobũsũ bwage mobwahinduka; nĩkwa monabika omwatsi oyo omo mutima wage.

Danĩelĩ 8:15

Neryo ĩngye Danĩelĩ nabere nabilangira erilota eryo, monasonda-sondya eriminyalyo; neryo, lebaya, mohahangana embere syage oyũsosĩre omundu.

Danĩelĩ 8:17

Neryo Gabrĩelĩ mwasa hakũhĩ nʼaho nabya nyimene; nʼomugulu ahĩka monubaha, monatũlama oko bũsũ bwage, nĩkwa mwambwira ati, Uwe mugala wʼomundu, Uminye ngoko erilota eryo ni ryʼoko mugulu wʼendũlĩ.

Danĩelĩ 8:18

Neryo omugulu abya akabũga nage, otũgotserĩ tunene motwanyihamba nʼobũsũ bwage ĩbũlolĩre oko kitaka; nĩkwa mwanyĩtũlako, mwanyĩhanganĩa mwĩsĩsĩka.

Danĩelĩ 8:27

Neryo ĩngye Danĩelĩ, monaluha, monalwala ebiro ebyo; neryo monahangana, monakola omũbĩrĩ wʼOmwami; kandi monasweka busana nʼerilota eryo, nĩkwa sihabya owʼeriminyalyo.

Danĩelĩ 9:21

Ega, omugulu nabya nyikinasaba, omundu oyo ye Gabrĩelĩ, oyo nalangira omwʼilota erĩmbere, mwambĩkako akaguluka lũba, neryo mwanyĩtũlako oko mugulu wʼobuhere bwʼerĩgolo-golo.

Luka 1:64

Neryo-neryo Zakarĩa mwatoka erĩswabũga, nʼolulimi luwe molwagobokala, neryo mwatsũka eripipa Nyamuhanga.

Luka 21:15

Kusangwa nasyabaha ebĩnywa nʼamenge ayo sihali enzĩgũ yenyũ yasyatoka erĩsĩnga kutse eriyigana.

Yoane 20:28

Toma mwamũsũbĩrya ati, Omukama wage na Nyamuhanga wage!

Yosũa 5:14

Naye mwabũga ati, Iyihi; nĩkwa namasa ngʼomunya-mwami wʼemilondo yʼOmwami Mukulu. Neryo Yosũa mũnamya obũsũ buwe bʼoko kitaka, kandi mwaramya, mwabũga naye ati, Omukama wage akabũgakĩ nʼomugombe wuwe kwehĩ?

Eribisurirwa 1:13

Kandi omo katĩkatĩ kʼemitagala eyo, monalangira oyũsosĩre Omugala wʼOmundu, iniambite olukimba olũhĩkĩre oko bisando biwe, nʼobupa bwʼesyamagetsi oko kĩkũba kiwe.

Abatswerĩ 13:8

Neryo Manoa mwasaba Omwami Mukulu, ati, Uwe Mukama, ngakusaba, Uleke omundu wa Nyamuhanga oyo watuma ase kandi ũkwʼĩtwe, atũkangĩrĩraye ebyo twasyakolera omwana oyo wasyabutwa.

Abatswerĩ 6:13

Neryo Gĩdeonĩ mwabũga naye ati, Uwe mukama wage, Omwami Mukulu amabya ali haguma netu, busana nakĩ ebyosĩ ebĩ byamatuwako kwehĩ? Nʼemĩbĩrĩ yiwe yosĩ yʼeriswekera iri hahi eyo abotata-kulu wetu batugambulira, bati, Omwami Mukulu mwatatũlũsya eMĩsĩrĩ kwehĩ? Nĩkwa lino Omwami Mukulu abiritugusa, kandi abĩrĩtũhĩra omo byala byʼAbamĩdĩanĩ.

Abatswerĩ 6:15

Naye mwamubwira ati, Uwe Mukama, nasyalamya Ĩsraelĩ ũmũkĩ kwehĩ? Lebaya, ekĩtũnga kyage ni kisama kwilaba omo Bamanase, nage indi mulere kwilaba omo kĩtũnga kya tata.