Danĩelĩ 10:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Nĩkwa omunya-mwami wʼobwami bwʼePersĩa mwanyĩkakĩrya ebiro makũmĩ abiri nʼekiguma; nĩkwa lebaya, Mĩkaelĩ, omuguma gʼoko banya-mwami bakulu, mwasa nʼerĩnyĩwatĩkya, nage monasĩgalayo haguma nʼabami bʼePersĩa.

Danĩelĩ 10:13 Iomraidhean Croise

Ezera 4:24

Neryo omũbĩrĩ wʼenyũmba ya Nyamuhanga eyiri eYerũsalema mũmbya; kandi mũmbya erĩhĩka oko mwaka wʼakabiri wʼeritabala lya Darĩo omwami wʼePersĩa.

Danĩelĩ 12:1

Nĩkwa oko mugulu oyo omunya-mwami mukulu, ye Mĩkaelĩ, kategaya abandu benyũ, asyahangana. Neryo hasyabya endambĩ yʼobũlĩge, obute bwatabya erĩtsũka omugulu ekihanda kyatsũka, nʼerĩhĩka oko mugulu ono; kandi oko mugulu oyo abandu benyũ basyalamĩbwa obuli mundu oyukabanika iniabirisakwa omo kitabu.

AbanyaEfeso 6:12

Kusangwa situlilwa nʼabandu, nĩkwa tukalwa nʼabatabalĩ, nʼabʼamaka, nʼabʼehamũlĩ bʼomwĩrĩmya muna-kihugo, nʼemilondo yʼebĩrĩmũ byʼebibi ebiri omo kyanya.

AbanyaKolosai 2:10

Kandi mũhĩkene busana nʼerimatikana na Kristo. Kristo ni mukulu oko buli mũtabalĩ kutse oko mwenye hamũlĩ.

1 AbanyaTesalonika 2:18

Motwanza kutsibu erĩbahĩkako. Ĩngye Paũlo, monalenga kandi nʼakandi, nĩkwa Satanĩ moyatũkakĩrya.

1 Petero 3:22

Yesu Kristo abiriya elubula, kandi ali oko byala byʼamali bya Nyamuhanga; iniabiritabala oko bamalaĩka, nʼabʼehamũlĩ bʼelubula nʼabʼamaka.

Yuda 1:9

Nĩkwa Mĩkaelĩ omũlaĩka mukulu, ekiro alwa nʼeSatanĩ nʼerikuba obuhaka nayo busana nʼomubiri wa Musa, mwatalĩga eritswera Satanĩ omo bĩnywa byʼerimutsuma, nĩkwa mwabwirayo ati, Omwami Mukulu akukunge.

Eribisurirwa 12:7

Neryo mohahuluka amalwa elubula. Mĩkaelĩ nʼabamalaĩka buwe mobalwa nʼekiyoka ekyo. Nʼekiyoka ekyo nʼabamalaĩka bakyo mobalwa.