Danĩelĩ 10:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Neryo mwambwira ati, Danĩelĩ, Sigubahe; kusangwa erĩtsũka oko kiro kyʼerĩmbere eryo wahĩra omutima wawe okwʼiminya, nʼerĩyĩkehya embere sya Nyamuhanga wawe, ebĩnywa byawe mobyogũbwa; nage namasa busana nʼebĩnywa byawe.

Danĩelĩ 10:12 Iomraidhean Croise

Esyonyimbo 69:10

Ngayĩkehaya omwʼitsira akalyo, Neryo abandu bakanyitsuma;

Ĩsaya 35:4

Mubwire abandu bʼomutima owakasata muti, Mũsĩke, simubahe. Lebaya, Nyamuhanga wenyũ asyasa nʼerĩkĩsya, eririha lya Nyamuhanga lyasyahĩka, nĩkwa asyabalamya.

Ĩsaya 41:10

Sigubahe, kusangwa indi haguma nawe. Susamalire handi nʼerisweka, kusangwa indi Nyamuhanga wawe. Ngandikuha amaka, kwenene ngandĩkũwatĩkya, kwenene ngandikuwatirira omo byala byʼamali byʼeritunganene lyage.

Ĩsaya 41:14

Sigubahe, uwe kihanda kya Yakobo, uwe munyole, nenyũ abalume ba Ĩsraelĩ simubahe. Omwami Mukulu ati, Ngandĩkũwatĩkya, nʼomũtongolya wawe, Oyũbũyĩrĩre wa Ĩsraelĩ.

Ĩsaya 58:9

Neryo wasyabirikira, nʼOmwami Mukulu asyakwitaba. Wasyalaka naye asyabũga ati, Nandi hano. Wamalũsya engomo omo katĩkatĩ kawe, nʼerĩkanganĩa omunwe, nʼerĩbũga nabi,

Ĩsaya 65:24

Neryo kyasyabya bate babirikira, nasyasũbĩrya. Omugulu bakĩnabũga, nasyowa.

Danĩelĩ 10:11

Neryo oyo mwambwira ati, Uwe Danĩelĩ, uwe mundu oyũsĩmĩrwe kutsibu, Uminye ebĩnywa ebyo ngabũga nawe, uhangane mwĩsĩsĩka; kusangwa namatumwa ukʼuwe lino. Nʼomugulu ambwira ekĩnywa ekĩ, monahangana ngatitimana.

Danĩelĩ 10:19

Neryo mwabũga ati, Uwe mundu oyũsĩmĩrwe kutsibu, Sigubahe. Ubye nʼobuholo; ũsĩke nʼamaka, ega, uhande omutima! Nʼomugulu abũga nage, monabana amaka, monabũga nyiti, omukama wage abũge; kusangwa wamanyiha amaka.

Abalawĩ 16:29

Neryo kyasyabya mugambo busana nenyũ ebiro byosĩ; omo mukera wʼakalinda, oko kiro kyʼerĩkũmĩ kyʼomukera, mwasyayĩkehya omo mitima yenyũ, isimwasyakola omũsĩndokĩ wʼomũbĩrĩ, oyũbũtĩrwe eka, kutse oyũtasĩbwe oyukabungira omo katĩkatĩ kenyũ,

Abalawĩ 16:31

Ni Sabato yʼeriluhuka lĩbũyĩrĩre busana nenyũ, imwatoka erĩyĩkehya omo mitima yenyũ; ni mugambo wʼebiro byosĩ.

Emiganzo 29:7

Nʼoko kiro kyʼerĩkũmĩ kyʼomukera wʼeyirinda mwasyabya nʼerĩhĩndana lĩbũyĩrĩre; kandi mwasyayĩkehya; Simwendisyakola mũbĩrĩ nʼomuke.

Matayo 28:10

Neryo Yesu mwabwirabo ati, Simubahe; mugende muyabwire abagala betu baye eGalĩlaya, eyo yo basyanyilolerako.

Matayo 28:5

Neryo omũlaĩka mwabũga nʼabakalĩ ati, Simubahe, kusangwa nyĩnasĩ ko mukasonda-sonda Yesu oyo wabambawa oko musalaba.

Mariko 16:6

Omũlwana oyo mwabũga nabo ati, Simusweke! Mukasonda-sonda Yesu wʼeNazaretĩ, oyo wabambawa oko musalaba. Abĩrĩlũbũka; siakiri hano! Mũlebaye hano ho bamũhĩra.

Luka 1:13

Nĩkwa omũlaĩka mwamubwira ati, Zakarĩa, Sigubahe. Nyamuhanga abĩrĩowa erisaba lyawe, nʼomũkalĩ wawe asyakubutira omũlwana. Wasyahula erĩna liwe mo Yoane.

Luka 1:30

Neryo omũlaĩka mwamubwira ati, Sigubahe, Marĩa, kusangwa wabiribana olukogo ewa Nyamuhanga.

Luka 2:10

Nʼomũlaĩka mwabwirabo ati, Simubahe! Kusangwa ngabaletera Engulu Yowene yʼobutseme bunene obukasyabya busana nʼabandu bosĩ.

Luka 24:38

Nĩkwa mwabũlyabo ati, Busana nakĩ mũkahahũkaya emitima kwehĩ? Kandi busana nakĩ mukatika-tika omo mitima yenyũ kwehĩ?

Emibiri 27:24

Naye mwambwira ati, Paũlo, Sigubahe! Litolere iwahangana embere sya Kaĩsarĩ. Kandi lebaya, Nyamuhanga abirikuha abandu bosĩ abakagenda haguma nawe omo bwato.

Eribisurirwa 1:17

Neryo omugulu namulolako, monawa ahisi oko bisando biwe ngʼomundu oyũholĩre. Naye mwambĩra kwʼebyala biwe byʼamali, ati, Sigubahe, ĩngye indi wʼerĩmbere nʼowʼenyũma.