Danĩelĩ 1:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Nʼomwami mwahamulirabo erĩgabo lyʼobuli kiro lyʼebisi-bisi byʼOmwami, nʼoko bĩnyũ ebyo akapũlaya, kandi ati bakangĩrĩrĩbawe emyaka ĩsatu; neryo oko ndũlĩ yayo bahangane embere syʼOmwami.

Danĩelĩ 1:5 Iomraidhean Croise

Enzũko 41:46

Neryo Yosefũ abya wʼemyaka makũmĩ asatu omugulu ahangana embere sya Farao Omwami wʼeMĩsĩrĩ. Neryo Yosefũ mwalũa embere sya Farao, mwalaba omo kihugo kyosĩ kyʼeMĩsĩrĩ.

1 Abami 10:8

Obutseme buli nʼabandu bawe, nʼobutseme buli nʼabagombe bawe, abakahangana embere syawe emigulu yosĩ, abakowa menge wawe.

2 Abami 25:30

Nʼomwami mwamuha esĩkamũlĩsaya ebiro byosĩ, ekiro nʼekiro, ebiro byosĩ byʼeribyaho liwe.

2 Emyatsi yʼEmigulu 9:7

Abandu bawe ni bʼobutseme, nʼobutseme buli oko bagombe bawe aba, abakahangana ebiro byosĩ embere syawe, nʼerĩowa amenge wawe.

Emĩsyo 23:3

Susonde ebĩsĩhĩre biwe; Kusangwa ni byalya byʼeriteba.

Yeremĩa 15:19

Busana nʼekyo, Omwami Mukulu ati, Wamasubula, nasyakũsũbya, wasyahangana embere syage. Kandi wamahũlũkya ebyʼobũgũlĩ erĩlũa omo bibi, wasyabya embũyĩ yage. Basyakusubako, nĩkwa uwe susube kubo.

Danĩelĩ 1:19

Nʼomwami mwakanĩa haguma nabo; nʼomo katĩkatĩ kabo abosĩ mohatabanika oyuli nga Danĩelĩ, na Hanania, na Mĩsaelĩ, na Azaria; busana nʼekyo mobahangana embere syʼOmwami.

Danĩelĩ 1:8

Nĩkwa Danĩelĩ mwayĩsũnza omo mutima wuwe eritindayĩtsandya omo bisi-bisi byʼOmwami, kutse omo bĩnyũ ebyo apũlaya; kyaleka iniasaba omukulu wʼebikonwe ati sĩayĩtsandaye.

Matayo 6:11

Utuhe mũnabwĩre akalyo ketu akatutolere.

Luka 1:19

Nʼomũlaĩka mwamũsũbĩrya ati, Ĩngye indi Gabrĩelĩ. Oyukahangana embere sya Nyamuhanga, kandi nabiritumwa erikubwira, nʼerikuletera Engulu Yowene eyĩ.

Luka 11:3

Utuhe obuli kiro akalyo ketu akatuto­lere.

Luka 21:36

Nĩkwa mũtegaye emigulu yosĩ, nʼerisaba, mutoke eribana akagala kʼeribala emyatsi yosĩ eyĩ eyikasonda erĩhĩka, nʼerihangana embere syʼOmugala wʼOmundu.

1 Samwelĩ 16:22

Na Saũlo mwatumira Yese ati, Uleke Dawĩdĩ ahangane embere syage; kusangwa abĩrĩsĩmwa omo meso wage.