Danĩelĩ 1:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ abalwana abate ko kĩtĩngũ, nĩkwa ababuya, nʼabanyima omo menge gosĩ, nʼabawite eriminya, nʼabenge-benge Omwʼiminya, nʼabawite amaka wʼerihangana omo nyũmba yʼOmwami; kandi ati akangĩrĩrayebo amenge wʼomũbũge wʼAbakaldea.

Danĩelĩ 1:4 Iomraidhean Croise

Enzũko 41:46

Neryo Yosefũ abya wʼemyaka makũmĩ asatu omugulu ahangana embere sya Farao Omwami wʼeMĩsĩrĩ. Neryo Yosefũ mwalũa embere sya Farao, mwalaba omo kihugo kyosĩ kyʼeMĩsĩrĩ.

2 Samwelĩ 14:25

Nĩkwa omo Ĩsraelĩ yosĩ sihabya mundu mubuya nga Abũsaloma kutse eripipwa nga ye; erĩtsũka oko kisando kiwe erĩhĩka oko kahũlĩhũlĩ kʼomutwe wuwe isiali ko bulema.

Emĩsyo 22:29

Wamalangira omundu wʼomũhwa omo mũbĩrĩ wuwe kwehĩ? Yo wasyahangana embere syʼabami; Siendisyahangana embere syʼabandu batya-batya.

Omũgambũlĩ 7:19

Amenge ni maka oko mundu wʼamenge kwilaba abatabalĩ ĩkũmĩ abali omo mũyĩ.

Ĩsaya 36:11

Neryo Elĩakĩmũ na Sebũna na Yoa mobabwira Rabasake, bati, Lino ũbũge nʼabagombe bawe omo mũbũge wʼAbasũrĩa, kusangwa tũkowago. Sũbũge netu omo mũbũge wʼAbayũda omo matwĩ wʼabandu abali oko lũhĩmbo.

Yeremĩa 5:15

Omwami Mukulu ati, Lebaya, uwe kĩtũnga kya Ĩsraelĩ, lebaya nasyabaletera ekihanda ekĩkalũa ehali, ni kihanda kyʼamaka, ni kihanda kya kera, ekihanda mũtasĩ omũbũge wakyo, kutse eriminya ebyo bakabũga.

Danĩelĩ 2:10

Neryo Abakaldea mobasũbĩrya embere syʼOmwami bati, Sihali mundu omo kihugo oyo wangatoka erĩkangya omwatsi wʼOmwami, kusangwa sihali mwami, nʼomukama, kutse mũtabalĩ oyo wabĩrĩbũlya omwatsi ngʼoyũ oko musaki, kutse oko mũkũmũ, kutse Omukaldea.

Danĩelĩ 2:2

Neryo omwami mwahamula abasaki nʼabakũmũ nʼabalagũlĩ, nʼAbakaldea, ati babirikirawe eribikulira omwami erilota liwe. Neryo mobahangana embere syʼomwami.

Danĩelĩ 3:8

Neryo oko mugulu oyo Abakaldea mobasa hakũhĩ mobahandikirira Abayũda.

Danĩelĩ 4:7

Neryo abasaki nʼabalagũlĩ, Abakaldea, nʼabakũmũ mobasa; nage monakanĩryabo erilota eryo; nĩkwa mobatanyĩmĩnyĩsya eribikula lyalyo.

Danĩelĩ 5:11

Hane mundu omo bwami bwawe, oyuwite ekĩrĩmũ kyʼesyonyamuhanga sĩbũyĩrĩre; nʼomo biro bya tata wawe, ekyakakala nʼobowĩka nʼamenge ngʼamenge wʼesyonyamuhanga, mobyabanika omwisi wuwe. Nʼomwami Nebũkadeneza, ye tata wawe, mwamuyira mo mukulu wʼabasaki, nʼabakũmũ, nʼAbakaldea, nʼabalagũlĩ,

Danĩelĩ 5:7

Neryo omwami mwabirikira kutsibu ati balete abakũmũ, nʼAbakaldea, nʼabalagũlĩ. Neryo omwami mwabwira abandu bʼamenge bʼeBabelĩ ati, Oyo wasyasoma erisaka erĩ nʼerĩnyĩmĩnyĩsya eribikula lyalyo, asyambalĩbwa olukimba lʼomula, kandi asyahĩrwa kʼobuhulula bwʼesyamagetsi omo bĩkya biwe, kandi asyabya ĩsemumbo wʼomo bwami.

Danĩelĩ 9:1

Oko mwaka wʼerĩmbere wa Darĩo mugala wa Ahasuero wʼekihanda kyʼAbamedĩ, oyo wahĩrawa mo mwami oko bwami bwʼAbakaldea,

Zekarĩa 2:4

mwamubwira ati, Tibita, ũbũge nʼomũlwana oyũ, uti, eYerũsalema yasyĩkalwamo ngʼehĩyĩ bitawite esyombĩmbo busana nʼobungi bwʼabandu nʼesyonde muyo.

Emibiri 7:20

Neryo Musa mwabutwa oko mugulu oyo. Abya mubuya kutsibu omo meso wa Nyamuhanga, mobamulembera omo nyũmba yʼĩse emikera ĩsatu.

Emibiri 7:22

Musa mwakangĩrĩrĩbwa omo menge gosĩ wʼAbanya Mĩsĩrĩ, kandi mwabya mundu mukulu omo bĩnywa nʼemĩbĩrĩ.

AbanyaEfeso 5:27

Ati, iniatoka eriyiretera ekanĩsa omo bubuya bwayo, isiyiwite ekĩtĩngũ kutse omũkũnyo kutse ekindi kiri ngʼekyo; nĩkwa ati, ibye ĩbũyĩrĩre butsira bulema.

Abatswerĩ 8:18

Neryo mwabũlya Zeba na Salmũna ati, Kwʼabandu mwĩtĩra eTaborĩ babya bandu ba muhandakĩ kwehĩ? Nabo mobamũsũbĩrya bati, Ko banabya nga we; obuli muguma wa kubo abya asosĩre omwana wʼOmwami.