Danĩelĩ 1:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Nʼomukama mwahĩra Yehoyakĩmũ omwami wʼeYũda omo byala biwe, nʼekihande kyʼebindu byʼenyũmba ya Nyamuhanga; mwahekerabyo omo kihugo kyʼeSĩnarĩ oko nyũmba ya nyamuhanga wuwe, mwĩngĩrya ebindu ebyo, omo kigona kya nyamuhanga wuwe.

Danĩelĩ 1:2 Iomraidhean Croise

Enzũko 10:10

Erĩtsũka lyʼobwami buwe lyabya eBabelĩ na Erekũ, na Akadĩ, na Kalne, omo kihugo kyʼeSĩnarĩ.

Enzũko 11:2

Neryo mokyabya omugulu bagenda eluhande lwʼeyo eryuba likasira mobabana erirungu omo kihugo kyʼeSĩnarĩ neryo mobĩkalaho.

2 Abami 24:1

Oko biro biwe, Nebũkadeneza omwami wʼeBabelĩ mwahetukirayo, na Yoyakĩmũ mwabya mugombe wuwe oko myaka ĩsatu; neryo mwayisamambula ukwʼiye.

2 Emyatsi yʼEmigulu 36:5

Yoyakĩmũ abya wʼemyaka makũmĩ abiri nʼeyĩtanu omugulu atsũka eribya mwami; neryo mwatabala eYerũsalema emyaka erĩkũmĩ nʼomuguma; mwakola ebibi omo meso wʼOmwami Mukulu Nyamuhanga wuwe.

2 Emyatsi yʼEmigulu 36:7

Nebũkadeneza mwahũnga oko bindu byʼenyũmba yʼOmwami Mukulu eritwalabyo eBabelĩ, mwahĩrabyo omo hekalũ yiwe eBabelĩ.

Ezera 1:7

Kandi omwami Kĩro mwahũlũkya ebindu byʼenyũmba yʼOmwami Mukulu, ebyo Nebũkadeneza alũsaya eYerũsalema, ebyo ahĩra omo nyũmba yʼesyonyamuhanga siwe;

Ĩsaya 11:11

Neryo oko kiro ekyo, Omukama omo byala biwe engendo yʼakabiri, asyaswahamba abasĩgalira bʼabandu buwe, abasyasaka erĩlũa eAsũrĩa, nʼerĩlũa eMĩsĩrĩ, nʼerĩlũa ePatĩ-rosĩ, nʼerĩlũa eKũsĩ, nʼerĩlũa eElamũ, nʼerĩlũa eSĩnarĩ, nʼerĩlũa eHamatĩ, nʼerĩlũa oko bitsira byʼengetsi.

Ĩsaya 42:24

Nindi oyo waha Yakobo mo munyego, nʼerĩhĩra Ĩsraelĩ oko bahũngĩ kwehĩ? Si yo Mwami Mukulu kwehĩ? Iye yo twahalayako, nʼerigana erigendera omo nzira siwe, nʼemigambo yiwe mobatakengayo.

Yeremĩa 25:1

Ekĩnywa ekyahĩka uku Yeremĩa busana nʼabandu bosĩ bʼeYũda, omo mwaka wʼakani wa Yehoyakĩmũ mugala wa Yosĩa, omwami wʼeYũda (oyo go mwaka wʼerĩmbere wa Nebũkadeneza omwami wʼeBabelĩ).

Yeremĩa 27:16

Kandi monabwira abahererĩ nʼabandu aba bosĩ, nyiti, Omwami Mukulu akabũga ati, Simuhulikirire ebĩnywa byʼabamĩnyererĩ benyũ abakaminyerera busana nenyũ bati, Mũlebaye, ebindu byʼenyũmba yʼOmwami Mukulu byasyaswaletwa bĩkalũa eBabelĩ enyũma wʼomugulu muke; kusangwa bakaminyerera amabehĩ busana nenyũ.

Yeremĩa 28:3

Omo myaka ĩbĩrĩ nasyaswaleta hano ebindu byosĩ byʼenyũmba yʼOmwami Mukulu, ebyo Nebũkadeneza omwami wʼeBabelĩ ahũnga hano nʼeritwalabyo eBabelĩ.

Yeremĩa 35:11

Nĩkwa omugulu Nebũkadeneza omwami wʼeBabelĩ ahĩka eribambira ekihugo, motwabũga tuti, Mwase, tuye eYerũsalema embere wʼabasĩrĩkanĩ bʼAbakaldea, nʼembere wʼabasĩrĩkanĩ bʼAbasĩrĩa. Ko twĩkere tutya eYerũsalema.

Yeremĩa 50:2

Mũtũlego omo katĩkatĩ kʼebihanda, mũbũge, mũtũlego, muhanganaye ebendera. Sĩmũbĩsego, muti, Babelĩ abĩrĩhũngwa, Belĩ abirihemuka, Merodakĩ abirikonongoka. Esyosanamu syako syabirihemuka, esyosanamu syako syabirikonongoka.

Yeremĩa 51:44

Nage nasyasuyira ye Belĩ eBabelĩ, nasyaleka ebyo amera bĩkalũa omo buno buwe. Nʼebihanda sibyendisyaswamũhĩkako; ega, olũhĩmbo lwʼeBabelĩ lwabiritera.

Danĩelĩ 5:13

Neryo Danĩelĩ mwaletwa embere syʼOmwami. Nʼomwami mwabũlya Danĩelĩ ati, Uwe uli Danĩelĩ oyo, oyuli wʼoko bana ba Yũda abahũngawa, abo tata wage omwami alũsaya eYũda kwehĩ?

Danĩelĩ 5:18

Uwe mwami, Nyamuhanga Wʼendata Kutsibu mwaha tata wawe Nebũkadeneza obwami, nʼobukulu, nʼolukengerwa, nʼerĩkangabasanĩa.

Habakũkĩ 1:16

Busana nʼekyo, bakaherera obutimba bwabo bʼobuhere. Nʼerĩhĩsĩrĩrya ekĩsohĩ kyabo kyʼamahere kyʼobukwa; kusangwa busana nʼemyatsi eyĩ, bakahamba amahere mangi, nʼakalyo kabo katswagĩre.

Zekarĩa 5:11

Naye mwambwira ati, Busana nʼerĩhĩmba ehekalũ busana naye omo kihugo kyʼeSĩnarĩ; nʼomugulu yasyabya yabĩtekanĩbwa, asyahĩrwaho oko kĩtũmbĩ kiwe.

Eryibuka Ebihano 32:30

Kwʼomuguma angasagya elfu nguma, Nʼababiri ĩbasagya amaelfu ĩkũmĩ go bati, kwehĩ? Omwĩmĩrĩ wabo ngʼatalĩgũlayabo, NʼOmwami Mukulu ngʼatalihoterabo kwehĩ?

Abatswerĩ 2:14

Nʼerihitana lyʼOmwami Mukulu molyagulumira oko Baĩsraelĩ, neryo mwahereryabo omo byala byʼabanyeyĩ abanyegabo; kandi mwagũlyabo omo byala byʼesyonzĩgũ syabo esĩtĩmbĩre kubo, kyaleka ibatatoka eriswahangana embere wʼesyonzĩgũ syabo.

Abatswerĩ 3:8

Kyaleka erihitana lyʼOmwami Mukulu iryagulumira oko Ĩsraelĩ, neryo mwagũlyabo omo byala bya Kũsanĩ-rĩsataĩmũ omwami wʼeMesopotamia. Nʼabana ba Ĩsraelĩ mobakolera Kũsanĩ-rĩsataĩmũ emyaka munani.

Abatswerĩ 4:2

Neryo Omwami Mukulu mwagũlyabo omo byala bya Yabĩnĩ omwami wʼeKanana, oyo watabala eHazorĩ; omukulu wʼemilondo yʼabasĩrĩkanĩ yiwe abya Sĩsera, oyo wabya ĩkere eHarosetĩ-Goyĩmũ.

1 Samwelĩ 5:2

NʼAbafĩlĩstĩnĩ mobatwala erĩsandũko lya Nyamuhanga, mobatwalalyo omo nyũmba yʼesanamu ya Dagonĩ, mobasingikalyo oko mũsĩke wa Dagonĩ.