Danĩelĩ 1:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Nĩkwa abalwana bani aba, Nyamuhanga mwahabo eriminya, nʼobuminye omwʼiga lyosĩ, nʼamenge; kandi Danĩelĩ abya nʼobowĩka omo syonzolĩ nʼomwʼilota.

Danĩelĩ 1:17 Iomraidhean Croise

1 Abami 3:12

lebaya, nabirikola ngʼekĩnywa kyawe. Lebaya, nabirikuha omutima wʼamenge nʼowʼobowĩka; sihetabya oyuli nga we embere syawe, kutse enyũma kuwe sihendisyahangana oyuli nga we.

1 Abami 3:28

NʼAbaĩsraelĩ bosĩ mobowa eritswera eryo mwami atswera; mobubaha omwami; kusangwa balangira amenge wa Nyamuhanga kwʼabya omwisi wuwe, erikola erĩbanza libuya.

2 Emyatsi yʼEmigulu 1:10

Na lino umbe amenge nʼeriminya, inatoka erihuluka nʼeriingira embere syʼabandu aba; kusangwa nindi wangatoka eritswera abandu bawe aba, abangaha kwehĩ?

2 Emyatsi yʼEmigulu 1:12

Neryo amenge nʼeriminya wabirihabwabyo; kandi ngandikuha ebindu, nʼobukamahe, nʼerĩsĩkĩbwa, kwilaba abami bosĩ ababya embere syawe, kandi sihendisyabya ogundi oyo Wasyabya nʼebingaha.

2 Emyatsi yʼEmigulu 26:5

Neryo mwayĩhĩra okwʼisonda-sonda Nyamuhanga omo biro bya Zekarĩa oyo wabya nʼeriminya omo syonzolĩ sya Nyamuhanga; nʼemigulu yosĩ eyo asonda-sonda Omwami Mukulu, Nyamuhanga mwamuha erigasa.

Yobũ 32:8

Nĩkwa nĩ kĩrĩmũ kya Nyamuhanga, Omũtokĩ Wʼebyosĩ, Kĩkahĩka oko mundu nʼerimuha eriminya.

Emĩsyo 2:6

Kusangwa Omwami Mukulu yukaha amenge; Nʼomo buno buwe mũkalũa eriminya nʼamenge.

Omũgambũlĩ 2:26

Kusangwa Nyamuhanga akaha omundu oyuli mubuya omo meso wuwe amenge, nʼeriminya, nʼobutseme. Nĩkwa akaha omukola-nabi yʼomũbĩrĩ, wʼerĩhĩndanĩa nʼerikuma-kumira haguma, iniatoka eriha omundu oyuli mubuya omo meso wa Nyamuhanga. Ekĩ nakyo ni busa nʼerikwamirira erihunga.

Ĩsaya 28:26

Kusangwa Nyamuhanga wuwe akamũkangĩrĩraya ndeke nʼerĩmwĩgĩsya ndeke.

Ezekĩelĩ 28:3

Lebaya, uwite amenge kwilaba Danĩelĩ. Sihali erĩkũmbo lĩbĩsĩre ukʼuwe.

Danĩelĩ 1:18

Neryo ebiro ebyo byabere byabihwa ebyo mwami ahamula erĩĩngĩryabo, omukulu wʼabakonĩre mwaletabo embere sya Nebũkadeneza.

Danĩelĩ 1:20

Nʼomo myatsi yosĩ yʼamenge nʼobowĩka, umwʼebyo mwami abũlayabo; mwalebyabo ĩbanowene engendo ĩkũmĩ kwilaba abasaki nʼabalagũlĩ ababya omo butabale buwe bosĩ.

Danĩelĩ 1:4

abalwana abate ko kĩtĩngũ, nĩkwa ababuya, nʼabanyima omo menge gosĩ, nʼabawite eriminya, nʼabenge-benge Omwʼiminya, nʼabawite amaka wʼerihangana omo nyũmba yʼOmwami; kandi ati akangĩrĩrayebo amenge wʼomũbũge wʼAbakaldea.

Danĩelĩ 10:1

Oko mwaka wʼakasatu wa Kĩro omwami wʼePersĩa, omwatsi mwabĩsũlĩrwa uku Danĩelĩ, oyo wahulawa mo Beltesaza; nʼomwatsi oyo abya kwenene, go wʼamalwa manene; naye mwaminya omwatsi oyo, kandi mwaminya erilota eryo.

Danĩelĩ 2:19

Neryo Danĩelĩ mwabĩsũlĩrwa ekĩbĩsĩre ekyo, omwʼilota lyʼesyonzolĩ omo kiro. Neryo Danĩelĩ mwapipa Nyamuhanga wʼelubula.

Danĩelĩ 2:21

Kandi akabindula emigulu nʼebirimo; akasingula abami, kandi ĩnĩasĩngya abami; akaha amenge oko bʼamenge, akaha eriminya oko banyima;

Danĩelĩ 2:23

Ngakuha ewasĩngya, ngakupipa, uwe Nyamuhanga wʼabotata wage, uwe wanyiha amenge nʼobũtokĩ, na lino wabĩrĩnyĩmĩnyĩsya ebyo twakusondako; kusangwa wabĩrĩtũmĩnyĩsya omwatsi wʼOmwami.

Danĩelĩ 2:30

Nĩkwa ĩngye, ekĩbĩsĩre ekĩ sikyetabĩsũlwa ũkwʼĩngye, busana nʼamenge ago ngwite kwilaba abandi abaliho, nĩkwa busana nʼerĩmĩnyĩsya omwami eribikula lyasyo, iwatoka, eriminya amaganĩrya wʼomutima wawe.

Danĩelĩ 4:6

Neryo monahamula nyiti balete abandu bosĩ bʼamenge bʼeBabelĩ embere syage, banyĩmĩnyĩsaye eribikula lyʼerilota eryo.

Danĩelĩ 5:14

Nabĩrĩowa engulu yawe ngoko ekĩrĩmũ kyʼesyonyamuhanga kiri umʼuwe, kandi ngoko ekyakakala nʼobowĩka, nʼamenge mabuya, akabanika kuwe.

Danĩelĩ 7:1

Oko mwaka wʼerĩmbere wa Belsasarĩ, omwami wʼeBabelĩ, Danĩelĩ, mwalota akalola oko syonzolĩ syʼomutwe wuwe oko ngyingo yiwe; neryo mwasaka erilota eryo mwatũla omwatsi walyo.

Danĩelĩ 8:1

Oko mwaka wʼakasatu wʼeritabala lyʼOmwami Belsasarĩ erilota molyambulukirako, ĩngye Danĩelĩ, enyũma wʼesyo, esyanyibutukira erĩmbere.

Emiganzo 12:6

Neryo mwabũga ati, Lino muhulikirire ebĩnywa byage; hamabya omũmĩnyererĩ omo katĩkatĩ kenyũ, Ĩngye Mwami Mukulu nasyayĩmĩnyĩkalya kwiye omo nzolĩ, nasyabũga naye omwʼilota.

Luka 21:15

Kusangwa nasyabaha ebĩnywa nʼamenge ayo sihali enzĩgũ yenyũ yasyatoka erĩsĩnga kutse eriyigana.

Emibiri 6:10

Nĩkwa Omũlĩmũ mwaha Setefano yʼamenge, kyaleka ĩnĩasĩngabo.

Emibiri 7:10

Kandi mwamũlamya omo malĩge wuwe gosĩ. Kandi mwaha Yosefũ yʼamenge nʼerĩsĩmwa omo meso wa Farao, omwami wʼeMĩsĩrĩ. Kandi Farao mwayira Yosefũ mo mũtabalĩ mukulu wʼeMĩsĩrĩ, nʼowʼekĩtũnga kyosĩ kyʼOmwami.

Emibiri 7:22

Musa mwakangĩrĩrĩbwa omo menge gosĩ wʼAbanya Mĩsĩrĩ, kandi mwabya mundu mukulu omo bĩnywa nʼemĩbĩrĩ.

AbanyaKolosai 1:9

Busana nʼomwatsi oyũ, tukabasabira ebiro byosĩ erĩtsũka ekiro towa engulu yenyũ. Tukasaba Nyamuhanga tuti abamĩnyĩsaye ndeke-ndeke erisonda liwe haguma nʼamenge gosĩ nʼerĩowa lyosĩ, ebyo Mũlĩmũ Abũyĩrĩre akatuha.

Yakobo 1:17

Obuli lũsũnzo lubuya nʼobuli lũsũnzo lowene, bĩkalũa endata, kandi bikasira uku Tata wʼekyakakala kyosĩ, oyutebinduka kutse eriyihindula.

Yakobo 1:5

Nĩkwa hamabya mundu omo katĩkatĩ kenyũ oyukabula amenge, abũlaye Nyamuhanga oyukaha ndeke oko bandu bosĩ butsira buhemu; neryo omundu oyo asyahabwa amenge ayo.