Amosĩ 9:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Lebaya, ameso wʼomukama, Omwami Mukulu ali oko bwami bwʼebibi, nage nasyaheryabo erĩlũa oko bugali bwʼekihugo; nĩkwa Omwami Mukulu ati, Sĩndĩendĩsyaherya ekĩtũnga kya Yakobo kyo kutsibu.

Amosĩ 9:8 Iomraidhean Croise

Enzũko 6:7

Neryo Omwami Mukulu mwabũga ati, Ngandĩsyaherya omundu oyo nabumba erĩlũa oko kihugo, omundu, nʼenyama, nʼebindu ebikakululuka, nʼesyonyonyũ syʼomo kyanya. Kusangwa namayĩkũbya bomo busana nʼeribumbabyo.

Enzũko 7:4

Kusangwa hakĩsĩya biro birinda ĩnawĩsya embũla oko kihugo ebiro makũmĩ anĩ omo musibo nʼomo kiro Obuli kindu ekiriho ekyo nabirihangika nasyaheryakyo oko bugali bwʼekitaka.

1 Abami 13:34

Nʼomwatsi oyo mwabya ĩlolo busana nʼekĩtũnga kya Yeroboamũ, busana nʼerĩheryakyo, eribugakyo omo kihugo kyosĩ.

Emĩsyo 15:3

Ameso wʼOmwami Mukulu akalebaya ehosĩ, Erilangira ababi nʼababuya.

Emĩsyo 5:21

Kusangwa esyonzira syʼomundu siri embere wʼameso wʼOmwami Mukulu; Naye akalĩngĩrĩranaya esyonzira siwe syosĩ.

Yeremĩa 30:11

Omwami Mukulu ati, Ĩngye indi haguma nawe erĩkũlamya, kusangwa nasyaherya kutsibu ebihanda byosĩ eyo nakupanza-panzira, nĩkwa uwe sindiendĩsyakũherya kutsibu, nĩkwa na nasyakukunga omo lĩbanza litunganene, sindiendisyakuleka butsira erikusuyira.

Yeremĩa 44:27

Lebaya, ngalemberabo busana nʼerĩkwa, si busana nʼebibuya. Nʼabandu bosĩ bʼeYũda abali omo kihugo kyʼeMĩsĩrĩ basyahwa omo mũyalĩ, nʼomo nzala, erĩhĩka aho basyahwera.

Yeremĩa 46:28

Omwami Mukulu ati, Uwe Yakobo, omugombe wage, Sigubahe, kusangwa ĩngye indi haguma nawe. Kusangwa nasyabuga ebihanda byosĩ eyo nakubingira, nĩkwa sindiendĩsyakũherya. Nĩkwa nasyakukunga ndeke, isindiendisyakuleka nʼahake butakusuyira.

Yeremĩa 5:10

Musambe oko mbĩmbo siwe syʼebĩnyũ, mũherayesyo, nĩkwa simubugirirebo. Mũlũsaye emitahi yiwe; kusangwa si yʼOmwami Mukulu.

Hosea 1:4

Neryo Omwami Mukulu mwamubwira ati, Wahule erĩna liwe mo Yezreelĩ; kusangwa oko kandi katambĩ, nasyakĩsya omusasi wa Yezreelĩ oko kĩtũnga kya Yehũ, nasyatsĩrĩsya obwami bwʼekĩtũnga kya Ĩsraelĩ.

Hosea 1:6

Neryo omũkalĩ mwaswaheka obukule, mwabuta mwali. Neryo Omwami Mukulu mwabwira Hosea ati, Umwahule mo Lorũhama; kusangwa Sindiendisyaganyira kandi ekĩtũnga kya Ĩsraelĩ, eribuyirabo nʼahake.

Yoelĩ 2:32

Neryo obuli mundu oyukalakira erĩna lyʼOmwami Mukulu asyalamĩbwa; kusangwa omo kitwa kyʼeSĩonĩ nʼomo Yerũsalema mwasyabya bandu abakabala, ngoko Mwami Mukulu abĩrĩbũga, nʼomo katĩkatĩ kʼabandu abasĩgaliraho abo Mwami Mukulu akabirikira.

Amosĩ 3:12

Omwami Mukulu ati, Ngoko mũlĩsya kwʼakanyegũlaya ebihinga bibiri omo buno bwʼendale, kutse ekihande kyʼokũtũ, abana ba Ĩsraelĩ ko basyanyegũlĩbwa batya abĩkere eSamarĩa haguma nʼomũsĩke wʼengyingo, nʼoko musegemo wʼeharĩrĩ wʼengyingo.

Amosĩ 7:17

Busana nʼekyo Omwami Mukulu ati, Omũkalĩ wawe asyabya mũsĩngĩrĩ omo mũyĩ, nʼabagala bawe nʼabali bawe basyakwa omo mũyalĩ, nʼekitaka kyawe kyasyagabwa omo ngohe; nawe wasyahola omo kihugo kĩtsandĩre. Na Ĩsraelĩ kwenene asyatwalwa omo bunyegwa erĩlũa omo kihugo kiwe.

Amosĩ 9:10

Abakola-nabi bosĩ omo bandu bage basyahola omo mũyalĩ, abakabũga bati, obũlĩge sĩbwendĩsyatũhĩkako kutse sibwendisyatubana.

Amosĩ 9:4

Nomo bangaya omo bunyegwa embere wʼesyonzĩgũ syabo, eyo nasyahamula omũyalĩ, nago asyĩtabo; nasyalolabo ebitsule, butsira omo bubuya.

Eryibuka Ebihano 4:31

Kusangwa Omwami Mukulu Nyamuhanga wenyũ ni Nyamuhanga wʼeriganyira; siendisyakuleka, kutse erĩkũherya, kutse eribirirwa endagano yʼabotata-kulu wawe eyo alahĩrĩrayabo.

Eryibuka Ebihano 6:15

kusangwa Omwami Mukulu Nyamuhanga wawe omo katĩkatĩ kawe, ni Nyamuhanga wʼobũha; erihitana lyʼOmwami Mukulu Nyamuhanga wawe likasyabagulumirako, naye akasyabaherya erĩlũa omo kihugo.