Amosĩ 9:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Omwami Mukulu ati, Ĩnywe bana ba Ĩsraelĩ, Simuli ũkwʼĩngye ngʼabana bʼeEtĩopĩa kwehĩ? Mondalũsya Ĩsraelĩ yʼomo kihugo kyʼeMĩsĩrĩ, nʼAbafĩlĩstĩnĩ eKafũtorĩ, nʼAbasũrĩa eKĩrĩ kwehĩ?

Amosĩ 9:7 Iomraidhean Croise

2 Abami 16:9

Nʼomwami wʼeAsũrĩa mwamowa; kandi omwami wʼeAsũrĩa mwahetukira eDamasekĩ, mwahũngago, mwaheka bandu bako mo banyegwa erĩhĩka eKĩri, neryo mwĩta Rezĩnĩ.

2 Emyatsi yʼEmigulu 14:12

Neryo Omwami Mukulu mwĩtĩra Abaetĩopĩa embere sya Asa, nʼembere syʼAbayũda; nʼAbaetĩopĩa mobatibita.

2 Emyatsi yʼEmigulu 14:9

Neryo Zera Omũetĩopĩa mwasa erilwa nabo nʼomulondo wʼemĩlĩonĩ nguma (1,000,000), nʼesyogalĩ magana asatu; neryo mwahĩka eMaresa.

Erĩlũayo 12:51

Neryo oko kiro ekyo kisa-kisa, Omwami Mukulu mwalũsya abana ba Ĩsraelĩ omo kihugo kyʼeMĩsĩrĩ omo milondo yabo.

Ĩsaya 20:4

Litya omwami wʼeAsũrĩa kwʼasyatwala atya abanyegwa bʼeMĩsĩrĩ, nʼabahigwa bʼeEtĩopĩa, abalere nʼabakulu, abali ndũmbũ nʼebisando busa, nʼamatako awali busa, erihemula eMĩsĩrĩ.

Ĩsaya 22:6

Na Elamũ mwaheka ekikeba kyʼemisoha haguma nʼesyogalĩ nʼabandu, nʼabandu abali oko syosabayĩrĩ; na Kĩrĩ mwaswikula engabo.

Ĩsaya 43:3

Kusangwa ĩngye indi Mwami Mukulu Nyamuhanga wawe, Oyũbũyĩrĩre wa Ĩsraelĩ, Omũlamya wawe. Nabiriha eMĩsĩrĩ eribya endongolya yawe, nʼeEtĩopĩa nʼeSeba omo mwanya wawe.

Yeremĩa 13:23

Ko Mũetĩopĩa angabindula erangĩ yʼengoba yiwe, kutse esoro yangabindula ebitanga-bitanga byayo kwehĩ? Nenyũ litya mwanganatoka erikola ebibuya, ĩnywe mwabiribegera erikola ebibi.

Yeremĩa 47:4

busana nʼekiro kikasa busana nʼerĩherya Abafĩlĩstĩnĩ bosĩ, erĩĩta obuli mũwatĩkya oyo wasaka eTĩro nʼeSĩdonĩ. Kusangwa Omwami Mukulu asyaherya Abafĩlĩstĩnĩ, abosĩ abasĩgere oko mũsĩke wʼeKafũtorĩ.

Hosea 12:13

Nĩkwa omo mũmĩnyererĩ Omwami Mukulu mwalũsya Ĩsraelĩ erĩlũa eMĩsĩrĩ, nʼomo mũmĩnyererĩ mwateyĩbwa.

Amosĩ 1:5

Omwami Mukulu akabũga ati, Nasyabũna engomo yʼeDamasekĩ, nasyĩtĩra esyondũlanĩ syʼomo musya wʼeAwenĩ nasyĩta oyuwite oko mũtso wʼobwami erĩlũa omo kĩtũnga kyʼeEdenĩ; nʼabandu bʼeSũrĩa basyaya omo bunyegwa eKĩri.

Amosĩ 2:10

Omwami Mukulu ati, Kandi nĩna ngye nibya nabĩrũkaya erĩbalũsya omo kihugo kyʼeMĩsĩrĩ, monabasondola emyaka makũmĩ ani omo mbwarara, erĩsĩgalya ekihugo kyʼOmũamorĩ.

Eryibuka Ebihano 2:23

Neryo Abaawĩ, abĩkala omo mĩyĩ erĩhĩka eGaza, neryo Abakafũtorĩ abalũa eKafũtorĩ, mobaheryabo mobĩkala omo mwanya wabo.]