Amosĩ 9:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Neryo Omukama, Omwami Mukulu Wʼemilondo, yo yũkatũla oko kitaka ikyasendekerera, nʼabosĩ abĩkere mukyo basyalira; nakyo ekyosĩ kikayisumba ngʼolũsĩ lwʼeNĩlĩ, kandi kyasyahotoka ndeke ngʼolũsĩ lwʼeNĩlĩ lwʼeMĩsĩrĩ.

Amosĩ 9:5 Iomraidhean Croise

Esyonyimbo 104:32

Akasamalira ekihugo, ikyatitimana; Akatũla oko bitwa, neryo ĩbyatũmba.

Esyonyimbo 144:5

Uwe Mwami Mukulu, ũhĩgũkalaye ekyanya, ũkĩme; Ũtũle oko bitwa, nabyo byasyatũmba.

Esyonyimbo 32:6

Neryo abandu bawe bosĩ abakũkengĩre bakusabe omo mugulu wʼobwaga; Kwenene omugulu wʼamaganĩryo omugulu wʼerigunga lyʼamagetsi lĩkahĩka, siendisyamũhĩkako.

Esyonyimbo 46:6

Ebihanda bĩkalũsĩbawaho, amami akatera; Nyamuhanga akasumba omulenge, nʼekihugo kikanokokala.

Esyonyimbo 97:5

Ebitwa bikanyenyeta ngʼebisese embere syʼOmwami Mukulu, Embere syʼOmukama wʼekihugo kyosĩ.

Ĩsaya 64:1

Kumbe wamasatya olubula, kumbe wamandagala, nʼebitwa ibyabana erĩsũkana embere syawe.

Yeremĩa 12:4

Ekihugo kyasyakolyahi eririra nʼebiti byʼekihugo kyosĩ eriuma kwehĩ? Busana nʼebibi byʼabĩkere mukyo, esyonyama syabĩrĩpũrwa nʼesyonyonyũ, kusangwa abandu babũga bati, Siendisyalangira endũlĩ yetu.

Hosea 4:3

Kikaleka ekihugo ikyalira, nʼobuli mundu oyo wĩkeremo akabonda, haguma nʼesyonyama syʼomolĩ, nʼesyonyonyũ syʼekyanya; ega, nʼamahere wʼomo ngetsi akabulirana.

Amosĩ 8:8

Ekihugo sikyendisyatitimana busana nʼekĩ, nʼobuli mundu oyo wĩkere mukyo eririra kwehĩ? Ega, kyasyahangana ekyosĩ ngʼolũsĩ lwʼeNĩlĩ, kandi kyasyagusangwa nʼerihotoka kandi, ngʼolũsĩ lwʼeNĩlĩ lwʼeMĩsĩrĩ.

Nahũmũ 1:5

Ebitwa bikatitimana embere siwe, nʼehitwa hĩkanũna; nʼekitaka kikayisumba busana nʼameso wuwe, ega, ekihugo kyosĩ, nʼesyondũlanĩ syosĩ sya mukyo.

Nahũmũ 1:6

Nindi wangatoka erihangana embere wʼerihitana liwe kwehĩ? Kandi nindi wangatoka erĩĩkala omo bukali bwʼerihitana liwe kwehĩ? Erihitana liwe lĩkũtũkala ngʼomuliro, nʼamabwe akatulawa naye.

Habakũkĩ 3:10

Ebitwa mobyakulangira, mobyatitimana; Erigunga lyʼamagetsi molyatwangana; Emirindi moyahũlũkya erihuha lyayo, Moyasumbira ebyala byayo endata.

Matayo 7:27

Neryo embũla moyawa, nʼesyonyũsĩ mosyasenda, nʼekihunga mokyabuhirira, mobyayĩswĩrya oko nyũmba eyo, nayo moyatera. Nʼeritera lyayo molyabya ĩnene.

Eribisurirwa 20:11

Neryo monalangira ekĩtũmbĩ kyʼobwami kinene kyeru-kyeru, nʼoyo wĩkere kukyo. Neryo ekihugo nʼolubula mobyasaga obũsũ buwe, kandi omwanya mwataswabanika busana nabyo.