Amosĩ 9:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Nomo bangaya omo bunyegwa embere wʼesyonzĩgũ syabo, eyo nasyahamula omũyalĩ, nago asyĩtabo; nasyalolabo ebitsule, butsira omo bubuya.

Amosĩ 9:4 Iomraidhean Croise

Enzũko 44:21

Nawe mowabwira abagombe bawe uti, Mũnyandagalĩrayeye, inatoka erimugusa kwʼameso.

2 Emyatsi yʼEmigulu 16:9

Kusangwa ameso wʼOmwami Mukulu akalaba-laba omo kihugo kyosĩ, erĩyĩkangya mo wʼamaka busana nʼabʼomutima ahĩkene kwiye. Ũmwʼekĩ wabirikola ebyʼobũkĩrũ; kusangwa erĩtsũka lino Wasyabya nʼamalwa.

Esyonyimbo 34:17

Abatunganene bakalakira Omwami Mukulu kandi akahulikirirabo, Akalamayabo oko malĩge wabo gosĩ.

Erĩlũayo 14:24

Neryo mokyabya omo kĩsĩsĩmũko kyʼomo ngyakya Omwami Mukulu mwasamalira omulondo wʼAbanya Mĩsĩrĩ omo katĩkatĩ kʼendũyĩ yʼomuliro nʼekĩtũ, neryo mwahahũkya omulondo wʼAbanya Mĩsĩrĩ.

Yeremĩa 12:12

Abaherya babĩrĩhĩka oko bitwa byosĩ omo mbwarara, kusangwa omũyalĩ wʼOmwami Mukulu akabuga erĩtsũka oko ndũlĩ nguma nʼerĩhĩka oko yindi ndũlĩ yʼekihugo. Sihali buholo busana nʼomundu.

Yeremĩa 21:10

Kusangwa nabiriyisinga erĩtĩndabalya omũyĩ oyũ nĩkwa erĩheryago, Omwami Mukulu atya. Nago asyahabwa omo byala byʼOmwami wʼeBabelĩ naye asyahĩsyago omo muliro.

Yeremĩa 24:6

Kusangwa nasyalolya ameso wage go kubo busana nʼebibuya, kandi nasyaswaletabo omo kihugo ekĩ. Kandi nasyahĩmbabo butsira erĩhĩmbũlabo. Kandi nasyahandabo, butsira erikulabo.

Yeremĩa 39:12

Ũmwĩmaye, ũmũtegaye ndeke, sumukole nabi. Nĩkwa umukolere ngoko akakubwira.

Yeremĩa 39:16

Ugende, Ubwire Omũetĩopĩa yo Ebedĩmelekĩ uti, Omwami Mukulu wʼemilondo, Nyamuhanga wʼeĨsraelĩ ati, Lebaya, ngaletera omũyĩ oyũ ebĩnywa byage busana nʼerĩkwa butsira omũyĩsa. Nabyo byasyaberererĩbwa embere syawe oko kiro ekyo.

Yeremĩa 44:11

Neryo busana nʼekyo Omwami Mukulu wʼemilondo, Nyamuhanga wa Ĩsraelĩ, ati, Lebaya, nasyabaletera erĩkwa, nʼerĩherya eYũda yosĩ.

Ezekĩelĩ 5:12

Ekitswe kiguma kyʼebisatu kyawe kyasyahola omo ndwala yʼakasũsũ, nʼomo nzala basyaherĩbwa omo katĩkatĩ kawe, nʼekitswe kiguma kyʼebisatu kyasyawa omo mũyalĩ oko mbande syosĩ, nʼekitswe kiguma kyʼebisatu nasyapanzirakyo oko mahunga gosĩ, kandi nasyakula omũyalĩ enyũma wabo.

Ezekĩelĩ 5:2

Ekitswe kyʼebisatu wasyahĩsyakyo omo muliro omo katĩkatĩ kʼomũyĩ, omugulu ebiro byʼeribambirako byabibererera. Kandi wasyĩmya ekitswe kyʼebisatu, nʼerĩswĩrya omo mũyalĩ oko mbande syosĩ syago, nʼekitswe kyʼebisatu wasyapanzakyo omwʼihunga, nage nasyakula omũyalĩ enyũma kubo.

Abalawĩ 17:10

Kandi omundu wahi oyuli wʼekĩtũnga kya Ĩsraelĩ, kutse oko batasĩbwe abakabungira omo katĩkatĩ kabo oyukalya omũsĩndokĩ wʼomusasi, ngandĩsyahĩnĩa obũsũ bwage oko mundu oyukalya omusasi, nʼerimugaba oko bandu buwe.

Abalawĩ 26:33

Nĩkwa, Ĩnywe, nasyabapanza-panzira omo bihanda, kandi nasyabakulira omũyalĩ; nʼekihugo kyenyũ kyasyabya mulala, nʼemĩyĩ yenyũ yasyasinduka.

Amosĩ 9:8

Lebaya, ameso wʼomukama, Omwami Mukulu ali oko bwami bwʼebibi, nage nasyaheryabo erĩlũa oko bugali bwʼekihugo; nĩkwa Omwami Mukulu ati, Sĩndĩendĩsyaherya ekĩtũnga kya Yakobo kyo kutsibu.

Zekarĩa 8:10

Kusangwa embere wʼebiro ebyo sihabya luhembo busana nʼomundu, kutse oluhembo busana nʼenyama; kandi mohatabya obuholo nʼobuke busana nʼoyukahuluka kutse oyukingira, busana nʼesyonzĩgũ siwe, nage monahĩra obũyĩgũ omo katĩkatĩ kʼabandu bosĩ obuli mundu na mũlĩkyabo.