Amosĩ 8:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Omukama, Omwami Mukulu akabũga ati, Oko kiro ekyo, kyasyabya, ngandĩsyakĩmya eryuba omwʼitungi, kandi nasyayira ekihugo mo mwĩrĩmya ĩbũnalolĩre ndeke.

Amosĩ 8:9 Iomraidhean Croise

Yobũ 5:14

Omo musibo bakahĩndana nʼomwĩrĩmya, Bakamata-mata omwʼitungi ngʼomo kiro.

Ĩsaya 13:10

Kusangwa esyongũnũnũ syʼekyanya nʼesyondeko syasyo sisyendisyaleta ekyakakala kyasyo; nʼeryuba lyasyakĩna omugulu rikahuluka, nʼomukera asyaleka erĩkolerya lyago.

Yeremĩa 13:16

Muhe Omwami Mukulu Nyamuhanga wenyũ olukengerwa, ate aleta omũhĩndanĩa nʼebisando byenyũ bite byatwĩkala oko bitwa byʼomũhĩndanĩa, kandi omugulu mukine nʼamaha wʼekyakakala, akabindulakyo mo mwĩrĩmya akalĩre, nʼeriyirakyo mo mũhĩndanĩa munene

Yeremĩa 15:9

Oyo wabuta abalinda akakongolũka. Erihumula liwe rĩkalĩre. Bũkamwĩrako ĩbũkĩnalolĩre. Abĩrĩlolĩbwa kwʼesĩsonĩ nʼerihemulwa. Nʼabakasĩgalira kubo, nasyahabo oko mũyalĩ embere wʼesyonzĩgũ syabo, Omwami Mukulu atya.

Ezekĩelĩ 32:7

Kandi omugulu nasyakũlĩmya, nasyakũlĩmya, nasyaswika ekyanya, nʼerĩhũmberya esyongũnũnũ syabo. Nasyaswika eryuba omo kĩtũ, nʼomukera sĩendĩsyaswakolerya.

Amosĩ 4:13

Kusangwa lebaya, oyo wahangika ebitwa, nʼoyo wahangika erihunga, nʼerĩtũlĩra omundu yʼamalengekanĩa wuwe; oyukayira engyakya-ngyakya eribya mwĩrĩmya, nʼoyukalyatanga ahʼendata hʼekihugo, Omwami Mukulu Nyamuhanga Wʼemilondo, lyo lĩna liwe.

Amosĩ 5:8

Oyo wahangika eKĩlĩmĩa nʼeOrĩonĩ, nʼeribindula omwʼĩrĩmya owakalĩre eribya ngyakya-ngyakya, nʼerĩhĩra eritungi mo mwĩrĩmya wʼekiro; oyukabirikira amagetsi wʼengetsi erĩũtago oko bulambo bwʼekitaka, Omwami Mukulu lyo lĩna liwe.

Mĩka 3:6

Busana nʼekyo kyasyabya ekiro busana nenyũ, imutalangira ekindu, bwasyĩra ũkwʼĩnywe, imutaminyerera. Eryuba lyasyalenga busana nʼabamĩnyererĩ, nʼeritungi lyasyĩra kubo.

Zekarĩa 14:7

Nĩkwa kyasyabya kiro kiguma ekyasĩbwe nʼOmwami Mukulu; si ʼtungi, kandi si kiro; nĩkwa ni mubano, oko mugulu wʼerĩgolo-golo hasyabya ekyakakala.

Matayo 24:29

Nĩkwa neryo-neryo enyũma wʼobũlĩge bwʼebiro ebyo, eryuba lyasyabya mwĩrĩmya, nʼomukera siendisyaswakola, nʼesyongũnũnũ syasyatogonga erĩlũa omo kyanya, nʼebyʼamaka byʼomo kyanya byasyatenga-tenganĩbwa.

Matayo 27:45

Neryo bwabere bwahĩka saa ndatu omwĩrĩmya mwaswika ekihugo kyosĩ, erĩhĩka oko saa tĩsa.

Mariko 15:33

Neryo esaa ndatu yabere yahĩka, omwĩrĩmya mwabya oko kihugo kyosĩ erĩhĩka oko saa mwenda.

Luka 23:44

Neryo yabya nga saa ndatu, nʼomwĩrĩmya mwabya omo kihugo kyosĩ erĩhĩka oko saa mwenda.

Eribisurirwa 6:12

Neryo monalangira Ekyana kyʼEmbũlĩ kĩkatũa ekĩbohĩ kyʼendatu. Mohabya omũsĩkĩ munene, nʼeryuba molyakĩna ngʼolukimba lʼobweya olũkĩnĩre, nʼomukera gosĩ mwahinduka erisosa ngʼomusasi.

Eribisurirwa 8:12

Neryo omũlaĩka wʼakani mwabuha engubi yiwe. Neryo ekiguma kyʼomo bisatu kyʼeryuba, nʼekiguma kyʼomo bisatu kyʼomo mukera, nʼekiguma kyʼomo bisatu kyʼesyongũnũnũ mobyabandwako, kyaleka ekiguma kyʼomo bisatu kyʼerĩkolerya lyabo ikyabya mwĩrĩmya. Kandi ekiguma kyʼomo bisatu kyʼomusibo mokĩtakolerya, nʼekiguma kyʼomo bisatu omo kiro mokyabya kitya.