Amosĩ 8:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Ekihugo sikyendisyatitimana busana nʼekĩ, nʼobuli mundu oyo wĩkere mukyo eririra kwehĩ? Ega, kyasyahangana ekyosĩ ngʼolũsĩ lwʼeNĩlĩ, kandi kyasyagusangwa nʼerihotoka kandi, ngʼolũsĩ lwʼeNĩlĩ lwʼeMĩsĩrĩ.

Amosĩ 8:8 Iomraidhean Croise

Esyonyimbo 18:7

Ekihugo mokyatsinga-tsinga nʼerĩsũkana, Ebibanza byʼebitwa mobyatitimana, Mobyatenga-tengana kusangwa Nyamuhanga mwahitana!

Ĩsaya 5:25

Busana nʼekyo erihitana lyʼOmwami Mukulu likaka oko bandu buwe, kandi abirisumba ebyala biwe erilwa nabo nʼerĩswĩryabo ahisi. Ebitwa mobyatitimana, nʼebĩnda byabo byabiribya ngʼekyabũ omo katĩkatĩ kʼenzira. Busana nʼemyatsi eyĩ yosĩ erihitana liwe sĩryetalũaho, nĩkwa ebyala biwe bĩkĩnasũmbĩre.

Yeremĩa 12:4

Ekihugo kyasyakolyahi eririra nʼebiti byʼekihugo kyosĩ eriuma kwehĩ? Busana nʼebibi byʼabĩkere mukyo, esyonyama syabĩrĩpũrwa nʼesyonyonyũ, kusangwa abandu babũga bati, Siendisyalangira endũlĩ yetu.

Yeremĩa 46:7

Oyũ nindi oyukahangana ngʼeNĩlĩ, ngʼesyonyũsĩ nʼamagetsi wasyo akayigusanga kwehĩ?

Yeremĩa 46:8

EMĩsĩrĩ ikahangana ngʼeNĩlĩ, ngʼesyonyũsĩ nʼamagetsi wasyo akayigusanga. Naye akabũga ati, Nasyahangana, nasyaswika ekihugo. Nasyaherya omũyĩ kwenene nʼesyondũlanĩ syayo.

Yeremĩa 51:29

Nʼekihugo kikatitimana nʼerĩyĩkũndĩka; kusangwa erĩyĩsũnza lyʼOmwami Mukulu erilwa na Babelĩ lyamasĩka, eriyira ekihugo kyʼeBabelĩ mo kĩma, ekite mo mundu.

Danĩelĩ 9:26

Neryo enyũma wʼamayenga makũmĩ ndatu nʼawabiri, Mesĩa asyalũsĩbwaho, isiendisyabya nʼekindu; nʼabandu bʼomunya-mwami oyo wasyasa, basyaherya omũyĩ nʼahabũyĩrĩre. Nʼendũlĩ yago yasyabya erigunga lyʼamagetsi, nʼerĩhĩka oko ndũlĩ hasyabya amalwa; emilala yabiritegekwa.

Hosea 10:5

Esyondũlanĩ syʼeSamarĩa syasyubaha kutsibu busana nʼekyana kyʼende kyʼeBetĩ-awenĩ; kusangwa abandu bako basyalirakyo nʼabahererĩ bako abatsemerakyo busana nʼolukengerwa lwakyo, kusangwa lwamalũa kukyo.

Hosea 4:3

Kikaleka ekihugo ikyalira, nʼobuli mundu oyo wĩkeremo akabonda, haguma nʼesyonyama syʼomolĩ, nʼesyonyonyũ syʼekyanya; ega, nʼamahere wʼomo ngetsi akabulirana.

Amosĩ 8:10

Kandi nasyahindula erirya ĩnene lyenyũ mo kiriro, nʼesyonyimbo syenyũ syosĩ mwʼĩsũsũmana; nasyahĩra emisarandwe omo mbindi syʼabandu bosĩ, nʼesyombala oko buli mutwe. Kandi nasyayirakyo ngʼomugulu wʼeririra busana nʼekyusa, nʼendũlĩ yakyo yasyabya ngʼekiro kyʼerikaliha.

Amosĩ 9:5

Neryo Omukama, Omwami Mukulu Wʼemilondo, yo yũkatũla oko kitaka ikyasendekerera, nʼabosĩ abĩkere mukyo basyalira; nakyo ekyosĩ kikayisumba ngʼolũsĩ lwʼeNĩlĩ, kandi kyasyahotoka ndeke ngʼolũsĩ lwʼeNĩlĩ lwʼeMĩsĩrĩ.

Nahũmũ 1:8

Nĩkwa omwʼigunga lyʼeribwaga asyabuga abakalwa naye, kandi asyahigira esyonzĩgũ siwe omo mwĩrĩmya.

Matayo 24:30

Neryo ekiminyikalo kyʼomugala wʼomundu kyasyahuluka omo kyanya; neryo ebihanda byosĩ byʼomo kihugo byasyasũsũmana, kandi byasyalangira Omugala wʼomundu akasa oko bĩtũ byʼekyanya nʼobũtokĩ bunene nʼolukengerwa lunene.