Amosĩ 8:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Nʼesyonyimbo syʼekikali syasyabya biriro oko kiro ekyo, Omukama, Omwami Mukulu atya; ebĩnda byasyabya bingi; basyagusabyo ehosĩ bũkũtũ.

Amosĩ 8:3 Iomraidhean Croise

Esyonyimbo 39:9

Ngandibya bũkũtũ, sindiendĩbũga kĩnywa, Kusangwa ni we walekĩre.

Ĩsaya 37:36

Neryo omũlaĩka wʼOmwami Mukulu mwahuluka, mwĩta elfu erĩgana nʼamakũmĩ munani nʼesĩtanu (185,000) omo kilaliriro kyʼAbaasũrĩa. Omugulu abandu babuka omo ngyakya-ngyakya, lebaya abosĩ ibabiribya bĩnda.

Yeremĩa 22:18

Neryo Omwami Mukulu akabũga, busana na Yehoyakĩmũ mugala wa Yosĩa, omwami wʼeYũda ati, Sibendimulira, bati, Ĩyo-o, mugala wetu! kutse, Ĩyo-o, mwali wetu! Sibendisyamulira bati, Ĩyo-o mukama! kutse, Ĩyo-o busana nʼobubuya buwe!

Ekiriro 2:10

Abakulu bʼomwali wʼeSĩonĩ Bĩkere oko kitaka bakĩkala bũkũtũ. Bakagusa olũtũtũ oko mitwe yabo. Bakayihanga emiremba omo mbindi. Abambesa bʼeYerũsalema Bakahanda emitwe yabo oko kitaka.

Yoelĩ 1:11

Ĩnywe balĩmĩ bʼebĩnyũ mũkwe esĩsonĩ, ĩnywe bakolerĩ bʼemĩrĩkĩ yʼebĩnyũ, mũlĩhĩre busana nʼengano, na busana nʼekisusu; kusangwa obugese bwʼamalima bwabirihera.

Yoelĩ 1:13

Ĩnywe bahererĩ, mũyĩkũndĩke emisarandwe, mulire, mũlĩhĩre, ĩnywe abakolerĩ bʼekiherero; mwase, mugotsere omo kiro kyosĩ omo misarandwe, ĩnywe abakolerĩ ba Nyamuhanga wage: kusangwa obuhere bwʼengano nʼobuhere bwerĩũtũlĩra ahisi bwabĩrĩkakĩrĩbwa omo nyũmba ya Nyamuhanga wenyũ.

Yoelĩ 1:5

Ĩnywe bakũndĩrya, mubuke, mũtogongaye emĩsonĩa; mũsũsũmane, ĩnywe bosĩ mũkapũlaya ebĩnyũ, busana nʼebĩnyũ bĩsĩhĩre; kusangwa byabĩrĩlũsĩbwa oko muno wenyũ.

Abalawĩ 10:3

Neryo Musa mwabũga na Harũnĩ, ati, Ekĩ kyo Mwami Mukulu abũga ati, Nasyaganzwa mo mũbũyĩrĩre oko bakasa hakũhĩ nage, nʼembere syʼabandu bosĩ nasyakengwa. Na Harũnĩ mwabya bũkũtũ.

Amosĩ 4:10

Omwami Mukulu ati, Nabiribatumira akasũsũ ngoko natumako eMĩsĩrĩ; nabĩrĩta abalwana benyũ omo mũyalĩ, haguma nʼesyosabayĩrĩ syenyũ; nabĩrĩhetũkya erikumba libi lyʼekilaliriro kyenyũ erĩhĩka omo nĩndo syenyũ; nĩkwa simwetanyisubako.

Amosĩ 5:16

Busana nʼekyo, Omwami Mukulu, Nyamuhanga Wʼemilondo, Omukama, akabũga ati, Eririra likabya omo bibuga byosĩ; kandi bakabũga omo syonzira syosĩ bati, Ĩyooo! Ĩyooo! basyabirikira, Omũlĩmĩ eririra, nʼabawite amenge wʼeririra busana nʼeririra.

Amosĩ 5:23

Mũnyĩlũsaye kwʼamahira-mahira wʼesyonyimbo syenyũ; kusangwa sĩndĩendĩsyowa omulenge wʼesyonanga syenyũ.

Amosĩ 6:4

Abandu abakagotsera oko ngyingo syʼameno wʼesyonzogũ, nʼerĩyĩkakĩrya oko ngotsero syabo, nʼerirya ebyana byʼesyombũlĩ ebiri omo bĩhyo, nʼebyana byʼesyonde bĩkalũa omo kibungo.

Amosĩ 6:5

Abakimba esyonyimbo nyitya-nyitya omo mulenge wʼenanga, abakayĩtsũkĩra esyonyimbo nga Dawĩdĩ.

Amosĩ 6:8

Omukama, Omwami Mukulu abĩrĩyĩlahĩryako, Omwami Mukulu, Nyamuhanga Wʼemilondo ati, Ngakwa obubuya bwa Yakobo bo nye, kandi ngakwa ebikali biwe byʼobusu; busana nʼekyo nasyahotera omũyĩ nʼebyosĩ birimo.

Amosĩ 8:10

Kandi nasyahindula erirya ĩnene lyenyũ mo kiriro, nʼesyonyimbo syenyũ syosĩ mwʼĩsũsũmana; nasyahĩra emisarandwe omo mbindi syʼabandu bosĩ, nʼesyombala oko buli mutwe. Kandi nasyayirakyo ngʼomugulu wʼeririra busana nʼekyusa, nʼendũlĩ yakyo yasyabya ngʼekiro kyʼerikaliha.

Nahũmũ 3:3

Eriyalwa lyʼabakagenda oko sabayĩrĩ, nʼerĩhenĩa lyʼemĩyalĩ, nʼerĩkangabasanĩa lyʼamatũmo, nʼerĩkwa lyʼabangi, nʼekilundo kinene kyʼebĩnda, kandi ebĩnda ebitaganzika, bakatwĩkala oko bĩnda!

Zefania 1:7

Uhune embere syʼOmukama, Omwami Mukulu; kusangwa ekiro kyʼOmwami Mukulu kiri hakũhĩ; kusangwa Omwami Mukulu abĩrĩkokotya obuhere, abirihigula abagenĩ buwe.