Amosĩ 7:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Neryo omũhererĩ wʼeBetelĩ, ye Amazĩa, mwatuma uku Yeroboamũ omwami wʼeĨsraelĩ ati, Amosĩ abiriya embĩta erilwa nawe omo kĩtũnga kya Ĩsraelĩ; ekihugo sikyangatoka ebĩnywa biwe byosĩ.

Amosĩ 7:10 Iomraidhean Croise

Enzũko 37:8

Nʼabagala babo mobabũga naye bati, Kwenene wasyatutabalako kwehĩ? Kutse kwenene Wasyabya mukama wetu kwehĩ? Mobamũkwa kwʼekĩnĩga kwilaba busana nʼerilota liwe nʼebĩnywa biwe.

1 Abami 13:33

Enyũma wʼomwatsi oyũ, Yeroboamũ mwatabinduka eritsira enzira nyibi yiwe, nĩkwa mwaswahĩra abahererĩ bʼahendata omo bandu bosĩ; Omundundi oyo abya anzĩre mwamusolola, batoke eribya bahererĩ bʼahendata.

1 Abami 18:17

Neryo omugulu Ahabũ alola uku Elĩya, Ahabũ mwamubwira ati, Nina we embandanganĩa ya Ĩsraelĩ kwehĩ?

Yeremĩa 18:18

Neryo mobabũga bati, Mwase tuye embĩta yʼamenge erĩĩta Yeremĩa. Kusangwa omugambo siendisyatala oko mũhererĩ, kutse erihana oko bʼamenge, kutse ekĩnywa oko mũmĩnyererĩ! Mwase tũmũswĩraye omo lulimi lwetu, sĩtũhĩre omutima oko bĩnywa biwe nʼekiguma.

Yeremĩa 36:16

Neryo, babere babĩowa ebĩnywa byosĩ, mobakeberana omʼubaha, mobabwira Barũkũ bati, Lero tukandibwira omwami ebĩnywa ebĩ byosĩ.

Yeremĩa 38:4

Neryo abakulu mobabwira omwami bati, Tũkakũbũlaya tuti, Omundu oyũ ĩtawe kusangwa akanogokalaya abandu bʼamalwa abakasĩgala omo mũyĩ oyũ, nʼabandu bosĩ, eribwirabo ebĩnywa ngʼebĩ, kusangwa omundu oyũ sĩalĩsondaya obubuya bwʼabandu aba, nĩkwa erĩagalyabo.

Amosĩ 1:1

Ebĩnywa bya Amosĩ oyo wabya muguma gʼoko balĩsya bʼeTekoa, ebyo alangira busana na Ĩsraelĩ omo biro bya Ũzĩa omwami wʼeYũda, nʼomo biro bya Yeroboamũ mugala wa Yoasĩ omwami wʼeĨsraelĩ, emyaka ĩbĩrĩ embere wʼomũsĩkĩ wʼekitaka.

Amosĩ 3:14

Kusangwa oko kiro ekyo nasyasuyira amalolo wa Ĩsraelĩ, nibya nasyasuyira ebiherero byʼeBetelĩ; nʼamahembe wʼekiherero asyatũbwa, nʼeriwa oko kitaka.

Amosĩ 5:10

Bakakwa obusu oyukakunga omo lũkyo kandi bakapona kutsibu oyũkabũga ebitunganene.

Amosĩ 5:5

Nĩkwa sĩmũsonda-sondaye eBetelĩ, kutse simwingire eGĩlĩgalĩ, kutse simulabe eBerĩ-seba; kusangwa kwenene eGĩlĩgalĩ yasyaya omo bunyegwa, nʼeBetelĩ yasyabya buyira.

Amosĩ 7:11

Kusangwa Amosĩ amabũga ati, Yeroboamũ asyakwa omo mũyalĩ, na Ĩsraelĩ kwenene asyatwalwa omo bunyegwa erĩlũa omo kihugo kiwe.

Matayo 21:23

Neryo Yesu abere ahĩka omo Hekalũ, abahererĩ bakulu nʼabakulu bʼabandu mobamũhĩkako inianemũkangĩrĩrya. Mobamubwira bati, Ukakola emyatsi eyĩ omo hamũlĩ yahi kwehĩ? Kandi nindi wakuha ehamũlĩ eyĩ kwehĩ?

Luka 23:2

Neryo mobatsũka erĩhandĩkĩrĩrya Yesu bati, Motweya omundu oyũ ĩnĩakatalaya ekihanda kyetu, nʼeritukaga erisolera Kaĩsarĩ. Kandi akabũga ati iye ni Kristo yo mwami.

Emibiri 24:5

Kusangwa twabĩrĩrebya omundu oyũ kwʼali mũtĩngĩtya, kandi nĩ mũkatĩsanĩa omo katĩkatĩ kʼAbayũda omo kihugo kyosĩ, kandi nĩ mũhanganĩrĩ wʼekihanda kyʼAbanazaretĩ.

Emibiri 5:28

ati, Motwabahana kutsibu tuti sĩmũkangĩrĩraye omo lĩna erĩ. Lebaya! mwabĩrĩũsũlya eYerũsalema mwʼerĩkangĩrĩrya lyenyũ, kandi mukasonda erĩtũhĩra kʼomusango wʼomusasi wʼomundu oyo.

Emibiri 7:54

Neryo abandu bʼerĩbũgĩro, omugulu bowa ebĩnywa bya Setefano ebĩ, mobahitana mobayĩsyolya.