Amosĩ 6:1 - AMASAKO ABOYTRTRE WA NYAMUHANGA AWAKAHULAWA MO BIBLIA

¹ Obũlĩge oko bakayĩsyandira eSĩonĩ, nʼoko bandu bĩkere buholo omo kitwa kyʼeSamarĩa, abandu abaminyikere ni bakulu bʼekihanda kĩlabĩre ebindi, abo ekihanda kya Ĩsraelĩ kĩkahĩkako.

Amosĩ 6:1 Iomraidhean Croise

1 Abami 16:24

Neryo mwagula ekitwa kyʼeSamarĩa uku Semerĩ omo syotalanta ĩbĩrĩ syʼekĩtsĩpa; neryo mwahĩmba oko kitwa ekyo, mwahula erĩna lyʼomũyĩ ogo ahĩmba mo Samarĩa, ngʼerĩna lya Semerĩ, Omwenye kitwa.

Esyonyimbo 123:4

Abateke babĩrĩtũsĩnĩngũlĩra ebiro bingaha, Nʼerĩsekererĩbwa nʼabandu abakayiheka nʼerĩtũnũbya!

Emĩsyo 1:32

Kusangwa erisuba enyũma lyʼabakĩrũ lyasyĩtabo. Nʼerĩyĩsyandira lyʼeritindatsomana lyʼabakĩrũ lyasyaheryabo.

Ĩsaya 33:14

Abakola-nabi eSĩonĩ bakubaha. Nʼerititimana lyabirihamba abatekenga Nyamuhanga. Nindi ũkwʼĩtwe angatoka erĩĩkala omo muliro owakahĩsaya kwehĩ? Nindi ũkwʼĩtwe angatoka erĩĩkala haguma nʼerĩhĩsĩrĩrya lya kera na kera kwehĩ?

Yeremĩa 2:3

Ĩsraelĩ abya abũyĩrĩre busana nʼOmwami Mukulu, Obuyilula bwʼerigesa liwe. Abosĩ abalya kubo mobabya nʼolubanza. Omwami Mukulu ati, Obubi mobwahĩka kubo.

Yeremĩa 48:11

Moabũ abirihumula okwʼĩtsũka obũlwana buwe. Abiriluhuka busana nʼebindu ebyo abĩkĩre, sialitabũngũlĩkanĩbwa omo syonyungu, kutse sialitaya omo bunyegwa. Busana nʼekyo erĩgerya liwe likamubyako nʼerikumba liwe siryetahinduka.

Yeremĩa 49:31

Omwami Mukulu ati, Muhangane, muhetuke erilwa nʼekihanda ekiri omo buholo, ekĩkere butsira erĩhangahangya. Ekite nʼesyongyo kutse mĩkangyĩ, bĩkere ĩbobene.

Yeremĩa 5:5

Ngandiya oko bakulu ĩnabũga nabo, kusangwa banasĩ enzira yʼOmwami Mukulu, nʼekilayiro kya Nyamuhanga wabo. Nĩkwa aba nʼomutima muguma babirigana ehamũlĩ yʼomukama. Bakagana erĩmowa.

Yeremĩa 7:4

Simuyiketere ebĩnywa byʼeriteba muti, Eyĩ nĩ Hekalũ yʼOmwami Mukulu, eHekalũ yʼOmwami Mukulu, eHekalũ yʼOmwami Mukulu.

Ekiriro 1:1

Omũyĩ ĩkere ĩgowene ati, Owabya oswĩre mwʼabandu! Abiribya ngʼomũkwakalĩ, Oyo wabya mukulu omo bihanda! Abya munya-mwami-kalĩ omo katĩkatĩ kʼebihugo, Abiribya mũsũbĩ!

Amosĩ 3:2

Omo katĩkatĩ kʼebĩtũnga byosĩ byʼekihugo ĩnywebene ĩngye munawite; busana nʼekyo ngabasuyira oko bibi byenyũ byosĩ.

Amosĩ 3:9

Mũtũlego omo bikali byʼeAsĩdodĩ, nʼomo bikali byʼekihugo kyʼeMĩsĩrĩ, muti, Mũyĩhĩndanaye oko bitwa byʼeSamarĩa, neryo mũlebaye omwaga munene owaliyo, nʼomunubo munene wahi owali omo katĩkatĩ kabo.

Amosĩ 4:1

Mowe ekĩnywa ekĩ, ĩnywe nde syʼeBasanĩ esiri omo bitwa byʼeSamarĩa, abakanũbaya abera, abakalyata oko bera, abakabũga nʼabĩbabo bati, Mulete, tũpũlaye!

Amosĩ 5:27

Busana nʼekyo nasyaleka imwaya omo bunyegwa eyisirya wʼeDamasekĩ, Omwami Mukulu akabũga, erĩna liwe yo Nyamuhanga Wʼemilondo.

Amosĩ 8:14

Nĩkwa abakalahĩraya Omwʼĩlolo lyʼeSamarĩa, bati, Uwe Danĩ, ngoko Nyamuhanga wawe aliho; kandi, ngoko enzira yʼeBerĩ-seba ikakota; basyawa isibendisyaswahangana kandi.

Amosĩ 9:10

Abakola-nabi bosĩ omo bandu bage basyahola omo mũyalĩ, abakabũga bati, obũlĩge sĩbwendĩsyatũhĩkako kutse sibwendisyatubana.

Mĩka 3:1

Neryo monabũga nyiti, Ĩnywe bakulu ba Yakobo, nʼabatabalĩ bʼekĩtũnga kya Ĩsraelĩ, muhulikirire. Ĩnywe simwangaminya erĩbanza litunganene kwehĩ?

Zefania 1:12

Neryo oko mugulu oyo, nasyasonda-sondya eYerũsalema omo syotala; kandi nasyasuyira abandu ababiritsanda omo mitima yabo, abakabũga omo mitima yabo bati, Omwami Mukulu siendisyakola ebibuya, kutse ebibi.

Yakobo 1:18

Kusangwa mwayisoga eritubuta omo kĩnywa kyʼekwenene itwatoka eribya bʼerĩmbere umwʼebyo ahangika.

Yakobo 5:5

Mwabirisiba muna-kihugo ngʼabami, nʼerĩyĩtsemesya ndeke. Mwabĩrĩnenehya emitima yenyũ busana nʼekiro kyʼerikerwa.

1 Petero 5:7

Mũhĩre erĩhangahangya lyenyũ lyosĩ uku Nyamuhanga, kusangwa akabategaya.

Abatswerĩ 18:7

Neryo abandu batanu abo mobayigendera, mobahĩka eLaĩsĩ, mobalangira abandu ababyamo ĩbĩkere buholo, ngʼemibere yʼAbasĩdonĩ, ĩbĩkere bũkũtũ nʼobuholo; kusangwa sihabya mũtabalĩ omo kihugo, oyũkanũbayabo omo mwatsi, kandi ibali hali oko Basĩdonĩ, isibali nʼomwatsi oko bandi bandu.