Amosĩ 5:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Oyukabutuka erĩherya bandu bʼamaka, kikaleka eritsanda ĩryahĩka oko hakongotere.

Amosĩ 5:9 Iomraidhean Croise

2 Abami 13:17

Neryo mwabũga ati, Kingula erĩdĩrĩsa eyo eryuba likasira; naye mwakingulalyo. Neryo Elĩsa mwabũga ati, Lasa, naye mwalasa. Neryo mwabũga ati, Omusoha wʼOmwami Mukulu wʼerĩkĩnda, go musoha wʼerĩkĩnda eSũrĩa; kusangwa wasyĩta Abasũrĩa eAfeke, erĩhĩka aho wasyatĩndĩrabo.

2 Abami 13:25

Na Yoasĩ mugala wa Yoahazĩ mwaswĩmya omo byala bya Benĩ-Hadadĩ mugala wa Hazaelĩ emĩyĩ eyo ahũnga omo byala bya tata wuwe ye Yoahazĩ omo malwa. Yoasĩ mwamũkĩnda ngendo ĩsatu, mwasũbũlya emĩyĩ ya Ĩsraelĩ.

Ĩsaya 29:5

Nĩkwa endeko yʼesyonzĩgũ syawe yasyabya ngʼolũtũtũ lũnoyĩre, nʼendeko yʼabandu bʼomwaga yasyabya ngʼomusunga owakaguluka; ega kyasyabya omo katambĩ kake, neryo-neryo.

Yeremĩa 37:10

Kusangwa nomo mwangĩtĩre emilondo yosĩ yʼabasĩrĩkanĩ bʼAbakaldea abakalwa nenyũ, nʼabahutere basa bakasaka omo katĩkatĩ kabo, obuli mundu omo hema yiwe, banganahangana nʼerĩhĩsya omũyĩ oyũ omo muliro.

Amosĩ 2:14

Esyondibito syasyabula oko mũtĩbĩtĩ; nʼowʼamaka siendisyatomeka oko maka wuwe; kutse owʼobũtokĩ sĩendĩsyalamya engebe yiwe.

Mĩka 5:11

Nasyaherya emĩyĩ yʼekihugo kyawe, nasyaterya ahakongotere hawe hosĩ.

AbaEbrania 11:34

Kandi mobalĩmya omuliro owakalĩre, mobabala omũyalĩ. Ababya bolo mobabana amaka, mobabya esyombangĩ omo malwa, nʼerihiga emilondo yʼehandi.