Amosĩ 5:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Ĩnywe mukahindula erĩbanza libuya eribya ekĩkalĩhĩre, nʼerigusa eritunganene lyʼahisi oko kitaka.

Amosĩ 5:7 Iomraidhean Croise

Esyonyimbo 125:5

Nĩkwa usuyire abakakwama esyonzira syabo nyibi, Omugulu ukasuyira abakakola nabi! Obuholo bubye na Ĩsraelĩ!

Esyonyimbo 36:3

Erĩbũga liwe ni ribi kandi rikateba; Sihakiri omundu wʼamenge nʼerikola ebibuya.

Emĩsyo 21:7

Omwaga wʼababi asyabĩrĩryabo hali, Kusangwa bakagana erikola ebitunganene.

Ĩsaya 1:23

Abatabalĩ bawe ni bandu bakahona, nĩ bĩra bʼabĩbĩ. Obuli mundu anzĩre esigulo, bakakwama ebihembo. Sĩberekeraya esyongũbĩ, kandi olubanza lwʼabakwakalĩ sĩlũlĩhĩka embere syabo.

Ĩsaya 10:1

Obũlĩge oko bandu abakahamula emigambo mibi, nʼabandu abakasaka eritswera eritatunganene,

Ĩsaya 46:12

Munyihulikirire, ĩnywe bʼemitima mitsibu, ĩnywe muli hali oko litunganene.

Ĩsaya 5:20

Obũlĩge ukwʼabo abakahula ebibi mo bibuya, nʼebibuya, mo bibi; abakayira omwĩrĩmya mo kyakakala, nʼekyakakala mo mwĩrĩmya; abakahĩra ekĩkalĩhĩre mo kĩsĩhĩre, nʼekĩsĩhĩre mo kĩkalĩhĩre!

Ĩsaya 5:7

Kusangwa eririma lyʼebĩnyũ lyʼOmwami Mukulu wʼemilondo ni kihanda kyʼeĨsraelĩ, nʼabandu ba Yũda bo mwaka wʼerĩmũtsemesya. Neryo mwabya nʼamaha wʼerĩbanza, nĩkwa lebaya erĩũta omusasi musa, abya nʼamaha erilola okwʼitunganana, nĩkwa lebaya, kwesĩ ni milake yʼobũlĩge.

Ezekĩelĩ 18:24

Nĩkwa omugulu omundu utunganene akabinduka akaleka eritunganene riwe, nʼerikola ebibi, nʼerikola esyonye syosĩ ngʼomundu mubi kwʼakakola, asyabyaho kwehĩ? Emĩbĩrĩ yiwe yosĩ itunganene eyo abirikola siyendisyibukwa busana nʼeriteba liwe eryo abirikola, nʼomo bibi biwe ebyo abirikola. Asyahola busana nabyo.

Ezekĩelĩ 3:20

Kandi, omugulu omundu utunganene akalũa oko litunganene riwe, akakola ebibi, nage ngahĩra ekyʼerĩtwĩkalya embere siwe, asyahola; kusangwa sulitamukangirira ehee! asyahola omo bibi biwe, nʼemĩbĩrĩ yiwe itunganene eyo abirikola siyendisyibukwa; nĩkwa omusasi wuwe nasyabũlyago omo byala byawe.

Ezekĩelĩ 33:18

Omugulu omutunganene akabinduka akaleka eritunganene liwe akakola ebibi, neryo asyahola mubyo.

Hosea 10:4

Bakabũga ebĩnywa bya busa, ĩbakalahĩraya nʼamabehĩ eriyira esyondagano; Ukwʼekyo eritswera likahangana ngʼomuhokolo omo mahya wʼeririma.

Amosĩ 2:3

Omwami Mukulu ati, Nage nasyabuga omũtswerĩ erĩlũa omo katĩkatĩ kago; nasyĩta abanya-mwami bosĩ bako haguma naye.

Amosĩ 3:10

Omwami Mukulu ati, Nĩkwa sĩbasĩ erikola eritunganene, abakabika omwaga nʼobũrahĩ omo bikali byabo.

Amosĩ 6:12

Esyosabayĩrĩ syanasyatibita oko mabwe kwehĩ? Kutse omundu anasyalima mabwe omo syonume syʼesyonde kwehĩ? Nĩkwa ĩnywe mwabirihindula erĩbanza lyʼekwenene mo buti, nʼebĩgũma byʼeritunganene mo bĩkalĩhĩre.

Mĩka 3:9

Neryo, mowe ekĩ, ĩnywe bakulu bʼekĩtũnga kya Yakobo, nʼĩnywe batabalĩ bʼekĩtũnga kya Ĩsraelĩ abakakwa erĩbanza lyʼekwenene lyʼesyonye, nʼerĩhengemya ebitunganene byosĩ.

Habakũkĩ 1:4

Busana nʼekyo, emigambo ikaponawa, nʼerĩbanza siryebanika; kusangwa ababi bakatĩmba oko batunganene; busana nʼekyo erĩbanza likahuluka ĩrĩnahengemĩre.

Zefania 1:6

Kandi abasuba enyũma erireka erikwama Omwami Mukulu; kandi abatasonda-sonda Omwami Mukulu, kutse erĩmũbũlya.

Eryibuka Ebihano 29:18

hakasyabya omo katĩkatĩ kenyũ omulume kutse omũkalĩ, kutse ekĩtũnga, kutse ekihanda, omutima wabo akabũnũkala mũnabwĩre akalũa oko Mwami Mukulu Nyamuhanga wetu, akayakolera esyonyamuhanga syʼebihanda ebyo; hakasyabya omũlĩhĩ owakabuta ebĩgũma byʼobuti nʼerikaliha;