Amosĩ 5:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Kusangwa Omwami Mukulu akabũga nʼekĩtũnga kya Ĩsraelĩ ati, Mũnyĩsonda-sondaye imwatoka eribyaho.

Amosĩ 5:4 Iomraidhean Croise

2 Abami 20:3

Uwe Mwami Mukulu ngakulakira nyiti Wibuke ngoko nalendera embere syawe omo kwenene nʼomutima ahĩkene, kandi nabirikola ebibuya omo meso wawe Na Hezekĩa mwalira kutsibu.

1 Emyatsi yʼEmigulu 28:9

Nawe Solomono, mugala wage, Uminye Nyamuhanga wa tata wawe, umukolere nʼomutima owahĩkene nʼomo bũlengekanĩa obukanza; kusangwa Omwami Mukulu akasondaya emitima yosĩ nʼeriminya amaganĩryo gosĩ wʼobũlengekanĩa. Wamamusonda-sonda, asyabanika ukʼuwe; nĩkwa wamamũsĩga, asyakugana kera na kera.

2 Emyatsi yʼEmigulu 15:2

Naye mwahuluka erĩyahĩndana na Asa, mwamubwira ati, Uwe Asa, nʼAbayũda bosĩ nʼAbabenyamĩna, mũnyowe. Omwami Mukulu ali haguma nenyũ omugulu muli haguma naye; nenyũ mwamamusonda-sonda, asyabanika kwĩnywe; nĩkwa mwamamũsĩganĩa naye asyabasĩga.

2 Emyatsi yʼEmigulu 20:3

Na Yosafatĩ mubaha, mwayĩhĩra okwʼisonda-sonda Omwami Mukulu; neryo mwahamula ati batsire erirya akalyo eYũda hosĩ.

2 Emyatsi yʼEmigulu 20:4

Neryo Abayũda mobayĩhĩndanĩa abosĩ erĩsondya erĩwatĩkya lyʼOmwami Mukulu, mobalũa omo mĩyĩ yosĩ ya Yũda erisonda-sonda Omwami Mukulu.

2 Emyatsi yʼEmigulu 34:3

Kusangwa oko mwaka wʼomunai wʼeritabala liwe, iniakine mũlwana, mwatsũka erisonda-sonda Nyamuhanga wa tata-kulu wuwe Dawĩdĩ; nʼoko mwaka wʼerĩkũmĩ nʼeyĩbĩrĩ mwatsũka erĩbĩrya eYũda, nʼeYerũsalema erĩlũsya ahendata nʼesyosanamu sya Asera, nʼesyosanamu esĩbatsĩre, nʼesyosanamu syʼerĩnũnĩa.

Esyonyimbo 14:2

Omwami Mukulu akasamalira ahisi iniane elubula akasamalira abandu, Eriminya nga hali mundu wʼamenge, Kutse nga hali oyukasonda-sonda Nyamuhanga.

Esyonyimbo 22:26

Abandu bolo basyalya nʼerĩũgũta, Abandu abakasonda-sonda Omwami Mukulu basyamupipa. Emitima yabo ikote.

Esyonyimbo 27:8

Mowambwira uti, Mwase kwĩngye, Omwami Mukulu, nasyasa ukʼuwe:

Esyonyimbo 69:32

Omugulu abʼobwaga basyalangira ekĩ basyatsema; Ĩnywe mũkaramaya Nyamuhanga emitima yenyũ isube omo nda,

Esyonyimbo 69:33

Omwami Mukulu akowa abali nʼobwaga, Isialibirirawa abandu buwe omo mũlĩkĩ.

Ĩsaya 31:1

Obũlĩge ukwʼabo abakandagalira eMĩsĩrĩ erisonda-sondya erĩwatĩkĩbwa, abakayiketera esyosabayĩrĩ, abakayiketera esyogalĩ kusangwa ni nyingi, kandi abakayiketera abakagenda oko syosabayĩrĩ kusangwa ni bʼamaka kutsibu, nĩkwa sĩbehĩra ameso oko Yũbũyĩrĩre wa Ĩsraelĩ, kutse sĩbesonda-sondaya Omwami Mukulu!

Ĩsaya 55:3

Mutege amatwĩ wenyũ, mwase kwĩngye. Muhulikirire, mutoke eribyaho. Nage nasyayira endagano ya kera na kera haguma nenyũ, ngʼeriganyira literegula eryalagawa uku Dawĩdĩ.

Yeremĩa 38:20

Nĩkwa Yeremĩa mwabũga ati, Sibendisyakuhotera. Kĩsĩ-kĩsĩ nyiti, Ukenge omulenge wʼOmwami Mukulu umwʼebyo ngakubwira, neryo omwatsi asyakowanako, nʼomutima wawe asyabyaho.

Ezekĩelĩ 18:9

amakwama ebihano byage, nʼerĩteya eritswera lyage, eritendiregula. Iye atunganene, asyabyaho kũndũ, Omukama Iye Omwami Mukulu atya.

Hosea 10:12

Muyibibire omo litunganene, mugese omo bubuya; mulima-lime ekitaka ekĩtalĩmĩre; kusangwa ni mugulu wʼerisonda-sonda Omwami Mukulu, erĩhĩka aho asyasira nʼerĩbaheherya omo mbũla yʼekitunganene.

Amosĩ 5:6

Mũsonda-sondaye Omwami Mukulu imomwabyaho; Omwami Mukulu akasyahĩka oko kĩtũnga kya Yosefũ ngʼomuliro nago iniagulumira, isihali oyo wangalĩmyago eBetelĩ.

Zefania 2:3

Mũsondaye Omwami Mukulu, ĩnywe bosĩ bʼekihugo abakayĩkehaya, ĩnywe mwabirikola erĩbanza liwe; mũsondaye eritunganene, mũsondaye obũyĩkehyo; kwamũhwa mwasyabĩswa oko kiro kyʼerihitana lyʼOmwami Mukulu.

Matayo 7:8

Kusangwa oyũkabũlaya, asyangirirakyo; nʼoyukasonda-sonda, akabanakyo; nʼolũyĩ lwasyakingukala oko yukakongota oko lũyĩ.

Eryibuka Ebihano 32:46

mwabũga nabo ati, Mũhĩre emitima yenyũ oko bĩnywa byosĩ ebyo ngabakongomerera mũnabwĩre, ebyo mwasyahana abana benyũ erikwamirira erikolabyo, bye bĩnywa byosĩ byʼemigambo eyĩ.

Eryibuka Ebihano 32:47

Kusangwa sĩ kĩnywa kyʼemitenyo busana nenyũ; ni ngebe yenyũ. Kandi busana nʼekĩnywa ekĩ mwasyakanyĩrĩrya ebiro byenyũ omo kihugo, eyo mukasoka eYorodanĩ erĩyasĩgalyakyo.

Eryibuka Ebihano 4:29

Nĩkwa eyo mwasyasonda-sonda Omwami Mukulu Nyamuhanga wenyũ, kandi mwasyamubana, omugulu mwasyamusonda-sonda nʼomutima wenyũ gosĩ nʼekĩrĩmũ kyenyũ kyosĩ.