Amosĩ 4:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Omwami Mukulu ati, Neryo emĩyĩ ĩbĩrĩ kutse ĩsatu moyayiwako oko mũyĩ muguma erĩpũlya amagetsi, nĩkwa moyĩtũgũta; nĩkwa simwetanyisubako.

Amosĩ 4:8 Iomraidhean Croise

1 Abami 18:5

Neryo Ahabũ mwabwira Obadĩa ati, Ulabe omo kihugo kyosĩ, erĩhĩka oko syongũnũnũko syosĩ syʼamagetsi, nʼoko hyũsĩ hyosĩ; kwamũhwa twangabana ebiti nʼerĩlamya esyosabayĩrĩ nʼesyonyumbu sibyeho, ĩsĩtwangatalya esyonyama syosĩ.

Ĩsaya 9:12

Abasũrĩa oko luhande lwʼendata, nʼAbafĩlĩstĩnĩ oko luhande lwʼeyĩkwa, nabo basyalya Ĩsraelĩ nʼobuno bũtandĩre. Busana nʼebĩ byosĩ erihitana liwe sĩryetalũaho, nĩkwa ebyala biwe bĩkĩnayĩsũmbĩre.

Yeremĩa 23:14

Nabirilangira ekindu kibi kutsibu nibya omo bamĩnyererĩ bʼeYerũsalema. Erĩsĩngĩra, kandi bamalendera omo mabehĩ. Kandi bakasĩkaya ebyala byʼabakola-nabi, kikaleka ihatabya mundu oyũkabũnũkala nʼerireka ebibi biwe. Abosĩ babiribya ũkwʼĩngye ngʼeSodomo, nʼesyondũlanĩ syako ngʼeGomora.

Yeremĩa 3:3

Busana nʼekyo embũla yabĩrĩkakĩrĩbwa, ihatawa embũla yʼenyũma. Nĩkwa wabya nʼembũmo yʼomũmalaya, mowagana erĩkwa esĩsonĩ.

Yeremĩa 3:7

Neryo abere abikola emyatsi yosĩ monabũga nyiti, Asyanyisubako, nĩkwa mwatasubula; na mwali wabo omũtebya, ye Yũda, mwalangirakyo.

Yeremĩa 5:3

Ameso wawe sĩalĩrebaya ekwenene kwehĩ? Wabĩrĩswĩryabo, nĩkwa mobatoloba. Mowahwerekereryabo, nĩkwa mobagana erikungwa. Babĩrĩkalya obũsũ bwabo bo po-po-po kwilaba erĩbwe; babirigana eribinduka nʼerireka ebibi.

Hosea 11:5

Sibendisyasuba omo kihugo kyʼeMĩsĩrĩ; nĩkwa Omũsũrĩa asyabya mwami wabo kusangwa bagana erinyisubako.

Hosea 7:10

Nomo eriyiheka lya Ĩsraelĩ likamuhandikirira; nĩkwa sibetasuba oko Mwami Mukulu, Nyamuhanga wabo, kutse erĩmũsonda-sondya busana nʼebĩ byosĩ.

Amosĩ 4:6

Omwami Mukulu ati, Nĩkwa nabiribaha eriera lyʼameno omo mĩyĩ yenyũ yosĩ, nʼobwaga bwʼakalyo aho wenyũ hosĩ; nĩkwa simwetasuba aho nyiri.

Mĩka 6:14

Wasyalya, nĩkwa sĩwendĩsyũgũta; nʼobubi bwawe bwasyabya omo katĩkatĩ kawe; wasyalenga erĩhũmya nĩkwa siwendisyabika; nʼebyo ukabika nasyahabyo oko mũyalĩ.

Hagaĩ 1:6

Mwabiribiba bingi, mwabirigesa bike; mukalya nĩkwa sihali ekyangũgũtya; mũkapũlaya, nĩkwa sihali ekyangahumwa; mukambala, esyongimba, nĩkwa sihali oyũkahũha ndeke; nʼoyukakolera oluhembo akabana obũhĩngĩ erĩhĩrabo omo ngunza ĩtobokĩre.

Hagaĩ 2:17

Monabaswĩrya nʼobuli mũbĩrĩ wʼebyala byenyũ; omo lihunga lyʼerĩhĩsya, nʼekihondo, nʼamatwa, nĩkwa momutanyibindukira, Omwami Mukulu atya.