Amosĩ 4:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Muhere obuhere bwʼeriha ewasĩngya obuli kwʼekĩhamya, mũtũle omwatsi wʼamahere wʼerianza erĩhĩtya, mũtũlaganaye engulu yago. Kusangwa litya mwanzĩre erikola, ĩnywe bana ba Ĩsraelĩ, Omukama, Omwami Mukulu akabũga atya.

Amosĩ 4:5 Iomraidhean Croise

Esyonyimbo 81:12

Kyaleka inahabo erikwama esyonzira syabo esĩkalĩre, Nʼerikola ngoko banzĩre.

Ĩsaya 1:1

Obũlĩme bwa Ĩsaya mugala wa Amosĩ, obo alangira busana nʼeYũda nʼeYerũsalema, omo biro bya Ũzĩa, Yotamũ, Ahazĩ, na Hezekĩa, abami bʼeYũda.

Ĩsaya 1:11

Omwami Mukulu ati, Erikanyirira ryʼamahere wenyũ nĩkĩ ũkwʼĩngye kwehĩ? Bibye bingaho, amahere wʼerĩokererya wʼesyombangale busana nage, nʼebĩsabũ byʼesyonyama sĩnenehĩre. Sinditsemera omusasi wʼesyonume syʼesyonde, kutse owʼehyana hyʼesyombũlĩ, kutse owʼesyombaya.

Yeremĩa 7:10

neryo mukasa nʼerihangana embere syage omo nyũmba eno, eyikahulawa oko lĩna lyage muti, Twabĩrĩlamĩbwa! Imwatoka erikola esyonye esĩ syosĩ kwehĩ?

Yeremĩa 7:9

Mwasyĩba kwehĩ, nʼerĩĩta, nʼerĩsĩngĩra, nʼerĩlahĩrya nʼamabehĩ, nʼeriherera Baalĩ yʼobukwa, nʼerikwama esindi nyamuhanga esyo mũtasĩ,

Hosea 9:1

Uwe Ĩsraelĩ, Sutseme busana nʼeritsema, ngʼebihanda! Kusangwa wabĩrĩsĩngĩra erĩlũa uku Nyamuhanga wawe; wabirianza erĩkondesya oko buli kibuga kyʼengano.

Hosea 9:10

Moneya Ĩsraelĩ ngʼebĩgũma byʼebĩnyũ omo mbwarara; monalangira abotata-kulu wenyũ ngʼamayilula wʼomuti wʼomũtĩnĩ owakatsũka eriheta. Nĩkwa mobasa eBaalĩ-peorĩ, mobayihigula oko kindu kyʼesĩsonĩ, mobabya nye ngʼekyo banzĩre.

Abalawĩ 23:17

Mwasyahũlũkya aho mwĩkere amandu abiri wʼerĩhũnga-hũngya wʼebihanda bibiri byʼomwʼĩkũmĩ byʼekitiri; asyabya wʼeyĩsyano yʼenzelele asyokĩbwa haguma nʼekĩhamya, busana nʼamayilula oko Mwami Mukulu.

Amosĩ 5:21

Ngakwa ebiro bikulu byenyũ byʼobusu, nʼerigana erirya ĩnene lyenyũ, kandi Sinditsemera esyondeko syenyũ sĩbũyĩrĩre.

Amosĩ 5:22

Nomo mwanganyiherera amahere wenyũ wʼerĩokererya, nʼamahere wenyũ wʼengano, sĩndĩendĩsyalĩgago; kandi sĩndĩendĩsyalebya amahere wʼobuholo wʼesyonyama syenyũ sĩnenehĩre.

Matayo 15:9

Nĩkwa bakanyĩramaya buyira. Kusangwa bakakangĩrĩraya amahano wʼabandu nga ni mahamulo wa Nyamuhanga.

Matayo 23:23

Obũlĩge kwĩnywe bakangĩrĩrya bʼEmigambo, nʼAbafarĩsayo, abatebya! Kusangwa mukaha Nyamuhanga ekiguma kyʼomwʼĩkũmĩ kyʼesyonyenyĩ syʼemunanaa, na bĩzarĩ, na jĩra, kandi mwabirireka emyatsi mikulu kwʼaho yʼEmigambo ngʼerĩbanza, nʼeriganyira, nʼeritendiregula. Kumbe mwabirikola emyatsi eyĩ nʼerĩtendĩsĩganĩa ebindi ebyo.

Matayo 6:2

Neryo omugulu ũkahĩtaya, sigubuhe ngubi emuliro wawe, ngʼabakayĩtendereraya ko bakakola omo manyũmba wʼerĩhĩndanamo nʼomo syombalu, bati bapipawe nʼabandu. Kwenene ngababwira nyiti, bawite oluhembo lwabo losĩ.

AbanyaRoma 1:28

Kusangwa bakagana erĩrĩga Nyamuhanga omo bũlengekanĩa bwabo, Nyamuhanga mwalekabo omo bũlengekanĩa bũtsandĩre erikola emyatsi itatolere.