Amosĩ 4:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Mwingire eBetelĩ, mũhalaye, eGĩlĩgalĩ mũkanyaye amalolo; mulete esyohongo syenyũ obuli ngyakya-ngyakya, nʼerĩgabo lyenyũ lyʼerĩkũmĩ obuli biro bisatu.

Amosĩ 4:4 Iomraidhean Croise

Omũgambũlĩ 11:9

Uwe mũlwana, Utsemere obũlwana bwawe, nʼomutima wawe akũtsemesaye omo biro byʼobũlwana bwawe. Ulendere omo syonzira syʼomutima wawe nʼerisonda lvʼameso wawe. Nĩkwa Uminye busana nʼemyatsi eyĩ yosĩ Nyamuhanga asyakuleta okwʼitswerwa.

Ezekĩelĩ 20:39

Omukama Iye Omwami Mukulu ati, Nĩkwa ĩnywe ekihanda kya Ĩsraelĩ, mugende, mukolere obuli mundu esyosanamu siwe, nĩkwa enyũma, mwasyanyihulikirira kwenene, nʼerĩna lyage lĩbũyĩrĩre simwendisyaswatsumalyo omo syonzũnzo syenyũ nʼomo syosanamu syenyũ.

Hosea 12:11

EGĩleadĩ muli ebibi kwehĩ? Kwenene sibegasakĩ; eGĩleadĩ bakahonga esyonume; ega, ebiherero byabo biri nga bilundo byʼamabwe omo mitumo yʼamalima.

Hosea 4:15

Nawe Ĩsraelĩ, nomo wangakola obũmalaya, nĩkwa Suleke Yũda akabana omusango; kandi Simugende eGĩlĩgalĩ, kutse simuhetukire eBetĩ-awenĩ, kutse sĩmũlahĩraye muti, Ngoko Mwami Mukulu aliho.

Hosea 9:15

Ebibi byabo byosĩ biri eGĩlĩgalĩ; kwenene eyo monakwabo obusu! Busana nʼobubi bwʼemikolere yabo nasyahigabo balũe omo nyũmba yage; sindiendisyanzabo kandi; abanya-mwami babo bosĩ nĩ bahonĩ.

Amosĩ 3:14

Kusangwa oko kiro ekyo nasyasuyira amalolo wa Ĩsraelĩ, nibya nasyasuyira ebiherero byʼeBetelĩ; nʼamahembe wʼekiherero asyatũbwa, nʼeriwa oko kitaka.

Amosĩ 5:5

Nĩkwa sĩmũsonda-sondaye eBetelĩ, kutse simwingire eGĩlĩgalĩ, kutse simulabe eBerĩ-seba; kusangwa kwenene eGĩlĩgalĩ yasyaya omo bunyegwa, nʼeBetelĩ yasyabya buyira.

Matayo 23:32

Neryo mũsũlaye olulengo lʼomusango lwʼabotata wenyũ.

Matayo 26:45

Neryo mwasuba oko biga, mwabwirabo ati, Mukineto, mukinauhuka kwehĩ? Lebaya! Endambĩ yamahĩka, nʼomugala wʼomundu akahĩrawa omo byala byʼabandu babi.

Mariko 14:41

Kandi mwasa engendo yʼakasatu, neryo mwabũlyabo ati, Mukinagotsere nʼeriluhuka kwehĩ? Bingaho. Endambĩ yamahĩka. Lebaya! Omugala wʼomundu akahoterawa omo byala byʼabakola-nabi.

Mariko 5:5

Omo kiro nʼomo musibo iniakalendera oko sisinda nʼoko bitwa, iniakayibirikirako nʼerĩyĩhũtangalya omo mabwe.

Eryibuka Ebihano 26:12

Neryo omugulu mwamabibuga eririha ekiguma kyʼomwʼĩkũmĩ kyʼerikanyirira lyosĩ ryawe oko mwaka wʼakasatu, oyo ni mwaka wʼeribana ekiguma kyʼomwʼĩkũmĩ, neryo mwasyahakyo oko Mũlawĩ, nʼoko wʼehandi, nʼoko ngũbĩ, nʼoko mũkwakalĩ, ibatoka erirya omo muhana wenyũ nʼerĩũgũta.