Amosĩ 3:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Omo katĩkatĩ kʼebĩtũnga byosĩ byʼekihugo ĩnywebene ĩngye munawite; busana nʼekyo ngabasuyira oko bibi byenyũ byosĩ.

Amosĩ 3:2 Iomraidhean Croise

Enzũko 10:32

Ebĩ nĩ bĩtũnga byʼabagala ba Noa, ngʼesyondengo syabo, omo bihanda byabo, Nĩkwa ebihanda mobyagabirwa omo kihugo enyũma wʼerigunga.

Enzũko 18:19

Kwenene nabiriyisogaye iniatoka erihana abana buwe nʼenyũmba yiwe enyũma siwe, ĩbateya enzira yʼOmwami Mukulu erikola ekitunganene nʼeritswera eritunganene. Neryo Omwami Mukulu atoke eriretera Abrahamũ yʼebyo amulaga.

Esyonyimbo 147:19

Akaha Yakobo ekĩnywa kiwe, Akaha Ĩsraelĩ ebihano biwe nʼemigambo yiwe.

Erĩlũayo 32:34

Na lino ugende, usondole abandu bʼaho nabirikubwira. Lebaya, omũlaĩka wage akandigenda embere syawe; nĩkwa oko kiro kyʼerisuyira, nasyasuyirabo busana nʼebibi byabo.

Ĩsaya 63:19

Twabiribya ngʼabandu ute watatabalako na kera, ngʼabandu abatahulawa omo lĩna lyawe.

Yeremĩa 1:15

Kusangwa, Omwami Mukulu ati, Lebaya, nasyabirikira ebĩtũnga byosĩ byʼamami wʼelutambi lwʼendata. Nabo basyahĩra obuli mundu ekĩtũmbĩ kiwe kyʼobwami aho esyongyo sikingira eYerũsalema nʼoko syombĩmbo syago oko mbande syosĩ, nʼoko mĩyĩ yosĩ ya Yũda.

Yeremĩa 10:25

Gũtũlĩre erihitana lyawe oko bihanda bĩtakwasĩ, nʼoko bĩtunga byʼabandu abatiahula erĩna lyawe. Kusangwa babiribuga Yakobo, ega, babĩrĩmwĩta, babirimubuga, nʼeriyira ahʼerĩĩkala liwe mo mulala.

Yeremĩa 11:22

Busana nʼekyo Omwami Mukulu wʼemilondo ati, Lebaya, nasyasuyirabo! Abalwana basyahola omo mũyalĩ. Abagala nʼabali basyahola omo nzala,

Yeremĩa 13:21

Wasyabũga ũtĩkĩ omugulu asyahĩra abĩra bawe endata kuwe ngʼabatabalĩ bawe abo wakangĩrĩraya kwehĩ? Amagalĩ asyakuhamba ngʼawʼomũkalĩ oyukakunda.

Yeremĩa 14:10

Omwami Mukulu akabũga nʼabandu aba ati, Bakanza eriganga-ganga batya. Sĩbetakakĩrya ebisando byabo. Busana nʼekyo Omwami Mukulu sĩalĩrĩgabo. Lino akandisyibuka ebibi byabo, nʼerisuyira ebibi byabo.

Yeremĩa 9:25

Omwami Mukulu ati, Lebaya, ebiro bikasa, nasyasuyira abosĩ babanĩbawa nĩkwa sibabwene:

Ezekĩelĩ 5:9

Kandi nasyakukolera ekyo ndakukolera kera, kandi sindiendisyaswakola ekiri ngʼekyo, busana nʼesyonye syawe yosĩ.

Ezekĩelĩ 9:6

Mwĩte ndeke abasyakulu nʼabalwana, nʼabambesa, nʼabana balere nʼabakalĩ, nĩkwa sĩmũtũle oko mundu oyuwite ekiminyikalo. Kandi mwasyatsũka ahabũyĩrĩre hage. Neryo mobatsũka oko bakulu ababya embere syʼeHekalũ.

Danĩelĩ 9:12

Naye abĩrĩberererya ebĩnywa biwe ebyo atubambirako, nʼeribambira abatabalĩ betu, abatutabalako, nʼerituletera obũlĩge bunene. Kusangwa eyĩkwa oko matũkũ gosĩ Sihehatakolwa mwatsi ngʼowamakolwa oko Yerũsalema.

Hosea 2:13

Nasyamusuyira busana nʼebiro bya Baalĩ oyo ahĩsĩraya obukwa, omugulu ayisitika omo syombũka siwe syʼamatwĩ nʼobusanga buwe, nʼeriyakwamirira abaragane buwe, kyaleka inianyibirirwa, Omwami Mukulu atya.

Hosea 5:3

Nyĩnasĩ Efũraĩmũ, na Ĩsraelĩ sĩalĩbĩsama ũkwʼĩngye kusangwa Uwe lino, Efũraĩmũ, wabirikola obũmalaya, Ĩsraelĩ abĩrĩyĩtsandya.

Hosea 8:13

Nĩkwa amahongo wʼamahere wage, bakahonga esĩswĩ ibalyasyo; nĩkwa Omwami Mukulu sĩalĩrĩgasyo; lino akandisyibuka ebibi byabo, nʼerisuyirabo busana nʼebibi byabo; basyasuba eMĩsĩrĩ.

Hosea 9:9

Babĩrĩyĩtsandya kutsibu, ngʼomo biro bya Gĩbea; Nyamuhanga asyibuka ebibi byabo, asyasuyira amalolo wabo.

Amosĩ 2:4

Omwami Mukulu akabũga ati, Busana nʼamalolo asatu wʼeYũda, ega, busana nʼawani, sindiendisyakakĩrya erisuyira lyako, kusangwa babirigana emigambo yʼOmwami Mukulu, kandi sĩbetateya emigambo yiwe, nʼamabehĩ wabo abĩrĩtalyabo, amabehĩ, ebyo abotata-kulu wabo bakwama.

Amosĩ 3:3

Ababiri banganalendera haguma batalagene kwehĩ?

Amosĩ 6:1

Obũlĩge oko bakayĩsyandira eSĩonĩ, nʼoko bandu bĩkere buholo omo kitwa kyʼeSamarĩa, abandu abaminyikere ni bakulu bʼekihanda kĩlabĩre ebindi, abo ekihanda kya Ĩsraelĩ kĩkahĩkako.

Mĩka 2:3

Busana nʼekyo, Omwami Mukulu ati, Lebaya, ngategeka ekibi busana nʼekĩtũnga ekĩ, busana nakyo simwendisyatoka eribala, kutse simwendisyalendera nʼeriyiheka; kusangwa asyabya mugulu mubi.

Nahũmũ 3:4

Busana nʼobungi bʼoluteto lʼomũmalaya omubuya oyũ, omũkalĩ wʼamalagu, oyũ kagũlaya ebihanda omo bũtetĩ buwe, nʼerĩgulya ebĩtũnga busana nʼamalagu wuwe.

Emibiri 17:26

Kandi omo mundu muguma mwahangika ebihanda byosĩ byʼabandu erĩĩkala omo kihugo ehosĩ. Kandi mwasoha emigulu yabo, nʼemitano yʼobwĩkalo bwabo.

AbanyaRoma 2:9

Hasyabya eriagalwa nʼobũlĩge oko buli mundu oyukakola ebibi, erĩtsũka oko Bayũda, nʼakandi oko mundu wʼebindi Bihanda.

1 AbanyaKorinto 8:3

Nĩkwa omundu oyo wanzĩre Nyamuhanga, Nyamuhanga abirimuminya ndeke.

Eryibuka Ebihano 10:15

Nĩkwa Omwami Mukulu mwatsemera abotata-kulu wawe erianzabo, kandi mwayisoga ĩnywe bana babo enyũma kubo, kwilaba ebihanda byosĩ, ko kine kitya mũnabwĩre.

Eryibuka Ebihano 26:18

NʼOmwami Mukulu abiriyisinga nywe mũnabwĩre eribya bandu buwe, enzĩgalya yiwe yʼebindu biwe ngoko abiribalaga, kandi ati mwangateya ebihano biwe byosĩ;

Eryibuka Ebihano 32:9

Kusangwa erĩgabo lyʼOmwami Mukulu ba bandu buwe; Yakobo nĩ ʼgabo lyʼomwandu wuwe.

Eryibuka Ebihano 4:32

Kusangwa mũbũlaye lino busana nʼebiro ebyabirilaba, ebyabya embere syawe, erĩtsũka ekiro ekyo Nyamuhanga ahangika omundu muna-kihugo, mũbũlaye oko ndũlĩ nguma yʼelubula erĩhĩka oko yindi. Habirikolwa omwatsi munene ngʼoyũ kwʼali, kutse kwanowĩrwe ekĩsosĩrego, kwehĩ?

Eryibuka Ebihano 7:6

Kusangwa uli kihanda kĩbũyĩrĩre oko Mwami Mukulu Nyamuhanga wawe; Omwami Mukulu Nyamuhanga wawe abiriyisoga we eribya kihanda kiwe-kiwe kwilaba ebihanda byosĩ ebiri omo kihugo.

1 Petero 4:17

Kusangwa omugulu wʼeritswera abandu ba Nyamuhanga abĩrĩhĩka. Neryo eritswera eryo lyamatsũka ũkwʼĩtwe, endũlĩ yʼabandu abatetsomana Engulu Yowene ya Nyamuhanga yasyabya yiti kwehĩ?