Amosĩ 3:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Busana nʼekyo Omukama, Omwami Mukulu akabũga ati, Enzĩgũ, eyĩkatĩmba oko kihugo; yasyakũtoya kwʼamaka wawe, nʼebikali byawe byasyahũngwa.

Amosĩ 3:11 Iomraidhean Croise

Enzũko 34:27

Neryo abandi bagala ba Yakobo mobasa eriya embũlũlĩ, mobahũnga omũyĩ, kusangwa batsandaya mwali wabo.

2 Abami 15:19

Neryo Pũlĩ omwami wʼeAsũrĩa mwasa nʼerilwa nʼekihugo ekyo; na Menahemũ mwaha Pũlĩ yʼesyotalanta syʼekĩtsĩpa elfu nguma (1,000), amũwatĩkaye erĩsĩkya obwami omo byala biwe.

2 Abami 15:29

Omo biro bya Peka omwami wa Ĩsraelĩ, Tĩglatĩ-pĩleserĩ omwami wʼeAsũrĩa mwasa, mwahũnga eĨyonĩ, nʼeAbelĩbetĩ-maka, nʼeYonoa, nʼeKedesĩ, nʼeHazorĩ, nʼeGĩleadĩ, nʼeGalĩlaya, ekihugo kyosĩ kya Nafũtalĩ, mwatwalabo mo banyegwa eAsũrĩa.

2 Emyatsi yʼEmigulu 36:19

Neryo mobahĩsya enyũmba ya Nyamuhanga, kandi mwasambula ekikunda kyʼeYerũsalema, mobahĩsya amanyũmba awakongotere waho omo muliro, kandi mwaherya ebindu byako bibuya byʼobũgũlĩ bunene byosĩ.

Yobũ 20:21

Sihetasaka nʼekiguma ekyo angalya; Busana nʼekyo erigasa liwe siryendisyakota.

Amosĩ 2:5

Nĩkwa nasyatuma omuliro oko Yũda, nago asyatogotya ebikali byʼeYerũsalema.

Amosĩ 3:10

Omwami Mukulu ati, Nĩkwa sĩbasĩ erikola eritunganene, abakabika omwaga nʼobũrahĩ omo bikali byabo.

Amosĩ 3:15

Omukama, Omwami Mukulu akabũga ati, Nasyaswĩrya enyũmba yʼomugulu wʼeritsuku nibya nʼenyũmba yʼomugulu wʼeryuba; nʼamanyũmba wʼameno wʼesyonzogũ asyahera, nʼamanyũmba manene manene asyahwaho.

Amosĩ 6:14

Kusangwa Omwami Mukulu, Nyamuhanga Wʼemilondo akabũga ati, Ĩnywe nyũmba ya Ĩsraelĩ, lebaya, nasyahanganĩa ekihanda kyʼerilwa nenyũ; nakyo kyasyabanũbya-nũbya erĩtsũka ahʼeriingira hʼeHamatĩ erĩhĩka oko kũsĩ kʼeAraba.

Amosĩ 6:8

Omukama, Omwami Mukulu abĩrĩyĩlahĩryako, Omwami Mukulu, Nyamuhanga Wʼemilondo ati, Ngakwa obubuya bwa Yakobo bo nye, kandi ngakwa ebikali biwe byʼobusu; busana nʼekyo nasyahotera omũyĩ nʼebyosĩ birimo.