Amosĩ 2:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Abakahumayirira olũtũtũ lwʼekitaka oluli oko mitwe yʼabera, kandi nʼerĩkĩtya enzira yʼabandu bolo; nʼomundu na tata wuwe bakasĩngĩra omwana-muto muguma, busana nʼeritsuma erĩna lyage lĩbũyĩrĩre.

Amosĩ 2:7 Iomraidhean Croise

2 Samwelĩ 12:14

Nĩkwa, busana nʼerikola ekĩ, wabiriha esyonzĩgũ syʼOmwami Mukulu syʼomwanya munene wʼeritsuma, omwana oyo asyakubutira asyahola kwenene.

1 Abami 21:4

Neryo Ahabũ mwaya omo nyũmba yiwe ĩnĩanaswekĩre ĩsĩatsemĩre busana nʼekĩnywa ekyo Nabotĩ Omũyezreelĩ amubwira; kusangwa abya abĩrĩbũga ati, Sindiendikuha omwandu wʼabotata-kulu bage. Neryo mwagotsera oko ngyingo yiwe, mwahindula obũsũ buwe, mwagana erirya akalyo.

Emĩsyo 28:21

Erisombola ebitaga Sĩryowene; Kutse omundu ĩsĩahalaya busana nʼekitole kyʼobundu.

Ĩsaya 10:1

Obũlĩge oko bandu abakahamula emigambo mibi, nʼabandu abakasaka eritswera eritatunganene,

Ĩsaya 10:2

abakakaga abʼobwaga erĩbanza litunganene, nʼerinyega abera bʼabandu bage erĩsĩngana lyabo, bati abakwakalĩ babye banyegwa babo, ibatoka erĩhũnga esyongũbĩ!

Ĩsaya 3:14

Omwami Mukulu asyatswera abakulu bʼabandu buwe, nʼabanya-mwami babo. Nĩnywe mwalya eririma lyʼebĩnyũ. Eminyego yʼabera iri omo manyũmba wenyũ.

Ĩsaya 3:15

Mũtĩkĩ, muti mũkahĩnola abandu bage, nʼerigoga obũsũ bwʼabera kwehĩ? Omukama Omwami Mukulu wʼemilondo atya.

Ezekĩelĩ 22:11

Nʼomuguma abirikola esyonye haguma nʼomũkalĩ wa mũlĩkyabo, nʼogundi abĩrĩtsandya muka mugala. Nʼogundi ewawe abirihemula mwali wabo, mwali wa tata wuwe.

Ezekĩelĩ 36:20

Nʼomugulu bahĩka oko bihanda eyo baya, mobatsuma erĩna lyage lĩbũyĩrĩre, kusangwa abandu mobabũga busana nabo bati, Aba ni bandu bʼOmwami Mukulu, babĩrĩlũa omo kihugo kiwe.

Hosea 4:14

Sindiendisyasuyira abana-bato benyũ omugulu bakakola obũmalaya, kutse abaherũkĩ benyũ omugulu bakateta; kusangwa abalume ĩbobene bakayisolola haguma nʼabatetĩ, kandi bakahonga mahere haguma nʼabamalaya; nʼabandu bateminya basyaherĩbwa.

Abalawĩ 18:15

Susyeswikula endũmbũ ya mwalĩana wawe; iye nĩ mũkalĩ wa mugala wawe; susyeswikula endũmbũ yiwe.

Abalawĩ 18:21

Susyeha abana bawe uku Molekĩ erĩlabyabo omo muliro; kutse Susyetsuma erĩna lya Nyamuhanga wawe. Ĩngye indi Mwami Mukulu.

Abalawĩ 18:8

Susyeswikula endũmbũ yʼomũkalĩ wa tata wawe nĩ ndũmbũ ya tata wawe.

Abalawĩ 20:3

Nage nasyahĩnĩrya omundu oyo yʼobũsũ bwage, nage nasyamũlũsya omo bandu buwe; kusangwa abiriha abana buwe uku Molekĩ, erĩtsandya ahʼerĩĩkala hage, nʼerĩtsandya erĩna lyage lĩbũyĩrĩre.

Amosĩ 4:1

Mowe ekĩnywa ekĩ, ĩnywe nde syʼeBasanĩ esiri omo bitwa byʼeSamarĩa, abakanũbaya abera, abakalyata oko bera, abakabũga nʼabĩbabo bati, Mulete, tũpũlaye!

Amosĩ 5:11

Busana nʼekyo mũkalĩhĩsaya engemu yʼengano; mwabĩrĩhĩmba amanyũmba wʼamabwe awabatsĩre nĩkwa sĩmwendĩsyĩkala mugo; mwabirihera amalima wʼebĩnyũ wʼerĩtsemesya, nĩkwa sĩmwendĩsyapũlya ebĩnyũ byago.

Amosĩ 5:12

Kusangwa nyĩnasĩ obungi bwʼamalolo wenyũ, nʼebibi byenyũ ko biri bitsibu, ĩnywe mũkanũbaya abatunganene, nʼerĩĩmya esigulo, kandi mukahiga abera omo lũkyo.

Amosĩ 8:4

Mowe ekĩ, ĩnywe mukalyatanga abʼobwaga, nʼeribuga abolo bʼekihugo,

Mĩka 2:2

Bakarumawa oko malima, ĩbakahũngago; nʼamanyũmba, ibakatwalago; kandi bakanũbaya omundu nʼenyũmba yiwe, omundu nʼomwandu wuwe.

Mĩka 2:9

Abakalĩ bʼabandu bage, mukahigirabo eyĩhya erĩlũa obuli mundu oko nyũmba yiwe ĩyowene. Mũkalũsaya olukengerwa lwage oko bana babo balere busana na kera na kera.

Zefania 3:3

Abanya-mwami buwe abali omo katĩkatĩ kago ni ndale esikaruruma; abatswerĩ bago ni mbwa syʼomolĩ syʼerĩgolo-golo, sĩsyesĩganaya ekindu busana nʼengyakya-ngyakya.

AbanyaRoma 2:24

Kusangwa kĩsakĩre kiti, Erĩna lya Nyamuhanga likatsumawa omo katĩkatĩ kʼEbihanda, busana nenyũ Abayũda.

1 AbanyaKorinto 5:1

Abandu balĩmũbũga bati, hali erĩsĩngĩra omo katĩkatĩ kenyũ, eryo mũsĩndo owakalĩre kwilaba oluteto losĩ lwʼabandu bʼEbihanda. Bati, omundu abĩrĩmya me-mulere wuwe!