Amosĩ 2:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Omwami Mukulu ati, Kandi nĩna ngye nibya nabĩrũkaya erĩbalũsya omo kihugo kyʼeMĩsĩrĩ, monabasondola emyaka makũmĩ ani omo mbwarara, erĩsĩgalya ekihugo kyʼOmũamorĩ.

Amosĩ 2:10 Iomraidhean Croise

Nehemĩa 9:21

Ega, mowahambirirabo emyaka makũmĩ ani omo mbwarara, mobatabula kindu; esyongimba syabo mositakula, nʼebisando byabo mobĩtabĩmba.

Esyonyimbo 95:10

Omo myaka makũmĩ ani monakwa abandu abo bo nye, Monabũga nyiti, Ni bandu bakatala ebiro byosĩ omo mitima yabo sibetaminya esyonzira syage!

Erĩlũayo 12:51

Neryo oko kiro ekyo kisa-kisa, Omwami Mukulu mwalũsya abana ba Ĩsraelĩ omo kihugo kyʼeMĩsĩrĩ omo milondo yabo.

Erĩlũayo 20:2

Ĩngye indi Mwami Mukulu Nyamuhanga wawe, oyo wakũlũsaya omo kihugo kyʼeMĩsĩrĩ, erĩlũa omo nyũmba yʼobukobe.

Erĩlũayo 3:8

Nage nabĩrĩkĩma erĩlamyabo omo byala byʼAbanya Mĩsĩrĩ, erĩlũsyabo omo kihugo ekyo, erĩhĩka omo kihugo kyowene kinene, omo kihugo ekyoswĩre mwʼamasabũ nʼobuki; ahali Omunya Kanana, nʼOmũhĩtĩ, nʼOmũamorĩ, nʼOmũperĩzĩ, nʼOmũhĩvĩ, nʼOmũyebũsĩ.

Yeremĩa 2:6

Kutse sĩbetabũga bati, Omwami Mukulu ali hahi, oyo watũlũsaya omo kihugo kyʼeMĩsĩrĩ kwehĩ, oyo watusondola omo bwerere, omo kihugo kyʼembwarara nʼekyʼamahya, omo kihugo kyʼenyota nʼekyʼekyũtsũtsũ kyʼo­luholo, omo kihugo ekitelaba mo mundu, nʼahatĩkala mundu kwehĩ?

Ezekĩelĩ 20:10

Ko nalũsayabo nyitya omo kihugo kyʼeMĩsĩrĩ, nʼeriretabo omo mbwarara.

Amosĩ 3:1

Mowe ekĩnywa ekĩ, Omwami Mukulu abĩrĩbũga erilwa nenyũ, ĩnywe bana ba Ĩsraelĩ, erilwa nʼekĩtũnga kyosĩ ekyo nalũsaya omo kihugo kyʼeMĩsĩrĩ, nyiti;

Amosĩ 9:7

Omwami Mukulu ati, Ĩnywe bana ba Ĩsraelĩ, Simuli ũkwʼĩngye ngʼabana bʼeEtĩopĩa kwehĩ? Mondalũsya Ĩsraelĩ yʼomo kihugo kyʼeMĩsĩrĩ, nʼAbafĩlĩstĩnĩ eKafũtorĩ, nʼAbasũrĩa eKĩrĩ kwehĩ?

Mĩka 6:4

Kwenene nabalũsaya omo kihugo kyʼeMĩsĩrĩ, monabatongolya erĩlũa omo nyũmba yʼomũlĩkĩ; monatuma Musa, na Harũnĩ, na Mĩrĩama embere syenyũ.

Emiganzo 13:32

Mobaletera abana ba Ĩsraelĩ bʼengulu nyibi yʼekihugo ekyo bayalinga, bati, Ekihugo ekyo twalabamo eriringakyo, ni kihugo kikalya esyondũlanĩ syamo; nʼabandu bosĩ twalolako mukyo, ni bandu bali-bali kutsibu.

Emiganzo 21:25

NʼAbaĩsraelĩ mobĩmya emĩyĩ yosĩ eyĩ; kandi Abaĩsraelĩ mobĩkala omo mĩyĩ yosĩ yʼAbaamorĩ, omo Hesĩbonĩ, nʼomo mĩyĩ yabo yosĩ.

Emiganzo 32:13

Nʼerihitana lyʼOmwami Mukulu molyagulumira uku Ĩsraelĩ, neryo mwaganga-gangyabo omo mbwarara emyaka makũmĩ ani, erĩhĩka aho lulengo olwakola nabi omo meso wʼOmwami Mukulu lwatĩndĩra.

Emibiri 13:18

Neryo omo myaka makũmĩ ani mwalemberabo omo mbwarara.

Emibiri 7:42

Nĩkwa Nyamuhanga mwalũa kubo, mwalekabo ĩbakaramaya esyongũnũnũ syʼekyanya; ngoko kĩsakĩre omo kitabu kyʼabamĩnyererĩ kiti, Abandu ba Ĩsraelĩ! Mwaherera amahere ayo nʼesyohongo ũkwʼĩngye, kwehĩ? Emyaka makũmĩ ani omo mbwarara.

Eryibuka Ebihano 1:39

Kandi abana benyũ, abo mwahula muti, Basyabya banyegwa, nʼabana benyũ, abatawite menge mũnabwĩre eriminya ekibuya kutse ekibi, basyingirayo, bo ngasyahakyo, nabo basyasĩgalyakyo.

Eryibuka Ebihano 2:7

Kusangwa Omwami Mukulu Nyamuhanga wenyũ abiribatsumula omo byosĩ mwabirikola. Abiriminya olugendo lwenyũ omo mbwarara nene eyĩ. Emyaka makũmĩ ani eyĩ Omwami Mukulu Nyamuhanga wenyũ mwabya nenyũ; simulitabula kindu.

Yosũa 13:4

oko lutambi lwʼeyĩkwa; ekihugo kyosĩ kyʼAbakanana, nʼeMeara ekyabya kyʼAbasĩdonĩ, erĩhĩka eAfekĩ, erĩhĩka oko mutano wʼAbaamorĩ;

Yosũa 24:8

Kandi monabaleta omo kihugo kyʼAbaamorĩ, ababya bĩkere eyisirya wʼeYorodanĩ; nabo mobalwa nenyũ; nage monahĩrabo omo byala byenyũ, nenyũ momwasĩgalya ekihugo kyabo, omugulu naherayabo embere syenyũ.