Amosĩ 1:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Omwami Mukulu akabũga ati, Nasyabũna engomo yʼeDamasekĩ, nasyĩtĩra esyondũlanĩ syʼomo musya wʼeAwenĩ nasyĩta oyuwite oko mũtso wʼobwami erĩlũa omo kĩtũnga kyʼeEdenĩ; nʼabandu bʼeSũrĩa basyaya omo bunyegwa eKĩri.

Amosĩ 1:5 Iomraidhean Croise

2 Abami 14:28

Neryo eyindi mĩbĩrĩ ya Yeroboamũ, nʼebyosĩ akola, nʼamaka wuwe, ngoko alwa, kandi ngoko asũbaya oko Ĩsraelĩ eDamasekĩ nʼeHamatĩ, eyabya oko Yũda erĩmbere, sĩbĩsakĩre omo kitabu kyʼemyatsi yʼabami ba Ĩsraelĩ kwehĩ?

2 Abami 16:9

Nʼomwami wʼeAsũrĩa mwamowa; kandi omwami wʼeAsũrĩa mwahetukira eDamasekĩ, mwahũngago, mwaheka bandu bako mo banyegwa erĩhĩka eKĩri, neryo mwĩta Rezĩnĩ.

Ĩsaya 22:6

Na Elamũ mwaheka ekikeba kyʼemisoha haguma nʼesyogalĩ nʼabandu, nʼabandu abali oko syosabayĩrĩ; na Kĩrĩ mwaswikula engabo.

Ĩsaya 43:14

Omwami Mukulu, Omũtongolya wenyũ, Oyũbũyĩrĩre wʼeĨsraelĩ ati, Busana nenyũ nabiritumira eBabelĩ, kandi nasyandagalĩryabo abosĩ ngʼabasayĩ, ibo Abakaldea, omo mato wabo bakatsemera.

Ĩsaya 8:4

Kusangwa omwana oyo asyabya ate aminya erĩbũga ati, Tata wage, na Koyo wage, ebindu byʼeDamasekĩ nʼeminyego yʼeSamarĩa byasyahekerwa embere syʼOmwami wʼeAsũrĩa.

Yeremĩa 50:36

Omũyalĩ akalwa nʼabamĩnyererĩ bʼamabehĩ, nabo basyabya bakĩrũ. Omũyalĩ ali oko mbangi siwe, nabo basyakwa.

Yeremĩa 51:30

Esyombangĩ syʼeBabelĩ syabĩrĩũmbya oko malwa, bĩkere ahakongotere habo. Amaka wabo abirihwa, bakabya ngʼabakalĩ. Aho bĩkere habiriaka omuliro. Emĩkangĩ yiwe yʼesyongyo yabĩrĩbũnangika.

Ekiriro 2:9

Esyongyo syamatsikira omo kitaka, Abĩrĩherya nʼeritulanga emĩkangyĩ yako. Omwami wako nʼabanya-mwami bako bali omo katĩkatĩ kʼebihanda. Emigambo siyikiri. Kandi abamĩnyererĩ bako sibebana erilota lĩkalũa oko Mwami Mukulu.

Ezekĩelĩ 27:23

Haranĩ na Kane, na Edenĩ, abatũndĩ bʼeSeba, na Asũrĩ, na Kĩlamadĩ, mobatunda haguma nawe.

Ezekĩelĩ 30:17

Nʼabalwana ba Awenĩ nʼabʼePĩbesetĩ basyawa omo mũyalĩ, nʼabakalĩ basyaya omo bunyegwa.

Hosea 10:8

Nʼahʼendata hʼeAwenĩ nibya, bye bibi bya Ĩsraelĩ, hasyaherĩbwa; emisakisaki nʼamatolũ byasyalasa oko maherero wabo; nabo basyabwira ebitwa bati, Mutuswike! Nʼoko hitwa bati, Mututerereko!

Amosĩ 5:5

Nĩkwa sĩmũsonda-sondaye eBetelĩ, kutse simwingire eGĩlĩgalĩ, kutse simulabe eBerĩ-seba; kusangwa kwenene eGĩlĩgalĩ yasyaya omo bunyegwa, nʼeBetelĩ yasyabya buyira.

Amosĩ 9:7

Omwami Mukulu ati, Ĩnywe bana ba Ĩsraelĩ, Simuli ũkwʼĩngye ngʼabana bʼeEtĩopĩa kwehĩ? Mondalũsya Ĩsraelĩ yʼomo kihugo kyʼeMĩsĩrĩ, nʼAbafĩlĩstĩnĩ eKafũtorĩ, nʼAbasũrĩa eKĩrĩ kwehĩ?

Nahũmũ 3:13

Lebaya, abandu bawe omo katĩkatĩ kawe nĩ bakalĩ; esyongyo syʼekihugo kyawe sĩkĩngwĩrwe ndeke oko syonzĩgũ syawe; omuliro akalya esyongomo syʼesyongyo syawe.