Abatswerĩ 8:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Nĩkwa Zeba na Salmũna babya eKarkorĩ, haguma nʼabasĩrĩkanĩ babo, abandu nga elfu ĩkũmĩ nʼĩtanu (15,000), abosĩ abasaka oko basĩrĩkanĩ bʼabandu bʼendata; kusangwa mohawa bandu abakakula omũyalĩ elfu erĩgana nʼamakũmĩ abiri (120,000).

Abatswerĩ 8:10 Iomraidhean Croise

2 Abami 3:26

Nʼomugulu omwami wʼeMoabũ alangira amalwa kwʼamamukalako, mwatwala abalume amagana alinda abakakula emĩyalĩ ati akahĩka oko mwami wʼeEdomũ; nĩkwa mobataluka.

2 Emyatsi yʼEmigulu 13:17

Na Abĩya nʼabandu buwe mobakĩndabo nʼerĩĩta lĩnene; kyaleka abalume abayisogawa ba Ĩsraeli ĩbakwa elfu magana atanu (500,000).

2 Emyatsi yʼEmigulu 28:6

Kusangwa Peka mugala wa Remalĩa mwĩta ekiro kiguma elfu erĩgana nʼamakũmĩ abiri (120,000) eYũda, abosĩ esyombangi; kusangwa ĩbabĩrĩsĩganĩa Omwami Mukulu, Nyamuhanga wʼabotata wabo.

2 Emyatsi yʼEmigulu 28:8

Nʼabana ba Ĩsraelĩ mobahũnga oko bagala babo elfu magana abiri (200,000), abakalĩ, nʼabagala nʼabali, kandi mobahũnga kubo obunyegwa nibya, mobaleta obunyegwa obo eSamarĩa.

Ĩsaya 37:36

Neryo omũlaĩka wʼOmwami Mukulu mwahuluka, mwĩta elfu erĩgana nʼamakũmĩ munani nʼesĩtanu (185,000) omo kilaliriro kyʼAbaasũrĩa. Omugulu abandu babuka omo ngyakya-ngyakya, lebaya abosĩ ibabiribya bĩnda.

Ĩsaya 9:4

Kusangwa wasyabũnanga engomo yʼomuheke wuwe, nʼengonĩ oko bitigo byabo, nʼomũtso wʼomũnũbya wabo ngʼebiro byʼamalwa wʼeMĩdĩanĩ.

Abatswerĩ 20:15

Abagala ba Benyamĩna mobaganzwa ekiro ekyo abalũa omo mĩyĩ elfu makũmĩ abiri nʼendatu (26,000) abakaheka omũyalĩ, esyondũlanĩ syʼeGĩbea siteko, abaganzawa mo bandu magana alinda (700) abayisogawa.

Abatswerĩ 20:17

Nʼabalume ba Ĩsraelĩ, Ababenyamĩna bateko, mobaganzwa balume elfu magana ani (400,000) abakaheka emĩyalĩ; abosĩ aba babya bandu bʼamalwa.

Abatswerĩ 20:2

Nʼabakulu bʼabandu bosĩ, abʼebihanda byosĩ bya Ĩsraelĩ, mobayĩkanganĩa omo ndeko yʼabandu ba Nyamuhanga, abasĩrĩkanĩ abakagenda omo bisando elfu magana ani (400,000) abaheka omũyalĩ.

Abatswerĩ 20:25

Na Benyamĩna mwahuluka erĩlũa eGĩbea eriyalwa nabo oko kiro kyʼakabiri, mwalalikabo kandi oko kitaka omo bana ba Ĩsraelĩ elfu erĩkũmĩ nʼomunani (18,000); abandu bosĩ aba babya bakaheka emĩyalĩ.

Abatswerĩ 20:35

NʼOmwami Mukulu mwĩta Benyamĩna embere sya Ĩsraelĩ; kyaleka abagala ba Ĩsraelĩ ĩbĩta omo Babenyamina ekiro ekyo elfu makũmĩ abiri nʼĩtanu nʼerĩgana (25,100), abosĩ aba babya abakaheka emĩyalĩ.

Abatswerĩ 20:46

Neryo abosĩ ba Benyamĩna abawa ekiro ekyo babya elfu makũmĩ abiri nʼĩtanu (25,000) abalume abakaheka emĩyalĩ; abosĩ aba babya mbangĩ syʼamalwa.

Abatswerĩ 6:5

Kusangwa mobasa haguma nʼesyonde syabo nʼamahema wabo; mobasa ngʼesyongĩke busana nʼobungi bwabo; ibo nʼesyongamia syabo ini butaganzika. Mobasa omo kihugo eriheryakyo,

Abatswerĩ 7:12

NʼAbamĩdĩanĩ nʼAbaamalekĩ nʼabandu bosĩ bʼekihande lwʼendata ibanagotsere omo musya ngʼesyongĩke omo bungi bwabo. Nʼesyongamia syabo syabya butaganzika, ngʼemisege oko mũsĩke wʼengetsi omo bungi bwasyo.

Abatswerĩ 7:13

Nʼomugulu Gĩdeonĩ ahĩka, lebaya, habya omundu oyũkakanĩraya mũlĩkyabo erilota liwe; ati, Lebaya, monalotĩre esyonzolĩ; neryo lebaya, akatole kʼobundu bwʼekisusu mokakumbagala omo ndwiro yʼAbamĩdĩanĩ, mokahĩka oko hema, mokaswĩryayo nayo moyatera, kandi mokabindulayo, moyayisanza ahisi.

Abatswerĩ 7:22

Nʼomugulu babuha esyongubi magana asatu (300), Omwami Mukulu mwahĩra omũyalĩ wʼobuli mundu eribindukira mũlĩkyabo, omo basĩrĩkanĩ bosĩ; nʼabasĩrĩkanĩ mobatibita erĩhĩka eBetĩsĩta ebwanga bwʼeZerera, erĩhĩka oko mutano wʼeAbelĩ-mehola, hakũhĩ nʼeTabata.

Abatswerĩ 8:11

Kandi Gĩdeonĩ mwahetuka omo nzira yʼabandu ababya bĩkere omo mahema ebwanga bwʼendata bwʼeNoba nʼeYogĩbeha, kandi mobabambira endwiro, omugulu endwiro ĩtasĩ.