Abatswerĩ 7:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Neryo mokyabya ekiro ekyo, Omwami Mukulu mwabũga naye ati, Wandagalire oko ndwiro; kusangwa nabĩrĩhĩrayo omo byala byawe.

Abatswerĩ 7:9 Iomraidhean Croise

2 Emyatsi yʼEmigulu 20:17

Ĩnywe simwendisyalwa omo malwa aya; muyiteke, muhangane, mulangire erĩlamya lyʼOmwami Mukulu eriri haguma nenyũ, ĩnywe Bayũda nʼAbanya Yerũsalema; simubahe, kutse erĩhanga-hangya; omo ngyakya muhuluke kubo; kusangwa Omwami Mukulu ali haguma nenyũ.

Yobũ 4:13

Omo malengekanĩa awakalĩre awahuluka omo nzolĩ syʼekiro, Omugulu otũgotserĩ tunene tũkahĩka oko bandu,

Matayo 1:20

Nĩkwa omugulu Yosefũ abya akaganĩrya omwatsi oyũ, lebaya, omũlaĩka wʼomukama mwamubutukira omo nzolĩ mwamubwira ati, Uwe Yosefũ, mugala wa Dawĩdĩ, Sigubahe erĩherũkya Marĩa mo mũkalĩ wawe, kusangwa obukule buwe ni bwʼOmũlĩmũ Abũyĩrĩre.

Matayo 2:13

Neryo, abʼamenge babere babigenda, omũlaĩka wʼomukama mwabutukira uku Yosefũ omo nzolĩ ati, Hangana, wĩmaye omwana na nyĩnya wuwe, musagire eMĩsĩrĩ, ubyeyo erĩhĩka aho nasyakubwirira. Herode akandisonda-sonda omwana erĩmwĩta.

Emibiri 27:23

Kusangwa omo kiro kino, ye Nyamuhanga, nage indi wuwe, kandi ngamukolera, mwatuma omũlaĩka wuwe erihangana hakũhĩ nage.

Yosũa 10:8

Kandi Omwami Mukulu mwabũga na Yosũa ati, Sigubahebo; kusangwa nabĩrĩhĩrabo omo byala byawe; sihali mundu oyo wasyahangana embere syawe.

Yosũa 11:6

Neryo Omwami Mukulu mwabwira Yosũa, ati, Sigubahebo; kusangwa engyakya oko ndambĩ ngʼeno nasyahĩrabo abosĩ ĩbamabĩkwa omo byala bya Ĩsraelĩ; wasyatwa emĩsĩsa yʼamagulu wʼesyosabayĩrĩ syabo, nʼerĩhĩsya esyogalĩ syabo omo muliro.

Yosũa 2:24

Kandi mobabwira Yosũa bati, Kwenene Omwami Mukulu abĩrĩhĩra ekihugo kyosĩ omo byala byetu; kandi esyondũlanĩ syosĩ syʼekihugo sikasendekerera embere syetu.

Abatswerĩ 20:28

na Fĩnehasĩ, omugala wa Eleazarĩ, omugala wa Harũnĩ, mwimana embere walyo oko biro ebyo) bati, Nyinahongoke kandi eriyalwa nʼabagala ba Benyamĩna omugala wetu, kutse nyũmbaye kwehĩ? Omwami Mukulu mwabũga ati, Hetuka; kusangwa omo ngyakya nasyamũhĩra omo byala byawe.

Abatswerĩ 3:10

Omũlĩmũ wʼOmwami Mukulu mwamũhĩkako, naye mwatswera Ĩsraelĩ. Omugulu ayalwa, Omwami Mukulu mwahĩra Kũsanĩ-rĩsataĩmũ omwami wʼeMesopotamia omo byala biwe; neryo Otĩnĩelĩ mwakĩnda Kũsanĩ-rĩsataĩmũ.

Abatswerĩ 3:28

Neryo mwabwirabo ati, Munyikwame; kusangwa Omwami Mukulu abĩrĩhĩra esyonzĩgũ syenyũ Abamoabũ omo byala byenyũ. Neryo mobandagala enyũma wuwe, mobĩmya ebisokero byʼeYorodanĩ eyisirya wʼeMoabũ, kandi mobatalĩga omundu nʼomuguma erisoka.

Abatswerĩ 7:10

Nĩkwa wamabya ukubaha eriandagala, wandagalire oko ndwiro na Pũra omugombe wawe.

Abatswerĩ 7:8

Neryo abandu (300) ayo mobaheka ebyalya byʼabandu omo byala byabo nʼesyongubi syabo. Neryo Gĩdeonĩ mwakũlũkya abandi balume bosĩ ba Ĩsraelĩ, obuli mundu oko hema yiwe, nĩkwa mwasĩgalira nʼabandu magana asatu (300); nʼekilaliriro kya Mĩdĩanĩ kyabya eyĩkwa kwiye omo musya.

1 Samwelĩ 14:8

Neryo Yonatana mwabũga ati, Lebaya, tukandisokera oko balume, ĩtwayĩkanganĩa kubo.

1 Samwelĩ 23:4

Neryo kandi Dawĩdĩ mwabũlya Omwami Mukulu. NʼOmwami Mukulu mwamũsũbĩrya ati, Hangana wandagalire eKeĩla; kusangwa ngandĩhĩra Abafĩlĩstĩnĩ bʼomo byala byawe.