Abatswerĩ 7:20 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁰ Omugulu emilondo ĩsatu yabuha esyongubi, nʼeritulanga eminaga, mobawata oko bisosomole omo byala byabo byʼamalembe, nʼesyongubi omo byala byabo byʼamali busana nʼeribuhasyo, kandi mobabirikira bati, Omũyalĩ wʼOmwami Mukulu nʼowa Gĩdeonĩ!

Abatswerĩ 7:20 Iomraidhean Croise

Ĩsaya 27:13

Neryo oko kiro ekyo engubi nene yasyabuhwa. Abandu ababya bakahera omo kihugo kyʼeAsũrĩa, abapanza-panzawa omo kihugo kyʼeMĩsĩrĩ. Basyasa, basyaramya Omwami Mukulu oko kitwa kĩbũyĩrĩre eYerũsalema.

Yeremĩa 47:6

Uwe mũyalĩ wʼOmwami Mukulu, wasvakĩrana mugulu wahi kwehĩ? Ũyĩhĩre omo lubo lwawe. Uluhuke, ubye bũkũtũ.

1 AbanyaKorinto 15:52

oko ndambĩ nguma ngʼerĩkohya lyʼerĩso, omugulu engubi yʼenyũma-nyũma yasyabũga. Kusangwa engubi yasyabũga, neryo abaholĩ basyalũbũkĩbwa omo mũsĩndo owatehonda, netu twasyahĩndũkĩbwa.

2 AbanyaKorinto 4:7

Nĩkwa ĩtwe tuwite obuteke obũ omo mubiri wʼekitaka, neryo obũtokĩ bunene obo bubye bwa Nyamuhanga butsira bwetu.

1 AbanyaTesalonika 4:16

Nĩkwa hasyabya omulenge munene wʼeribirikira, nʼomulenge, wʼomũlaĩka mukulu, nʼomulenge wʼengubi ya Nyamuhanga. NʼOmukama asyandagala akalũa elubula; nʼabahola ĩbabĩrĩkĩrĩrya Kristo basyatsũka erĩlũbũka.

AbaEbrania 11:4

Busana nʼerĩkĩrĩrya Abele mwaherera Nyamuhanga obuhere bowene kwilaba obwa Kaĩna. Neryo Nyamuhanga mwamwahula mo mutunganene kusangwa Nyamuhanga mwatũlago kwʼamalĩga olũsũnzo luwe. Kandi busana nʼerĩkĩrĩrya liwe, Abele nomo anahola, akĩnabũga.

Yosũa 6:16

Neryo oko ngendo yʼakalinda, omugulu abahererĩ babuha esyongubi, Yosũa mwabwira bandu, ati, Mũbũgaye olukanda; kusangwa Omwami Mukulu abiribaha omũyĩ.

Yosũa 6:20

Neryo abandu mobabũgya olukanda, nʼabahererĩ mobabuha esyongubi; neryo amugulu abandu bowa omulenge wʼengubi, abandu mobabũgya olukanda lunene, nʼolũhĩmbo molwaterera ahisi, nʼabandu mobahetukira omo mũyĩ, obuli mundu embere siwe, mobahũnga omũyĩ.

Yosũa 6:4

Nʼabahererĩ balinda basyaheka esyongubi sirinda syʼamahembe wʼesyombangale embere syʼerĩsandũko eryo; nʼekiro kyʼakalinda mwasyatĩmba oko mũyĩ esyongendo sirinda, nʼabahererĩ basyabuha esyongubi.

2 Petero 1:15

Neryo nasyakola nʼomũhwa, imwatoka eryibuka ebiro byosĩ emyatsi eyĩ enyũma wʼerigenda lyage.

Abatswerĩ 7:19

Neryo Gĩdeonĩ nʼabandu erĩgana ababya haguma naye, mobahĩka oko mutano wʼendwiro okwʼĩtsũka lyʼekĩsĩsĩmũko kyʼomo katĩkatĩ, omugulu babya ĩbamabĩswahĩra omũteya. Neryo mobabuha esyongubi, kandi mobatulanga eminaga eyabya omo byala byabo.

Abatswerĩ 7:21

Mobahangana obuli mundu aho wuwe erĩtĩmba oko ndwiro nʼabasĩrĩkanĩ bosĩ mobatibita; mobalaka ibakatibita.

1 Samwelĩ 11:11

Neryo engyakya, Saũlo mwahĩra bandu omo milondo ĩsatu; mobingira omo kambĩ omo muhuho, mobĩta Abaamonĩ erĩhĩka omwʼitungi-tsibu. Neryo ababala mobapanzapanzwa, isihali ababiri ba kubo abasĩgala haguma.