Abatswerĩ 7:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Neryo Omwami Mukulu mwabwira Gĩdeonĩ, ati, Abandu abali haguma nawe ni bangi busana nage erĩhĩra Abamĩdĩanĩ omo byala byabo, Ĩsraelĩ akasyayihalamba kwĩngye, ati, Ebyala byage byo byanyĩlamaya.

Abatswerĩ 7:2 Iomraidhean Croise

Enzũko 46:2

Na Nyamuhanga mwabũga na Ĩsraelĩ omwʼilota omo kiro ati, Yakobo, Yakobo, naye mwabũga ati, Nandi hano.

2 Emyatsi yʼEmigulu 14:11

Na Asa mwalakira Omwami Mukulu Nyamuhanga wuwe, mwabũga ati, Omwami Mukulu, sihali gundi nga we owʼerĩwatĩkya, omo katĩkatĩ kʼowʼamaka nʼoyutawite maka; uwe Mwami Mukulu Nyamuhanga wetu, ũtũwatĩkaye; kusangwa tukayiketera we, nʼomo lĩna lyawe tukayalwa nʼendeko eyĩ. Uwe Mwami Mukulu, nina we Nyamuhanga wetu; Suleke mundu akakũsĩnga.

Ĩsaya 10:13

Kusangwa abĩrĩbũga ati, Omo maka wʼebyala byage nabirikola ebyo, nʼomo menge wage. Kusangwa nangwite amenge, kandi nabĩrĩlũsya emitano yʼebihanda, kandi nabĩrĩhũnga ebindu byabo, kandi ngʼembangĩ nabĩrĩterya esyondũlanĩ syabo.

Ĩsaya 2:11

Emiyitendero yʼameso wʼabandu yasyakehĩbwa, nʼeriyikebera lyʼabandu lyasyahemulirwa ahisi, nʼOmwami Mukulu asyahamĩbwa ĩyowene ekiro ekyo.

Ĩsaya 2:17

Eriyiheka lyʼabandu lyasyahemulwa, nʼeriyikebera lyʼabandu lyasyakehĩbwa. Omwami Mukulu ĩyowene asyahamĩbwa oko kiro ekyo.

Yeremĩa 9:23

Omwami Mukulu ati, Omundu wʼamenge siayipipe busana nʼamenge wuwe, kutse owʼamaka siayipipe busana nʼamaka wuwe, owʼebindu siayipipe busana nʼobuteke buwe,

Ezekĩelĩ 28:17

Omutima wawe ayĩhamaya busana nʼobukange bwawe. Mowatsandya amenge wawe busana nʼerĩkangabasanĩa lyawe. Neryo monakugusa oko kitaka. Monakũhĩra embere syʼabami, bakusamalire.

Ezekĩelĩ 28:2

Mugala wʼomundu, Ubwire omũsondolĩ wʼeTĩro uti, Omukama Iye Omwami Mukulu ati, Kusangwa omutima wawe amayĩhamya, kandi wabĩrĩbũga uti, Ĩngye nyiri nyamuhanga, nyĩkere omo kĩtũmbĩ kyʼesyonyamuhanga, omo katĩkatĩ kʼesyongetsi. Nĩkwa uli mundu, suli Nyamuhanga, nomo wangahĩra omutima wawe eribya nga Nyamuhanga.

Danĩelĩ 4:30

Neryo omwami mwabũga ati, Okũ si Babelĩ kunene, oko nabĩrĩhĩmba busana nʼenyũmba yʼobwami, omo maka wʼobũtokĩ bwage na busana nʼolukengerwa lwʼerĩkangabasanĩa lyage kwehĩ?

Habakũkĩ 1:16

Busana nʼekyo, bakaherera obutimba bwabo bʼobuhere. Nʼerĩhĩsĩrĩrya ekĩsohĩ kyabo kyʼamahere kyʼobukwa; kusangwa busana nʼemyatsi eyĩ, bakahamba amahere mangi, nʼakalyo kabo katswagĩre.

Zekarĩa 12:7

Omwami Mukulu nibya asyalamya amahema wa Yũda erĩmbere, olukengerwa lwʼekĩtũnga kya Dawĩdĩ nʼolukengerwa lwʼesyondũlanĩ syʼeYerũsalema sĩlũhamĩbawe endata oko Yũda.

Zekarĩa 4:6

Neryo mwasũbĩrya mwambwira ati, Ekĩ nĩ kĩnywa kyʼOmwami Mukulu uku Zerũbabelĩ, kiti, Si busana nʼamaka, kutse busana nʼobũtokĩ, nĩkwa busana nʼOmũlĩmũ wage, Omwami Mukulu Wʼemilondo atya.

Emiganzo 31:4

Oko buli kihanda elfu nguma, omo bihanda byosĩ bya Ĩsraelĩ, mwasyatumabo eriyalwa.

AbanyaRoma 11:18

Subye ukayiheka embere wʼemitahi; kusangwa wamayiheka, si iwe Ukaheka omũlĩhĩ nĩkwa omũlĩhĩ akakuheka.

AbanyaRoma 3:27

Neryo ekyʼeriyipipira kiri hahi kwehĩ? Sikiri. Busana nakĩ sikiri kwehĩ? Ni busana nʼerikola Emigambo kwehĩ? Iyihi, nĩkwa ni busana nʼerĩkĩrĩrya.

2 AbanyaKorinto 4:7

Nĩkwa ĩtwe tuwite obuteke obũ omo mubiri wʼekitaka, neryo obũtokĩ bunene obo bubye bwa Nyamuhanga butsira bwetu.

AbanyaEfeso 2:9

Omundu siayipipe, kusangwa sĩ mũbĩrĩ wʼomundu.

Eryibuka Ebihano 32:27

Kumbe sinabya ngubaha erĩũmũkya lyʼenzĩgũ, Esyonzĩgũ syabo sikasyahaba omwʼitswera, Bakasyabũga bati, Ebyala byetu byabĩrĩkĩnda, Kandi Omwami Mukulu sialitakola ebyosĩ ebĩ.

Eryibuka Ebihano 8:17

Mũkasyabũga omo mutima wenyũ muti, Akagala nʼeritoka lyʼebyala byage byabirinyibanira obuteke obũ.

Eryibuka Ebihano 8:18

Nĩkwa mwasyibuka Omwami Mukulu Nyamuhanga wawe kusangwa iye yukabaha amaka wʼeribana obuteke; iniabana erihanda endagano yiwe eyo alahĩrĩraya abotata-kulu wenyũ, nga mũnabwĩre.

Yakobo 4:6

Nĩkwa olukogo olo Nyamuhanga akaha lũlengĩre. Neryo Amasako ati, Nyamuhanga akalwa nʼabakayiheka, nĩkwa akakangaya olukogo ukwʼabo bakayĩkehaya.

1 Samwelĩ 14:6

Neryo Yonatana mwabwira omũlwana oyo waheka ebindu byʼamalwa biwe ati, Wase, tusokere oko bateya batabwene aba; kwamũhwa Omwami Mukulu asyatukolera; kusangwa sihali ekyʼerĩkakĩrya Omwami Mukulu erĩlamya omo bangi kutse omo bake.