Abatswerĩ 7:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Na mũlĩkyabo mwamũsũbĩrya ati, Ekĩ si kindi go nʼomũyalĩ wa Gĩdeonĩ mugala wa Yoasĩ, omundu wa Ĩsraelĩ. Nyamuhanga abĩrĩhĩra Abamĩdĩanĩ nʼendwiro yosĩ omo byala biwe.

Abatswerĩ 7:14 Iomraidhean Croise

Yobũ 1:10

Sũlĩtamũtĩmbya kwʼekikunda, nʼekĩtũnga kiwe, nʼebyosĩ awite, oko mbande syosĩ kwehĩ? Wabiritsumula omũbĩrĩ wʼebyala biwe, nʼobuteke buwe bwabirikanyirira omo kihugo.

Emiganzo 22:38

Neryo Balama mwabũga na Balaka ati, Lebaya, lino namakũhĩkako! Ko ngwite bũtokĩ nʼobuke erĩbũga mwatsi kwehĩ? Ekĩnywa ekyo Mwami Mukulu akahĩra omo buno bwage, kyo nasyabũga.

Emiganzo 23:20

Lebaya, nabirihabwa ekihano kyʼeritsumula; Omugulu abiritsumula, nage sinangatoka eribindulalyo.

Emiganzo 23:5

Neryo Omwami Mukulu mwahĩra ekĩnywa omo buno bwa Balama, ati, Usube eyiri Balaka, neryo wasyabũga ebĩnywa ebĩ.

Yosũa 2:24

Kandi mobabwira Yosũa bati, Kwenene Omwami Mukulu abĩrĩhĩra ekihugo kyosĩ omo byala byetu; kandi esyondũlanĩ syosĩ syʼekihugo sikasendekerera embere syetu.

Yosũa 2:9

neryo mwabũga nʼabalume abo ati, Nyĩnasĩ ko Mwami Mukulu abiribaha ekihugo, nʼobuba bwenyũ bwabĩrĩtũhĩkako, nʼesyondũlanĩ syosĩ syʼekihugo syabirisendekerera embere syenyũ.

Yosũa 5:1

Neryo abami bosĩ bʼAbaamorĩ, ababya eyisirya oko Yorodanĩ ebwanga bwʼeyĩkwa, nʼabamĩ bʼAbanya Kanana, ababya oko ngetsi, omugulu bowa ngoko Mwami Mukulu ũmaya amagetsi wʼeYorodanĩ embere syʼabana ba Ĩsraelĩ, erĩhĩka aho twamabisokera, emitima moyasendekerera, neryo emitima yabo moyageruka, busana nʼabandu ba Ĩsraelĩ.

Abatswerĩ 3:28

Neryo mwabwirabo ati, Munyikwame; kusangwa Omwami Mukulu abĩrĩhĩra esyonzĩgũ syenyũ Abamoabũ omo byala byenyũ. Neryo mobandagala enyũma wuwe, mobĩmya ebisokero byʼeYorodanĩ eyisirya wʼeMoabũ, kandi mobatalĩga omundu nʼomuguma erisoka.

Abatswerĩ 7:13

Nʼomugulu Gĩdeonĩ ahĩka, lebaya, habya omundu oyũkakanĩraya mũlĩkyabo erilota liwe; ati, Lebaya, monalotĩre esyonzolĩ; neryo lebaya, akatole kʼobundu bwʼekisusu mokakumbagala omo ndwiro yʼAbamĩdĩanĩ, mokahĩka oko hema, mokaswĩryayo nayo moyatera, kandi mokabindulayo, moyayisanza ahisi.

Abatswerĩ 7:15

Neryo omugulu Gĩdeonĩ owa engulu yʼesyonzolĩ nʼeribindulwa lyasyo, mũnama nʼerĩramya; neryo mwasuba omo ndwiro ya Ĩsraelĩ, mwabũga, ati, Muhangane, kusangwa Omwami Mukulu abĩrĩhĩra endwiro yosĩ ya Mĩdĩanĩ omo byala byenyũ.

1 Samwelĩ 14:12

Kandi abateya mobabwira Yonatana nʼomũhekĩ wuwe wʼebindu byʼamalwa, bati, Mwirukire aho tuli, netu tũkandĩbalolya oko mwatsi. Neryo Yonatana mwabwira omũhekĩ wʼebindu biwe byʼamalwa, ati, Uhetuke enyũma syage; kusangwa Omwami Mukulu abĩrĩhĩrabo omo byala byʼAbaĩsraelĩ.