Abatswerĩ 6:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Kusangwa mobasa haguma nʼesyonde syabo nʼamahema wabo; mobasa ngʼesyongĩke busana nʼobungi bwabo; ibo nʼesyongamia syabo ini butaganzika. Mobasa omo kihugo eriheryakyo,

Abatswerĩ 6:5 Iomraidhean Croise

Olwimbo lwʼEsyonyimbo 1:5

Nyĩkĩnĩre nĩkwa indi mubuya, Ĩnywe bali bʼeYerũsalema, Ngʼamahema wʼeKedarĩ, Ngʼesyongimba sikaleremba omo syongyo sya Solomono.

Ĩsaya 13:20

Siyendisyabya mo ndũlanĩ kandi, kandi siyendisyaswĩkalwamo kandi nʼoko ndengo nʼoko ndengo. Kutse Omuharabu siendisyahanda ehema yiwe yoko; kutse, abalĩsya sibendĩsyalĩsĩrya ebihangulo byabo byoko.

Ĩsaya 60:6

Obungi bwʼesyongamia bwasyakuswika, esyondabana syʼesyongamia syʼeMĩdĩanĩ nʼeEfa. Abosĩ bʼeSeba basyasa. Basyaleta esyamagetsi nʼobukwa, basyaleta engulu yowene yʼeripipa lyʼOmwami Mukulu.

Yeremĩa 46:23

Omwami Mukulu ati, Babirikonda omũsĩtũ wuwe, kwenene siendisyaswabanika, kusangwa ni bangi kwilaba esyongĩke, kandi sibeganzika.

Yeremĩa 49:29

Basyahũnga amahema nʼebĩhyo byabo. Basyayitwalira esyongimba esĩkasũkũlĩraya esyohema syabo, nʼebindu byabo byosĩ, nʼesyongamia syabo, basyabirikirana bati, Erĩũbahya oko mbande syosĩ!

Yeremĩa 49:32

Nʼesyongamia syabo syasyabya bunyegwa, nʼobungi bwʼesyonde syabo bwasyabya bunyegwa. Nage nasyapanzabo okwʼĩhũnga lyosĩ, abakatũa esyondĩna syʼesyonderũ syabo. Omwami Mukulu ati, Nasyaleta erĩkwa lyabo erĩkalũa oko mbande syosĩ.

Yeremĩa 51:14

Omwami Mukulu wʼemilondo abĩrĩyĩlahĩryako ati, Kwenene nasyakũsũlya nʼabandu ngʼesyongĩke, nabo basyalaka omo mulenge wʼerĩkũkĩnda.

Eryibuka Ebihano 28:33

Embuto yʼekitaka kyenyũ, nʼemĩbĩrĩ yenyũ yosĩ, byasyalibwa nʼekihanda ekyo mũtasĩ; nenyũ mwasyanũbĩbwa nʼerĩtũndũlwa ebiro byosĩ.

Abatswerĩ 7:12

NʼAbamĩdĩanĩ nʼAbaamalekĩ nʼabandu bosĩ bʼekihande lwʼendata ibanagotsere omo musya ngʼesyongĩke omo bungi bwabo. Nʼesyongamia syabo syabya butaganzika, ngʼemisege oko mũsĩke wʼengetsi omo bungi bwasyo.

Abatswerĩ 8:10

Nĩkwa Zeba na Salmũna babya eKarkorĩ, haguma nʼabasĩrĩkanĩ babo, abandu nga elfu ĩkũmĩ nʼĩtanu (15,000), abosĩ abasaka oko basĩrĩkanĩ bʼabandu bʼendata; kusangwa mohawa bandu abakakula omũyalĩ elfu erĩgana nʼamakũmĩ abiri (120,000).

Abatswerĩ 8:21

Neryo Zeba na Salmũna mobabũga bati, Uwe, uhangane utuweko; kusangwa ngoko mulume ali, nʼamaka wuwe kwʼane atya. Neryo Gĩdeonĩ mwahangana, mwĩta Zeba na Salmũna, kandi mwĩmya obutega obwabya omo bĩkya byʼesyongamia syabo.

1 Samwelĩ 30:17

Neryo Dawĩdĩ mwĩtabo erĩtsũka omo hĩrĩmya hyangu-hyangu erĩhĩka omwʼĩgolo-golo lyʼengyakya; kandi mohatabala mundu nʼomuguma wa kubo, ba nʼabalwana magana ani, abagenda oko syongamia nʼeritibita.