Abatswerĩ 6:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Neryo omugulu Abaĩsraelĩ babiba embuto Abamĩdĩanĩ mobasa, nʼAbaamalekĩ, nʼabana bʼendata; mobasa eribambirabo.

Abatswerĩ 6:3 Iomraidhean Croise

Enzũko 25:6

Nĩkwa abagala bʼabakalĩ bahwekĩ abo Abrahamũ abya awite, Abrahamũ mwahabo ebihembo, neryo omugulu abya akineho mwatumabo hali uku Ĩsaka mugala wuwe oko luhande lwʼendata omo kihugo kyʼendata.

Enzũko 29:1

Neryo Yakobo mwĩmya enzira, mwahĩka omo kihugo kyʼabana bʼendata.

1 Abami 20:27

Nʼabana ba Ĩsraelĩ mobahĩndanĩbwa mobahabwa ebitolerebo, mobayahĩndana nabo; nʼabana ba Ĩsraelĩ mobahanda ekilaliriro embere syabo ngʼehĩhyo hibiri hyʼehyana hyʼesyombene; nĩkwa Abasũrĩa mobũsũlya ekihugo.

1 Abami 4:30

Nʼamenge wa Solomono mwalaba amenge wʼabana bosĩ bʼoluhande lwʼeyo eryuba likasira, nʼamenge gosĩ wʼeMĩsĩrĩ.

1 Abami 5:10

Neryo Hĩramũ mwaha Solomono emiti yʼemĩerezĩ nʼemiti yʼekĩlagũ ngoko abya anzĩre.

Yobũ 1:3

Nʼobũsokĩ buwe bwabya esyombũlĩ elfu irinda (7,000), nʼesyongamia elfu ĩsatu (3,000), nʼesyonume syʼesyonde esiri kwʼengomo, elfu nguma (1,000), nʼesyopunda syʼobũkalĩ magana atanu (500). Kandi abagombe buwe babya bangi. Omundu oyo abya mukulu kwilaba abandu bosĩ bʼekihugo kyʼendata.

Yobũ 31:8

Neryo nyibibe, nʼogundi alyebyo; Ega, emyaka yʼeririma lyage ikulawe.

Erĩlũayo 17:8

Neryo Abanya Amalekĩ mobasa, mobalwa na Ĩsraelĩ eRefidĩmũ.

Ĩsaya 11:14

Kandi basyagulukira obwandagala bwʼAbafĩlĩstĩnĩ oko luhande lwʼeyĩkwa. Basyahũnga haguma abandu bʼoluhande lwʼendata. Basyasĩgalya Edomũ na Moabũ, nʼabana ba Amona basyakengabo.

Ĩsaya 62:8

Omwami Mukulu abĩrĩlahĩrya omo byala biwe byʼamali nʼomo kuboko kwʼamaka wuwe, ati, Kwenene sindiendisyaswaha engano yawe, eribya kalyo busana nʼesyonzĩgũ syawe, kandi abʼehandi sĩbendĩsyaswapũlya ebĩnyũ byawe bihya-bihya, ebyo wabirikumbira.

Yeremĩa 49:28

Busana na Kedarĩ, nʼamami wʼeAzorĩ, ago Nebũkadeneza omwami wʼeBabelĩ akĩnda. Omwami Mukulu ati, Muhangane, muhetukire eKedarĩ, mũheraye abandu bʼendata.

Ezekĩelĩ 25:3

Ubwire abana ba Amonĩ uti, Muhulikirire ekĩnywa kyʼomukama Iye Omwami Mukulu! Omukama Iye Omwami Mukulu ati, Kusangwa waseka busana nʼAhabũyĩrĩre hage omugulu hatsandĩbawa, nʼerĩsekererya ekihugo kya Ĩsraelĩ omugulu kyayirawa mo kĩma, nʼeriseka ekihanda kya Yũda omugulu baya omo bunyegwa,

Ezekĩelĩ 25:4

busana nʼekyo, lebaya, nasyakũhĩra omo byala byʼabandu bʼendata busana nʼerĩkũsĩgalya, kandi basyahĩra ebilaliriro byabo omo katĩkatĩ kenyũ, nʼahʼerĩĩkala lyabo omo katĩkatĩ kenyũ. Basyalya ebĩgũma byawe, kandi basyapũlya amasabũ wenyũ.

Abalawĩ 26:16

nage, nasyabakolera ekĩ nibya; nyiti nasyabahĩra kwʼerĩũbahĩrĩrya lũba-lũba, nʼendwala yʼekĩkũba nʼekĩhũhanĩ, ebikandisyabuga ameso wenyũ, nʼerireka ebĩrimu byenyũ ibyabulirayo; kandi mwasyabiba esyombuto syenyũ syo busa, kusangwa esyonzĩgũ syenyũ syasyalyasyo.

Mĩka 6:15

Wasyabiba, nĩkwa siwendisyagesa; wasyalyatira emĩzeĩtũnĩ erikamayo, nĩkwa sĩwendĩsyayĩhakabya amagũta ayo, kandi wasyakama ebĩnyũ, nĩkwa sĩwendĩsyapũlya ebĩnyũ.

Eryibuka Ebihano 28:51

kandi kyasyalya enhyana hyʼebihangulo byenyũ nʼembuto yʼekitaka kyenyũ erĩhĩka aho mwasyahererĩbwa; kandi sĩkyendĩsyabasĩgĩra emyaka yʼengano, nʼebĩnyũ bihya-bihya, kutse amagũta, nʼebikakanyirira byʼesyonde syenyũ, kutse ehirere hyʼesyombũlĩ syenyũ, erĩhĩka aho basyabahererya.

Abatswerĩ 10:12

Abasĩdonĩ nibya, nʼAbamalekĩ, nʼAbamaonĩ, mobabagalya; nenyũ momwanyilakira, nage monabalamya omo byala byabo.

Abatswerĩ 3:13

Naye mwayĩhĩndanĩako abana ba Amona na Amalekĩ; neryo mwayakĩnda Ĩsraelĩ, mobĩmya omũyĩ wʼemiti yʼamabondo.

Abatswerĩ 6:2

Nʼebyala byʼAbamĩdĩanĩ mobyasingula Abaĩsraelĩ; kandi busana na Mĩdĩanĩ, abana ba Ĩsraelĩ mobayitakulira ebyũna ebiri omo bitwa, nʼemyangalũ, nʼahakongotere.

Abatswerĩ 6:33

Neryo Abamĩdĩanĩ nʼAbaamalekĩ nʼabana bʼebwanga bwʼendata mobayĩhĩndanĩa mobasoka, mobahanda ekilaliriro omo musya wʼeYezreelĩ.

Abatswerĩ 6:4

Kandi mobahanda ekilaliriro kyabo aho, kandi mobaherya embuto yʼakalyo kʼomo kitaka, erĩhĩka eGaza, mobatasĩga ebyʼerirya omo Ĩsraelĩ, kutse embũlĩ, kutse ende, kutse epunda.

Abatswerĩ 7:12

NʼAbamĩdĩanĩ nʼAbaamalekĩ nʼabandu bosĩ bʼekihande lwʼendata ibanagotsere omo musya ngʼesyongĩke omo bungi bwabo. Nʼesyongamia syabo syabya butaganzika, ngʼemisege oko mũsĩke wʼengetsi omo bungi bwasyo.

Abatswerĩ 8:10

Nĩkwa Zeba na Salmũna babya eKarkorĩ, haguma nʼabasĩrĩkanĩ babo, abandu nga elfu ĩkũmĩ nʼĩtanu (15,000), abosĩ abasaka oko basĩrĩkanĩ bʼabandu bʼendata; kusangwa mohawa bandu abakakula omũyalĩ elfu erĩgana nʼamakũmĩ abiri (120,000).