Abatswerĩ 6:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ kandi monababwira nyiti, Ĩngye indi Mwami Mukulu Nyamuhanga wenyũ; simusyubaha esyonyamuhanga syʼAbaamorĩ, eyo mwĩkere omo kihugo kyabo. Nĩkwa momutahulikirira omulenge wage.

Abatswerĩ 6:10 Iomraidhean Croise

2 Abami 17:13

Nĩkwa Omwami Mukulu mwakunga Ĩsraelĩ na Yũda, omo buno bwʼobuli mũmĩnyererĩ, nʼobuli mũlangĩrĩ ati, Mubinduke oko syonzira syenyũ nyibi, mũtegaye ebihano byage nʼemigambo yage, ngʼemigambo yosĩ eyo nahana abotata wenyũ nʼebyo nabatumirako omo buno bwʼabamĩnyererĩ, abagombe bage.

2 Abami 17:33

Mobubaha Omwami Mukulu nʼerikolera esyonyamuhanga syabo ngʼomũsĩndo wʼebihanda byʼeyo balũsĩbawa.

2 Abami 17:7

Neryo mokyabya kitya kusangwa bana ba Ĩsraelĩ ĩbamabĩhalya oko Mwami Mukulu Nyamuhanga wabo, oyo walũsayabo omo kihugo kyʼeMĩsĩrĩ erĩlũa omo byala bya Farao omwami wʼeMĩsĩrĩ, kandi babya bakubaha esindi nyamuhanga,

Nehemĩa 9:29

Kandi mowahanabo, iwatoka erĩsũbyabo kandi oko migambo yawe. Nĩkwa mobakola omwʼĩyĩhamya, mobatahulikirira erihana lyawe, nĩkwa mobakola nabi oko nzwere syawe esyo mundu amakolasyo iniabyaho musyo, mobasumba ebitigo, nʼerĩkalya ebĩkya byabo, mobatanza erĩowa.

Erĩlũayo 34:12

Ũyĩtegaye, susakane nʼesyondũlanĩ syʼekihugo kyʼeyo ukaya, bakasyabya kitego omo katĩkatĩ kenyũ.

Erĩlũayo 34:14

Kusangwa sũsyeramaya eyindi nyamuhanga; kusangwa Omwami Mukulu, erĩna liwe yo Bũha, ni Nyamuhanga wʼobũha.

Emĩsyo 5:13

Kutse sĩndĩtowa omulenge wʼabĩgĩsya bage, Kutse eritega okũtũ kwage oko banyĩkangĩrĩraya!

Yeremĩa 10:2

Omwami Mukulu akabũga ati, Sĩmũyĩgĩsaye enzira yʼebihanda, kandi simubahe busana nʼebiminyikalo byʼekyanya. Kusangwa ebihanda bikubahabyo.

Yeremĩa 17:23

Nĩkwa mobatahulikirira, kutse eritega amatwĩ wabo, nĩkwa mobakalya esyongoto syabo bati sĩbowe, kutse erĩowa erikungwa.

Yeremĩa 3:13

Ekiguma, uyisinge ebibi byawe, uti wabĩrĩhalya oko Mwami Mukulu Nyamuhanga wawe, kandi ko wabiripanza-panza obutaga bwawe oko bʼehandi omo ndĩna yʼobuli muti mubisi, kandi ko mutakenga omulenge wage, Omwami Mukulu atya.

Yeremĩa 3:25

Tugotsere ahisi omwʼĩsonĩ syetu, nʼerihemula lyetu lituswike; kusangwa twabĩrĩhalya oko Mwami Mukulu, Nyamuhanga wetu, ĩtwe nʼabotata wetu, erĩtsũka omo bũlwana bwetu nʼerĩhĩka mũnabwĩre. Kandi situlitakenga omulenge wʼOmwami Mukulu, Nyamuhanga wetu.

Yeremĩa 42:21

Nage nabĩrĩbatũlĩrago mũnabwĩre, nĩkwa simwetakenga omulenge wʼOmwami Mukulu Nyamuhanga wenyũ omo mwatsi nʼomuguma ukwʼebyo anyituma ũkwʼĩnywe.

Yeremĩa 43:4

Neryo litya Yohananĩ mugala wa Karea, nʼabakulu bosĩ bʼemilondo nʼabandu bosĩ mobatakenga omulenge wʼOmwami Mukulu erĩĩkala omo kihugo kyʼeYũda.

Yeremĩa 43:7

neryo mobingira omo kihugo kyʼeMĩsĩrĩ, kusangwa mobatakenga omulenge wʼOmwami Mukulu. Mobahĩka eTapanesĩ.

Yeremĩa 9:13

Kandi Omwami Mukulu ati, Kusangwa babirireka omugambo wage ogo nahĩra embere syabo, sibetakenga omulenge wage, kutse erirendera mugo.

Zefania 3:2

Mwatakenga omulenge nʼomuguma; mwatalĩga erĩkangĩrĩrya; mwatayiketera Omwami Mukulu; mwatayĩtũnda hakũhĩ na Nyamuhanga wuwe.

AbanyaRoma 10:16

Nĩkwa ababĩrĩrĩga Engulu Yowene sĩ bʼabosĩ; kusangwa Ĩsaya akabũga ati, Mukama, nindi yo wabĩrĩkĩrĩrya erĩtũlago lyetu kwehĩ?

AbaEbrania 5:9

Kandi abere abiyirwa mʼoyũhĩkene, mwabya nzũko yʼerilama erya kera na kera busana nʼabosĩ abakamowa.

Yosũa 24:15

Kandi kyamabya kibi omo meso wenyũ erikolera Omwami Mukulu, muyisoge mũnabwĩre oyo mwasyakolera; syamabya esyonyamuhanga esyo abotata-kulu benyũ bakolera eyisirya wʼolũsĩ lwʼeEfũratĩ, kutse esyonyamuhanga syʼAbaamorĩ, eyo mwĩkere omo kihugo kyabo; nĩkwa ĩngye nʼekĩtũnga kyage, twasyakolera Omwami Mukulu.

Abatswerĩ 2:2

Nenyũ sĩmũsyehĩra endagano yenyũ haguma nʼesyondũlanĩ syʼekihugo kino; mwasyahĩmbũla ebiherero byabo. Nĩkwa simwetahulikirira omulenge wage; ekĩ ni kyahi ekyo mwamatakola kwehĩ?

Abatswerĩ 6:9

Kandi monabalamya omo byala byʼAbanya Mĩsĩrĩ, nʼomo byala byʼabosĩ ababanũbaya, monahigabo embere syenyũ, kandi monabaha ekihugo kyabo;