Abatswerĩ 4:16 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁶ Nĩkwa Baraka mwakwamirira esyogalĩ, nʼemilondo yʼabasĩrĩkanĩ erĩhĩka eHarosetĩ-Goyĩmũ; nʼomulondo wʼabasĩrĩkanĩ gosĩ wa Sĩsera mwawa omo boya bwʼomũyalĩ; mohatasaka mundu nʼomuguma.

Abatswerĩ 4:16 Iomraidhean Croise

Esyonyimbo 104:35

Abakola-nabi batogotĩbawe omo kihugo; Nʼababi sibabyeho kandi! Uwe mutima wage, upipe Omwami Mukulu! Mupipe Omwami Mukulu!

Esyonyimbo 83:10

Mobakĩndĩrwa eEndorĩ, Nʼemibiri yabo moyahondera oko kitaka.

Esyonyimbo 83:9

Ukolebo ngoko wayira Abanya Mĩdĩanĩ, Ngoko wakola Sĩsera na Yabĩnĩ oko lũsĩ lwʼeKĩsonĩ.

Erĩlũayo 14:28

Nʼamagetsi mwasubula, mwakũkũngĩre esyogalĩ, nʼabali oko syosabayĩrĩ, nibya nʼomulondo gosĩ wa Farao mwingira enyũma wabo omo ngetsi; mohatasĩgala nʼomuguma wa kubo.

Ĩsaya 43:17

oyũkahũlũkaya egalĩ nʼesabayĩrĩ, omulondo wʼabasĩrĩkanĩ nʼembangĩ. Basyagotsera ahisi haguma, sibendisyaswahangana. Bamahwerekerera, babĩrĩrĩma ngʼembũmba.

AbanyaRoma 2:12

Nĩkwa abosĩ abakakola nabi, isibawite Emigambo, basyahera butsira Migambo. Kandi abosĩ abakakola nabi, ibanawite Emigambo, basyatswerwa omo Migambo.

Yakobo 2:13

Kusangwa Nyamuhanga siendisyaganyira omundu oyukagana eriganyira ogundi. Nĩkwa eriganyira lĩkakĩnda eritswera.

Yosũa 10:10

NʼOmwami Mukulu mwabũranganĩabo embere sya Ĩsraelĩ, kandi mwĩtabo omo bwĩtĩ bunene eGĩbeonĩ, mwatibita kubo omo nzira eyikahetukira eBetĩ-horonĩ, mwĩtabo erĩhĩka eAzeka nʼerĩhĩka eMakeda.

Yosũa 11:8

Kandi Omwami Mukulu mwahĩrabo omo byala bya Ĩsraelĩ, mobaswĩryabo, kandi mobahigabo erĩhĩka eSĩdonĩ nene, nʼoko Mĩserofotĩ-maĩmũ, nʼoko musya wʼeMĩsĩpa oluhande lwʼendata; mobaswĩryabo, erĩhĩka aho batasĩgĩra nʼomuguma wa kubo.

Abatswerĩ 4:17

Nĩkwa Sĩsera mwatibita omo bisando biwe oko hema ya Yaelĩ muka Heberĩ Omũkenĩ; kusangwa habya Obuholo omo katĩkatĩ ka Yabĩnĩ omwami wʼeHazorĩ nʼekĩtũnga kya Heberĩ Omũkenĩ.

Abatswerĩ 4:2

Neryo Omwami Mukulu mwagũlyabo omo byala bya Yabĩnĩ omwami wʼeKanana, oyo watabala eHazorĩ; omukulu wʼemilondo yʼabasĩrĩkanĩ yiwe abya Sĩsera, oyo wabya ĩkere eHarosetĩ-Goyĩmũ.