Abatswerĩ 4:14 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁴ Na Debora mwabũga na Baraka ati, Hangana; kusangwa ekĩ ni kiro ekyo Mwami Mukulu abĩrĩhĩra Sĩsera omo byala byawe; Omwami Mukulu sialitagenda embere syawe kwehĩ? Neryo Baraka mwandagala atya erĩlũa oko kitwa kyʼeTaborĩ, nʼabalume elfu ĩkũmĩ ĩbanamũkwamĩre.

Abatswerĩ 4:14 Iomraidhean Croise

Enzũko 19:14

Neryo Lotĩ mwalũaho erĩyabũga nʼabakwe buwe, abatahaya bali buwe, neryo mwabwirabo ati, Muhangane, mũlũe hano, kusangwa Omwami Mukulu akandĩherya omũyĩ. Neryo mwabya oko bakwe buwe ngʼomundu oyukatenya.

Enzũko 44:4

Omugulu bahĩka ekyaswa, ĩsĩbebahĩka hali, Yosefũ mwabũga nʼomwĩmanĩrĩ wuwe ati, Uhongoke, ukwame abandu aba, neryo wamabibanabo, ũbũge nabo uti, Busana nakĩ mũkatũhũlaya ekibi kyʼoko kibuya kwehĩ?

2 Samwelĩ 5:24

Neryo, omugulu wasyowa esyongyĩndo sĩkahĩndĩra oko mitwe yʼemiti yʼemitugunda, neryo wasyayitsinga lũba, kusangwa oko saa eyo Omwami Mukulu abirigenda embere syawe erĩswĩrya omulondo wʼAbafĩlĩstĩnĩ.

Ĩsaya 52:12

Kusangwa sĩmwendĩsyalũamo lũbalũba, kutse simwendisyagenda mukatswa, kusangwa Omwami Mukulu asyababera embere, na Nyamuhanga wa Ĩsraelĩ asyabya mũteya enyũma syenyũ.

Mĩka 2:13

Oyukatulirabo enzira abirihetuka embere syabo; babĩrĩlũamo nʼerilaba omo lũkyo, ibabirihulukira eyĩhya. Nʼomwami wabo abirilaba embere syabo, nʼOmwami Mukulu akaberabo embere.

Eryibuka Ebihano 9:3

Neryo muminye mũnabwĩre, Omwami Mukulu Nyamuhanga wenyũ ni ye yukasoka embere syenyũ ngʼomuliro owakagulumira. Asyaheryabo, kandi asyakĩndabo embere syenyũ; nenyũ measyahigabo nʼerĩheryabo lũba, ngoko Mwami Mukulu abĩrĩbũga nenyũ.

Yosũa 10:8

Kandi Omwami Mukulu mwabũga na Yosũa ati, Sigubahebo; kusangwa nabĩrĩhĩrabo omo byala byawe; sihali mundu oyo wasyahangana embere syawe.

Yosũa 7:13

Hangana, uhigule abandu, ũbũge uti, Muyihigule busana nʼengyakya; kusangwa Omwami Mukulu Nyamuhanga wa Ĩsraelĩ ati, Hali bindu omo katĩkatĩ kenyũ ebĩtakĩrwe, uwe Ĩsraelĩ. Ukataluka erihangana embere wʼesyonzĩgũ syawe, erĩhĩka aho mwasyalũsĩrya ebindu ebĩtakĩrwe omo katĩkatĩ kenyũ.

Abatswerĩ 19:28

Neryo mwamubwira ati, Hangana tugende, nĩkwa mwatamũsũbĩrya. Neryo mwamũhĩra oko punda; neryo omundu oyo mwahongoka mwaya ewuwe.

Abatswerĩ 4:10

Na Baraka mwabirikira Zebũlonĩ na Nafũtalĩ haguma eKadesĩ; kandi abalume elfu ĩkũmĩ mobahetukirayo haguma naye. Debora nibya mwagenda haguma naye.

Abatswerĩ 7:9

Neryo mokyabya ekiro ekyo, Omwami Mukulu mwabũga naye ati, Wandagalire oko ndwiro; kusangwa nabĩrĩhĩrayo omo byala byawe.

1 Samwelĩ 9:26

Kandi mobabuka omo tũtũtũ; neryo bwabere bwakya Samwelĩ mwabirikira Saũlo oko lutwe ati, Hangana, ngakugosola. Neryo Saũlo mwahangana, mobahuluka ababiri bosĩ omo nzira iye na Samwelĩ.