Abatswerĩ 3:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Nʼabana ba Ĩsraelĩ mobakola ebibi omo meso wʼOmwami Mukulu Nyamuhanga wabo, mobibirirwa Omwami Mukulu Nyamuhanga wabo, kandi mobakolera esyosanamu sya Baalĩ na Aseterotĩ.

Abatswerĩ 3:7 Iomraidhean Croise

1 Abami 16:33

Kandi Ahabũ mwakokotya esanamu ya Asera. Litya Ahabũ mwakola bingi byʼerĩhĩtanĩa Omwami Mukulu Nyamuhanga wʼAbaĩsraelĩ kwilaba abami bosĩ ba Ĩsraelĩ ababya embere siwe.

1 Abami 18:19

Nĩkwa lino Utume, Ũnyĩhĩndanĩraye Abaĩsraelĩ bosĩ oko kitwa kyʼeKarmelĩ, nʼabamĩnyererĩ ba Baalĩ amagana ani nʼamakũmĩ atanu (450), nʼabamĩnyererĩ ba Asera magana ani (400), abakalira oko mesa ya Yezebelĩ.

2 Abami 23:14

Kandi mwatsũtsanga esyondũyĩ, mwakonda esanamu ya Asera, mũsũlya emyanya yaho omo makũha wʼabandu.

2 Abami 23:6

Kandi mwalũsya esanamu ya Asera omo nyũmba yʼOmwami Mukulu mwatwalayo eyĩhya wʼeYerũsalema oko kũsĩ kʼeKĩdũronĩ, mwahĩsyayo oko kũsĩ kʼeKĩdũronĩ, mwatũndũlayo eribya lũtũtũ, neryo mwagusa olũtũtũ olo oko sisinda syʼabandu.

2 Emyatsi yʼEmigulu 15:16

Kandi mwalũsya Maka nyĩnya wʼOmwami Asa siabye mwami-kalĩ kusangwa abya ĩnĩabĩrĩkokotya esanamu yʼesyonye busana na Asera; neryo Asa mwakondera esanamu yiwe yʼahisi mwatũndũlayo mo lũtũtũ, mwahĩsĩryayo oko kũsĩ kʼeKĩdũronĩ.

2 Emyatsi yʼEmigulu 24:18

Mobasĩganĩa enyũmba yʼOmwami Mukulu, Nyamuhanga wʼabotata wabo, mobakolera Asera nʼesyosanamu; nʼerihitana molyahĩka oko Yũda nʼeYerũsalema busana nʼomusango wabo oyũ.

2 Emyatsi yʼEmigulu 33:19

Nʼerisaba liwe nibya, kandi ngoko Nyamuhanga amũlĩgĩra erĩmowa, nʼebibi biwe byosĩ, nʼerilegula liwe, nʼaho ahĩmba ahendata, nʼerisingika esyosanamu sya Asera, nʼesindi sanamu esĩbatsĩre, emuliro wʼerĩyĩkehya liwe, lebaya bĩsakĩre omo myatsi ya Hozaĩ.

2 Emyatsi yʼEmigulu 33:3

Kusangwa mwahĩmba kandi ahendata aho tata wuwe Hezekĩa asambula; kandi mwahanganĩa ebiherero busana na Baalĩ, mwakokotya esyosanamu sya Asera, mwaramya omulondo gosĩ wʼelubula, nʼerikolerago.

2 Emyatsi yʼEmigulu 34:3

Kusangwa oko mwaka wʼomunai wʼeritabala liwe, iniakine mũlwana, mwatsũka erisonda-sonda Nyamuhanga wa tata-kulu wuwe Dawĩdĩ; nʼoko mwaka wʼerĩkũmĩ nʼeyĩbĩrĩ mwatsũka erĩbĩrya eYũda, nʼeYerũsalema erĩlũsya ahendata nʼesyosanamu sya Asera, nʼesyosanamu esĩbatsĩre, nʼesyosanamu syʼerĩnũnĩa.

2 Emyatsi yʼEmigulu 34:7

Neryo mwasambula ebiherero, mwatũndũla Asera nʼesyosanamu esĩbatsĩre ngʼolũtũtũ, kandi mwakondera esyosanamu syosĩ syʼeryuba ahisi omo kigugo kyosĩ kya Ĩsraelĩ, neryo mwasuba eYerũsalema.

Esyonyimbo 106:35

Nĩkwa mobaherũkanĩa nabo, Mobagerererya emikolere yʼabatĩkĩrĩrye.

Esyonyimbo 106:36

Mobaramya esyosanamu syabo, Ekĩ mokyaheryabo;

Esyonyimbo 106:7

Aboso-kulu wetu ababya eMĩsĩrĩ mobataminya emĩbĩrĩ yʼeriswekera ya Nyamuhanga; Mobibirirwa emigulu mingi eyo akangayabo olwanzo luwe, Mobahona oko Wʼamaka gosĩ oko Ngetsi yʼEngula.

Erĩlũayo 34:13

Nĩkwa, mwasyasambula ebiherero byabo, nʼerĩtsũtsanga esyondũyĩ syabo, mwasyatemera ahisi esisumba syabo sya Asera,

Yeremĩa 23:27

Bakasonda erireka abandu bage eribirirwa erĩna lyage, busana nʼerilota lyabo bakabwirana, ngoko abotata wabo bibirirawa erĩna lyage busana na Baalĩ kwehĩ?

Eryibuka Ebihano 16:21

Simusyeyiherera omuti wʼomuhanda wahi eribya Asera hakũhĩ nʼekiherero ekyo mwasyayĩhĩmbĩra kyʼOmwami Mukulu Nyamuhanga wenyũ.

Eryibuka Ebihano 4:9

Ekiguma kisa Ũyĩtegaye, Ũtegaye ndeke ekĩrĩmũ kyawe, ukasyibirirwa emyatsi eyo ameso wawe alangira, ĩkasyalũa omo mutima wawe ebiro byosĩ byʼengebe yawe; nĩkwa ũmĩnyĩsayeyo abana bawe, nʼabitsikulu bawe.

Eryibuka Ebihano 8:11

Mũyĩtegaye mukasyibirirwa Omwami Mukulu Nyamuhanga wawe, eritindabika ebihano biwe, nʼebilayiro biwe, nʼemigambo yiwe, ebyo ngabahana mũnabwĩre.

Eryibuka Ebihano 8:14

omutima wenyũ akasyayĩhamaya, kandi imwibirirwa Omwami Mukulu Nyamuhanga wawe, oyo wabalũsaya omo kihugo kyʼeMĩsĩrĩ, omo nyũmba yʼobukobe.

Eryibuka Ebihano 8:18

Nĩkwa mwasyibuka Omwami Mukulu Nyamuhanga wawe kusangwa iye yukabaha amaka wʼeribana obuteke; iniabana erihanda endagano yiwe eyo alahĩrĩraya abotata-kulu wenyũ, nga mũnabwĩre.

Abatswerĩ 3:12

Nʼabana ba Ĩsraelĩ mobaswakola ebibi kandi omo meso wʼOmwami Mukulu. Neryo Omwami Mukulu mwaha amaka uku Eglonĩ omwami wʼeMoabũ eribambira Ĩsraelĩ, kusangwa babya ibabirikola ebibi omo meso wʼOmwami Mukulu.

Abatswerĩ 3:8

Kyaleka erihitana lyʼOmwami Mukulu iryagulumira oko Ĩsraelĩ, neryo mwagũlyabo omo byala bya Kũsanĩ-rĩsataĩmũ omwami wʼeMesopotamia. Nʼabana ba Ĩsraelĩ mobakolera Kũsanĩ-rĩsataĩmũ emyaka munani.

Abatswerĩ 6:25

Neryo ekiro ekyo, Omwami Mukulu mwamubwira ati, Ĩmaya enume yʼende ya tata wawe, nʼeyindi nume yʼakabiri yʼende eyʼemyaka irinda, ũhĩmbũle ekiherero kya Baalĩ ekyo tata wawe awite, kandi ukondere esanamu ya Asera yʼahisi eyĩhererenĩe nakyo;

Abatswerĩ 8:33

Neryo Gĩdeonĩ abere abihola, abana ba Ĩsraelĩ mobaswakwama Balĩ omo luteto, mobayira Balĩ-berĩtĩ mo nyamuhanga wabo.

Abatswerĩ 8:34

Nʼabana ba Ĩsraelĩ mobataswibuka Omwami Mukulu Nyamuhanga wabo, oyo walamayabo omo byala byʼesyonzĩgũ syabo oko mbande syosĩ;

1 Samwelĩ 12:10

Neryo mobalakira Omwami Mukulu, bati, Twabĩrĩhalya, kusangwa twabĩrĩsĩganĩa Omwami Mukulu, erikolera Mabalĩ na Astarotĩ. Nĩkwa lino ũtũlamaye omo byala byʼesyonzĩgũ syetu, netu tukandikukolera.

1 Samwelĩ 12:9

Nĩkwa mobibirirwa Omwami Mukulu Nyamuhanga wabo; naye mwagũlyabo omo byala bya Sĩsera, omukulu wʼemilondo ya Hazorĩ, nʼomo byala byʼAbafĩlĩstĩnĩ, nʼomo byala byʼOmwami wʼeMoabũ; neryo mobalwa nabo.