Abatswerĩ 3:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Omũlĩmũ wʼOmwami Mukulu mwamũhĩkako, naye mwatswera Ĩsraelĩ. Omugulu ayalwa, Omwami Mukulu mwahĩra Kũsanĩ-rĩsataĩmũ omwami wʼeMesopotamia omo byala biwe; neryo Otĩnĩelĩ mwakĩnda Kũsanĩ-rĩsataĩmũ.

Abatswerĩ 3:10 Iomraidhean Croise

1 Emyatsi yʼEmigulu 12:18

Neryo Omũlĩmũ mwahĩka uku Amasaĩ, omukulu wʼamakũmĩ asatu abo, naye mwabũga ati, Uwe Dawĩdĩ tuli bawe, nʼoko luhande lwawe, uwe mugala wa Yese! Obuholo, Obuholo bubye kuwe, nʼobuholo bubye oko bawatĩkya bawe; kusangwa Nyamuhanga wawe akakũwatĩkaya! Neryo Dawĩdĩ mwakokyabo, mwayirabo mo basondolĩ bʼomulondo.

2 Emyatsi yʼEmigulu 15:1

Neryo Omũlĩmũ wa Nyamuhanga mwahĩka uku Azaria mugala wa Odedĩ.

2 Emyatsi yʼEmigulu 20:14

Neryo Omũlĩmũ wʼOmwami Mukulu mwahĩka uku Yahazĩelĩ mugala wa Zekarĩa, mugala wa Benaya, mugala wa Yeĩelĩ, mugala wa Matanĩa, Omũlawĩ, wʼabagala ba Asafũ omo katĩkatĩ kʼendeko;

Esyonyimbo 51:11

Sunyihige embere syʼameso wawe; Sũndũsaye kwʼOmũlĩmũ Abũyĩrĩre wawe.

Emiganzo 11:17

Nage nasyandagala nʼerĩkanĩa nawe aho; kandi nasyĩmya oko Mũlĩmũ owali ukʼuwe, nasyahĩrago kubo; nabo basyaheka omuheke wʼabandu haguma nawe, isiwahekaga ĩgowene.

Emiganzo 11:25

Neryo Omwami Mukulu mwandagala omo kĩtũ, mwakanĩa naye, neryo mwĩmya oko Mũlĩmũ owamubyako, mwahĩrago oko bakulu makũmĩ alinda; neryo enyũma wʼaho, Omũlĩmũ abere abĩkala kubo, mobaminyerera. Nĩkwa mobataswakola batya.

Emiganzo 11:29

Na Musa mwabũga naye ati, Uli nʼobũha busana nage kwehĩ? Kumbe abandu bosĩ bʼomwami Mukulu nĩ bamĩnyererĩ, kumbe Omwami Mukulu angahĩra Omũlĩmũ guwe go kubo!

Emiganzo 24:2

Na Balama mwasumba ameso wuwe, mwalangira Ĩsraelĩ ĩbĩkere mo kihanda kihanda; nʼOmũlĩmũ wa Nyamuhanga mwamũhĩkako.

Emiganzo 27:18

Neryo Omwami Mukulu mwabũga na Musa, ati, Ĩmaya Yosũa mugala wa Nũnĩ, omundu oyuli nʼOmũlĩmũ, kandi ũmũhĩre kwʼebyala byawe;

AbaEbrania 6:4

Kusangwa siritokekene erĩsũbya abandu bʼokwʼibinduka, ababiritoga kwenene. Kusangwa babya erĩmbere omo kyakakala kya Nyamuhanga. Babirirenga olũsũnzo lwʼelubula, kandi babirisangira oko Mũlĩmũ Abũyĩrĩre.

Abatswerĩ 11:29

Neryo Omũlĩmũ wʼOmwami Mukulu mwahĩka uku Yefũta, naye mwalaba endata uku Gĩleadĩ na Manase, kandi mwalaba endata oko Mĩsĩpa yʼeGĩleadĩ, nʼerĩlũa eMĩsĩpa yʼeGĩleadĩ mwalaba endata oko bana ba Amonĩ.

Abatswerĩ 11:32

Neryo Yefũta mwasokera oko bana ba Amonĩ erilwa nabo; nʼOmwami Mukulu mwahĩrabo omo byala biwe.

Abatswerĩ 13:25

Neryo Omũlĩmũ wʼOmwami Mukulu mwatsũka erĩmũkolesya eMahane-danĩ, omo katĩkatĩ kʼeSora nʼeEstaolĩ.

Abatswerĩ 14:19

Neryo Omũlĩmũ wʼOmwami Mukulu mwamũhĩkako nʼamaka, neryo mwandagalira eAskelonĩ, mwĩta abalume makũmĩ asatu ba kubo, mwĩmya ebyo anyega neryo mwaha ebyambalo oko bakũmbũla endekerano eyo. Nʼerihitana liwe molyaka, neryo mwahetukira oko nyũmba ya tata wuwe.

Abatswerĩ 14:6

Omũlĩmũ wʼOmwami Mukulu mwamũhĩkako omo maka, neryo mwatulayo ngoko angatũlĩre ekyana kyʼembene; kandi isiawite uku kindu omo byala biwe; nĩkwa mwatabwira tata wuwe kutse koyo wuwe ebyo akolĩre.

Abatswerĩ 15:14

Omugulu ahĩka eLehĩ Abafĩlĩstĩnĩ mobamũta obogo omugulu bahĩndana naye; neryo Omũlĩmũ wʼOmwami Mukulu mwamũhĩkako nʼamaka, nʼebikoba ebyabya oko maboko wuwe mobyabya ngʼebiti byʼekĩtanĩ ebiriahya omo muliro nʼamakũndĩkĩra wuwe mwatoga oko byala biwe.

Abatswerĩ 3:11

Nʼekihugo mokyahumula emyaka makũmĩ ani. Na Otĩnĩelĩ mugala wa Kenazĩ mwahola.

Abatswerĩ 3:8

Kyaleka erihitana lyʼOmwami Mukulu iryagulumira oko Ĩsraelĩ, neryo mwagũlyabo omo byala bya Kũsanĩ-rĩsataĩmũ omwami wʼeMesopotamia. Nʼabana ba Ĩsraelĩ mobakolera Kũsanĩ-rĩsataĩmũ emyaka munani.

Abatswerĩ 6:34

Nĩkwa Omũlĩmũ wʼOmwami Mukulu mwahĩka uku Gĩdeonĩ; naye mwabuha engubi; nʼAbanya Abĩezerĩ mobahĩndanĩbwa erimukwama.

1 Samwelĩ 10:10

Nʼomugulu bahĩka oko kitwa ekyo, lebaya, omulondo wʼabamĩnyererĩ mwahĩndana naye; nʼOmũlĩmũ wa Nyamuhanga mwamũhĩkako nʼamaka, neryo mwaminyerera omo katĩkatĩ kabo.

1 Samwelĩ 10:6

NʼOmũlĩmũ wʼOmwami Mukulu asyakũhĩkako nʼamaka, nawe wasyaminyerera haguma nabo, nawe wasyabindulwa mo gundi mundu.

1 Samwelĩ 11:6

Neryo Omũlĩmũ wa Nyamuhanga mwahĩka uku Saũlo nʼamaka omugulu owa ebĩnywa ebyo, nʼerihitana liwe molyagulumira kutsibu.

1 Samwelĩ 16:13

Neryo Samwelĩ mwĩmya erĩhembe eriri mwʼamagũta, mwamũhakabya omo katĩkatĩ kʼabagala babo. NʼOmũlĩmũ wʼOmwami Mukulu mwahĩka uku Dawĩdĩ ko kutsibu erĩtsũka oko kiro ekyo. Neryo Samwelĩ mwahangana mwaya eRama.