Abatswerĩ 21:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Nʼabana ba Ĩsraelĩ mobabũga bati, Nindi omo katĩkatĩ kʼebihanda byosĩ bya Ĩsraelĩ oyũtahĩka omo ndeko oko Mwami Mukulu kwehĩ? Kusangwa ibabiriyisema kutsibu busana nʼoyũtahĩka oko Mwami Mukulu eMĩsĩpa, bati, Kwenene asyĩtwa.

Abatswerĩ 21:5 Iomraidhean Croise

Yeremĩa 48:10

Atakirawe oyukakola omũbĩrĩ wʼOmwami Mukulu omwʼiteba. Atakirawe oyũkakakĩraya omũyalĩ wuwe oko musasi.

Abatswerĩ 21:1

Nĩkwa abandu ba Ĩsraelĩ ibamabiyisemera eMĩsĩpa bati, Sihesyabya omundu nʼomuguma wa kwʼĩtwe oyo wasyaha mwali wuwe eribya mũkalĩ wʼOmũbenyamina.

Abatswerĩ 21:18

Nĩkwa ĩtwe sĩtwangalĩga erihabo bali betu erĩhĩkyabo; kusangwa abana ba Ĩsraelĩ ĩbamabĩlahĩrya, bati, Oyukaha omũkalĩ oko Mũbenyamĩna atakirawe.

Abatswerĩ 21:6

Nʼabana ba Ĩsraelĩ mobayĩkwĩra obũlĩge busana nʼomugala wabo ye Benyamĩna, bati ekihanda kiguma kyabiritahulwa oko Ĩsraelĩ mũnabwĩre.

Abatswerĩ 5:23

Omũlaĩka wʼOmwami Mukulu ati, Mutakire Merozĩ, Mutakire erĩkalĩre esyondũlanĩ syako, Kusangwa mobatahĩka erĩwatĩkya Omwami Mukulu, Erĩwatĩkya Omwami Mukulu eribambira abalwĩ.

1 Samwelĩ 11:7

Neryo mwĩmya esyonde ĩbĩrĩ, mwatsũtsangasyo mo bitswe-bitswe, mwatumabyo omo mitano yosĩ yʼAbaĩsraelĩ omo byala byʼabakwenda, ati, Omundundi oyutendisyahuluka akakwama Saũlo na Samwelĩ, esyonde siwe syasyakolwa sitya. Nʼeriubaha lyʼOmwami Mukulu molyawa oko bandu, mobahuluka ngʼomundu muguma.

1 Samwelĩ 14:24

Nʼabandu ba Ĩsraelĩ mobanamira ekiro ekyo; kusangwa Saũlo mwasema bandu, ati, Atakirawe omundu oyukandirya kalyo erĩhĩka omwʼĩgolo, erĩhĩka aho ngandĩkĩsĩrya esyonzĩgũ syage. Neryo mohatabya muguma oko bandu oyo wageraya kalyo.