Abatswerĩ 21:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo omo ngyakya, abandu mobatsinduka, mobahĩmbayo ekiherero, mobahonga amahere wʼerĩokererya nʼamahere wʼobuholo.

Abatswerĩ 21:4 Iomraidhean Croise

2 Samwelĩ 24:18

Neryo Gadĩ mwasa mweya Dawĩdĩ, mwamubwira ati, Hetuka, Ũhĩmbĩre Omwami Mukulu yʼekiherero omo kĩhũmbĩro kya Araũna Omũyebũsĩ.

2 Samwelĩ 24:25

Neryo Dawĩdĩ mwahĩmbĩra Omukama Mukulu yʼekiherero, kandi mwahonga amahere wʼerĩokererya nʼamahere wʼobuholo. Neryo Omwami Mukulu mwowa erĩbũganganira ekihugo, nʼobũkonĩ bwʼakasũsũ mobwakakĩrĩbwa oko Ĩsraelĩ.

1 Abami 8:64

Oko kiro ekyo kisa-kisa omwami mwahigula ekibuga kyʼomo katĩkatĩ ekyabya embere syʼenyũmba yʼOmukama Mukulu; kusangwa aho mwahera obuhere bwʼerĩokererya, nʼobuhere bwʼeyĩsyano, nʼamagũta wʼamahere wʼobuholo, kusangwa ekiherero kyʼomulinga ekyabya embere syʼOmwami Mukulu kyabya kyike ĩsĩkĩhĩkene busana nʼeriangirira obuhere bwʼerĩokererya, nʼobuhere bwʼeyĩsyano, nʼamagũta wʼamahere wʼobuholo.

Hosea 5:15

Nasyagenda nʼerisuba aho wage, erĩhĩka aho basyabikulira omusango wabo, nʼerisonda-sonda obũsũ bwage; omo malĩge wabo basyanyĩsonda-sondya nʼomũhwa.

Eryibuka Ebihano 12:5

Nĩkwa aho Mwami Mukulu Nyamuhanga wenyũ asyayisoga omo katĩkatĩ kʼebihanda byenyũ byosĩ, erĩhĩra erĩna liwe ryoho, aho mwasyasa embere siwe.

AbaEbrania 13:10

Abo abakakola omũbĩrĩ wʼehema sibawite ehamũlĩ yʼerirya oko buhere obuli oko kiherero kyetu.

Abatswerĩ 20:26

Neryo abana ba Ĩsraelĩ bosĩ, nʼabandu bosĩ mobahetuka erĩhĩka eBetelĩ, mobalira, mobĩkalaho embere syʼOmwami Mukulu, mobatsira akalyo ekiro ekyo erĩhĩka omwʼĩgolo-golo; mobahonga amahere wʼerĩokererya nʼamahere wʼobuholo embere syʼOmwami Mukulu.

Abatswerĩ 21:3

Mobabũga bati, Uwe Mwami Mukulu Nyamuhanga wa Ĩsraelĩ, busana nakĩ ekĩ kyamabya omo Ĩsraelĩ, ekihanda kiguma kyamabula mũnabwĩre omo Ĩsraelĩ kwehĩ?

Abatswerĩ 6:24

Neryo Gĩdeonĩ mwahĩmbĩra Omwami Mukulu ekiherero aho, mwahulaho mo Mwami Mukulu ni Buholo. Nʼerĩhĩka mũnabwĩre kikineho eOfra wa Abĩezerĩ.

Abatswerĩ 6:26

kandi ũhĩmbĩre Omwami Mukulu Nyamuhanga wawe ekiherero endata oko hakongotere aha ngʼeritondeka lyaho, kandi wĩmaye enume yʼende yʼakabiri uhereyo mo buhere bwʼerĩokererya oko ngwĩ syʼesanamu ya Asera eyo wakondera ahisi.

1 Samwelĩ 7:17

Kandi mwasuba eRama, kusangwa yo yabya enyũmba yiwe; nʼeyo mwatswera Ĩsraelĩ, kandi mwahĩmbayo ekiherero oko Mwami Mukulu.